影片
20230306 西环 石塘咀熟食市场 好少黎呢头番工食野，所以上google 睇下附近食评，然后见到呢𠮶荳荳店评分几高，而其中一则留言话店主好有人情味，疫后香港嘅生活我觉得哩个味道的确喺买小见小，所以就试下去食: 人情味。 我最初只系好奇所以先入黎，所以都仲未知有咩食既。一坐低就睇下餐牌有乜嘢食，我睇左30秒左右，就闻到小小人情味了😆，一位叔叔坐左喺我前面问我识唔识得辣嫁？哦，我小小都ok既。咁你想食饭定食面丫？我想食饭呀，你有冇咩推介丫。咁牙，黎一个大盆骨饭好唔好呀，好多学生来哩度帮衬我都钟意食我呢个嫁！咁因为本身其实我pk黎唔多钟意“论骨”，所以我就问哩个系咪最拿手最受欢迎呀，店主就话我地𠮶啲喇沙面就最多人叫既不过你想食饭我就介绍呢个俾你啰😄。咁牙好丫咁我就要一个大盆骨饭。想饮啲乜嘢咁样呢奶茶咖啡柠檬茶？因为我记得佢话有少少辣但系我又见出面街都凉爽所以犹疑左几秒。细心既店主见到我选择困难就问：椰汁好唔好呢？ （出面食野好多时呢啲都算特饮家嘛咪问下啰）椰汁都好丫，但加几多钱呀？店主：送埋俾你嫁。我：好唔该晒，就椰汁丫😆 街市熟食市场始终就唔会话有好靓嘅装修，而且佢餐牌嘅食物都系介乎39~45之间，2023年香港地黎讲，真系算好平民嘅价钱啦…#我平民我骄傲 转个头佢已经放低左一杯滚水装住餐具，然后摆低左杯冰凉既椰汁，而我就好欣赏佢咁细心主动用热水浸往餐具俾我，因为今时今日香港好少餐厅会主动怎样做了，好多时餐纸巾都未必会跟一张俾你，但哩个熟食市场入面呢间小店，佢一直俾住优质嘅服务态度俾你，当然杯椰汁都冲得好好饮啦。个饭黎到我就好大乡里咁问，咦系咪啲汁倒落碗饭度嫁？有少少辣嘅汤黎嫁，会几开胃嘅。个汤辣辣地的确系几开胃，然后入面有啲瓜瓜菜菜咁样啦，然后大盆骨就系4，5旧肉，加埋既份量就一定多过一个猪扒饭嘅猪扒，而且佢煮得好入味，亦都煮到骨肉分离，完全唔使轮骨，岩晒我呢啲懒人😆。 然后我见个份量禁够，个餐又禁企理，我就再睇下个餐牌究竟几多钱，但睇黎睇去都冇一个接近哩个餐嘅名称，无所谓啦，因为我觉得真系几好食，又好有诚意，我心目中其实觉得佢值68蚊以上架喇，就轻松从食完先再睇下几多钱啰😄 食完最后开估啦，佢竟然距话系43。真系好抵呀，然后我都忍唔住问：我见你餐牌冇呢个餐，咁如果我介绍朋友过来食嘅时候佢应该点叫？佢话其实我好多嘢食都系个餐牌冇嫁，你地黎到咪同我地讲睇我地有无啰，就算其他野都好好食嫁，咖哩啦咖哩我地又系整得唔错嫁。我：但系你个餐牌都系冇咖哩㖞🤣。店主：喺呀所以你黎到睇下问下有咩食啰🤣 成个经历都好有趣，所以我记低左佢。
继续阅读
•光荣三眼仔餐 （配冻/热饮）一上到枱，碟头饭已经十分壮观，分量很大，女生甚至可以两人分食，三只太阳蛋在面层，下方有一大块鸡扒和葱油，还有沾满豉油的饭。虽然所有材料都不是十分特别、名贵，但是配搭在一起真是绝配。值得一题是他的葱油，有一种神奇的魔力令你一口接一口，再配搭豉油饭🤤，下饭整体而言，侍应十分友善，上菜速度迅速，特别是这个饭是它signature，价格亲民，冻饮亦不用加钱，真是平民首选
继续阅读
今日过黎石塘做野 所以顺便过黎荳荳店揾老板 兼食晏今日天气有d焗同热老板都知道大家都冇乜胃口 好贴心咁推介左肉骨茶同凉拌面畀我同同事肉骨茶 配白饭 今次系第二次食 依然系咁好味排骨同萝卜都大大件 个茶又好饮配埋白饭一齐食 愈食愈开胃同事叫左个日本鸡扒凉拌公仔面个卖相相当唔错粟米粒又够甜食落去凉浸浸 好舒服解闷然后跟餐配左杯椰汁冰当然都系老板推介架啦大大杯 超足料 饮到个肚好饱最后埋单都系40蚊一位 好味又抵食 真系成个石塘只此一间
继续阅读
住左喺西环好多年，以前好少去街市食野，因为觉得卫生同环境麻麻，不过自从食咗呢间荳荳店之后，成日lunch time 都想黎食，原因有三：1. 人情味 2.价廉物美 3. 好味又健康老板真系好亲切，态度好好，成日笑面迎人。呢度嘅午餐$3x -$40，包嘢饮，冻饮唔使加钱，我成日都会嗌柠密，同样系唔使加钱。食物嘅份量都好足，味道出色，而且每碟都有唔少蔬菜，好似食紧住家饭咁健康咁！！有时唔想食饭会叫猪排/鸡排炒乌冬，有好多芽菜同埋椰菜，仲有好多芝麻喺面，口感丰富，亦都好惹味，我个人觉得鸡扒更出色，煎得香脆，肉亦嫩滑。见好多人都话hidden menu 嘅黄酒鸡饭好正，所以都叫左黎试下。个汤配料好丰富，有好多木耳同埋翠玉瓜，直头系营养均衡之选。汤汁有少许酒味，亦有杞子同红枣嘅甜味，再吸收左鸡肉嘅精华，送饭一流，巴丝系冇介绍错呀下！👍🏻👍🏻真系有相逢恨晚嘅感觉!!!!!! 呢间系我嘅新饭堂，我一定会keep住帮衬嫁!!!😍😍😍
继续阅读
呢间小店在西环都有点名气，除了食品出色外还有其开业时间唔系想食就食，首先他只开星期一至五，无早餐，傍晚六时就关铺，系因为老板娘身体唔好，老板话请人又难所以晚上就不营业了，要食的话就睇缘份喇。今日天气有点点凉，身边很多人感冒，想补补身点了餐牌没有的「黄酒鸡饭+菊花姜蜜」，有4件大鸡块，酒汤香浓暖身，配菜有黑木耳、脆肉瓜、红枣枸杞，今天的汤头有点咸却刚好送饭，满满一碟饭就这样俾我K.O,重点是成个餐只要$40，仲想点呀！！另外友人不是很饿就点了「云南田园米线」$28，虽然一块肉都没有但很有惊喜，大大碗素菜米线，唔系hea做，买相一流，女孩子&素食者不二之选老板很健谈，食物物超所值，但夏天就会有点热因为街市的冷气很弱，不过除了这样、这个价格真是无得挑衅
继续阅读