313
8
8
港铁观塘站 D4 出口, 步行约1分钟; 观塘地铁站D4出口,步行只需两分钟 继续阅读
电话号码
23456389
90995441
营业时间
今日营业
11:30 - 22:30
星期一至日
11:30 - 22:30
付款方式
Visa Master AlipayHK 支付宝 现金 美国运通 银联 微信支付
其他资料
网上订座
Wi-Fi
酒精饮料
自带酒水
包厢
电话订座
赏订座积分
加一服务费
当面支付
有关奖赏计划
食记 (348)
2/5个女服务员真系醒到一个点,我地问咗三次有关羊腩煲有冇菜底嘅问题,讲到我哋都燥底。然後嘢食仲要咁嘅质素,七百几蚊两位?两款凉拌材料好,调味差。哈密瓜汤甜得古怪。乳鸽细只都无问题,皮不脆,肉已经少仲要乾,卤水汁八角味太重,底味亦不香。最生气系个秘”酱”羊腩煲,大家望下张相,酱呢?蕃茄清汤羊腩?羊腩偏羶(我本人钟意食重羊味,但羶系不一样的),肉质一半近肥系嫩肉的,一半偏瘦就开始难咬。(Google translate)The waitress really woke up to one point, and I asked three times about the lack of vegetable base in the lamb bran pot. When it comes to talking about us, we are very dry. Then the quality of the food is what you want, how many two people? The two cold salads have good ingredients but poor seasoning. The cantaloupe soup is strangely sweet. There is no problem with small pigeons, the skin is not crispy, the meat is too dry, the marinade juice star anise is too strong, and the bottom taste is not good. The most angry is the secret "sauce" lamb belly. Everyone looks at it. Where is the sauce? Lamb in tomato clear soup? The lamb belly is too mutton (I personally like to eat lamb, but the mutton is not the same), the meat is half close to fat and tender, and the half is thin and it is difficult to bite.#queenbeoly_middine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly 继续阅读
(以上食记乃用户个人意见 , 并不代表OpenRice之观点。)
等级2 2020-10-02
2321 浏览
睇见FB咁多好评加上朋友想食清淡啲,所以拣咗呢度,未黎之前真系满心期待,先讲所有小食,都算可以,而蒸蛋都唔错,但之後的就开始越食越失望,个汤完全饮唔到陈皮香味,好一般,黑松露龙趸炒芦笋,好咸而且几油,陈皮黑豚肉排骨,咬落去啖啖油同肥膏,味道只能用特别来形容,鹅肝菌蒸鸡,又系偏油同咸。分量都OK,食到个饭都已经饱到食唔落。不过真系要讲甜品系超级令人失望,因为一般私房菜会期待食一啲比较特别嘅嘢,但佢哋只系俾雪糕球作甜品,感觉好冇诚意。埋单计埋加一大概千六,以呢个价钱,觉得系太值总之唔会有下次,真心唔明点解有咁多好评,唯一一样优点,就系冇时限。 继续阅读
(以上食记乃用户个人意见 , 并不代表OpenRice之观点。)
等级3 2020-06-24
3863 浏览
疫情之下~ 好多朋友都有好几个月冇见过,稍为平服~ 终於约咗一位朋友出嚟嘅摸杯底, 搵一间大家都未食过嘅试新嘢, 终於决定伦哥私房菜,喺openrice book位都几方便, 跟住私房菜已经whatsapp我叫我拣餸~ 因为第一次食所以拣咗啲set~我哋拎咗支wisky上去冇额外收费,当晚餐厅唔系好多人,我谂都系受疫情影响, 所有食物跟住menu上~讲真质素味道都有惊喜,因为设计摆碟精美~材料质素唔错~ 有个密瓜汤我哋仲谂系好甜~但又好清甜(咸), 其实系一个discovery嘅心态~令到我比较深刻印象嘅系陈皮骨同埋个笼仔饭, 因为陈皮骨嗰个陈皮咪真系好香浓, 但冇夺走到嚿肉嘅肉味, 保持肉嘅质感但系又唔会好韧; 呢个笼仔饭用龙趸肉一齐蒸, 讲真我自己都有去买过新鲜嘅龙趸,睇住佢用斧头劈开嘅, 但都冇佢呢一个咁鲜味, 所以厨师嘅手势真系好好~ 价钱黎讲唔觉得佢好贵~但系亦都唔算平, 不过食物质素&招呼真系唔错~worth~ 继续阅读
(以上食记乃用户个人意见 , 并不代表OpenRice之观点。)
等级4 2020-03-01
3433 浏览
由於我和友人经常都会很忙,总不能够在家吃饭。因此,我和友人在朋友的建议下,嚐了这家私房菜。本身对於观塘工厂大厦的美食都充满信心,所以我和友人都好乐意发掘新的美食据点。当我预提早即日预定的时候,餐厅也给了我们建议的菜式,除了汤水之外,其他菜式都好似几特别。由於是有事先预定的缘故,当我们进店後,坐定定之後就可以慢慢等食。友人甚至偷笑对我说,今餐终於不用选择困难症发作了。汤水完全达到我预期所料,老火汤,炖得非常入味,而且滋润,友人差点儿将我的那碗都要抢埋黎饮。士多啤梨骨、烟燻蛋和沙律菜设计上都非常有特色,而且非常可爱!打卡完全一流。当晚的菜式非常多,而且真系完全打破味蕾的局限,有点儿像分子料理的中式版。之後如果我再有聚会,必定会再选择预约这家餐厅,非常贴心,而且菜式有固定的选项再给我作调整的时候,省却我的麻烦之余极具心思。 继续阅读
(以上食记乃用户个人意见 , 并不代表OpenRice之观点。)
等级3 2020-02-19
2643 浏览
上星期生日,谂住对自己好啲,去食正野。呢间私房菜之前朋友介绍过,一直想去,终於有机会喇!观塘地铁站一出就系,好方便。入到去,店员好有礼貌地招呼我地,开左茶叹下先。凉伴黑白木耳:开始食个凉伴开胃菜真系好醒神。黑白木耳都好爽脆,淡淡嘅麻油味好香双色墨鱼仔:白色原味,红色少辣。咬落去卜卜脆,唔韧,无渣茶燻流心蛋伴黑鱼子酱配厚切茄子:店员建议食左流心蛋先,品嚐左阵烟燻味先。就咁放埋嘴边已经好香烟燻味,一路食愈来愈浓郁,唔会俾其他味抢走。好正!厚切茄子配个汁,甜甜地好开胃本地水耕有机沙律菜伴芝麻酱:好新鲜,食落去"sok sok 声"原盅炖哈蜜瓜螺头黑毛豚肉汤:热辣辣,好清甜。入面好多料:桂圆、陈皮...好足料呀!欣赏个汤虽然有肉,但唔会好油,非常健康!虾球水芺蓉:底下系蒸蛋白,面头金黄色系甘荀汁。滑捋捋嘅蛋白入口即溶。虾球上有啲炸姜丝,连埋虾球一齐食,脆脆地多个口感层次,同埋姜嘅香味能够更突出虾同埋蛋白嘅味道。蒜香芝士焗老外蚝王:面层芝士有香浓嘅蒜味同胡椒味,恰到好处。带出蚝嘅鲜味,食得出大厨用心调味。士多啤梨黑豚肉排骨:排骨好似猪扒咁大块,外皮炸得香脆,配上香甜嘅士多啤梨汁,好夹!重点系咁大块排骨一啲都唔韧,好松化!下面嘅米通味道较啖,同上面味道浓嘅排骨简直系完美组合。鱼汤浸小棠菜:鱼汤底真材实料,有鱼鲜味加埋少少姜味,好养颜。荷香蒜蓉海班片原笼蒸红白米饭:饭好有蒜蓉嘅香味,红米加白米好有咬口,层次丰富。海班片几厚,啖啖肉姜汁汤丸:饮落滋润,应该落左冰糖煮。汤丸配合微微姜辣汤,为呢一餐画上完美句号呢餐生日饭好满足,为呢排沉闷嘅生活添上一点色彩。服务一流,食物质素高!我会再同屋企人黎食呀😋 继续阅读
(以上食记乃用户个人意见 , 并不代表OpenRice之观点。)