8
6
3
以上资料只供参考，请与餐厅确认详情
坐巴士經常經過這附近，一直沒有機會進入嘗試，今天適逢晚上在這附近有聚會，於是特意進去一試。 環境方面，比我想像中大和寬敞，卡位很多，內部裝修和燈光都予人潔淨的感覺。但電視機的聲音太大，雖然人不多，但電視的聲音很嘈吵。 因為不太餓，我選了個太陽蛋午餐肉公仔麵餐，配熱奶茶。 先上來的是奶茶，印象分先加首先是因為夠熱，然後是奶和茶的比例恰到好處，所以夠某香，質感也夠滑，杯底都沒見到茶葉屑。 至於公仔麵，個人認為進步的空間還是有的。先是味粉沒有攪好，所以味道不均勻，一啖鹹一啖淡，其次就是蛋煎得不好，黃是傾側了，不是在正中央，我一舀蛋黃便會穿的了。也欠缺視覺上的美感。 值得一讚的卻是午餐肉有兩片，而且夠厚，有嚼頭，不是內地罐頭那種肥肉很多的午餐肉，感覺較為健康，也不是太鹹。所用的公仔麵的麵質也佳，夠煙韌有嚼頭和彈性。 我翻了翻餐牌，覺得這家茶餐廳選擇還是比較少。而且價格略嫌貴了一點。
继续阅读
牛腩麵同奶茶,值得一試小時候常到這茶餐廳吃下午茶,今日路過又想起那美味的牛腩麵$25一大碗,牛腩很多又很淋,但湯低無以前咁濃同入味驚喜既係,杯奶茶非常香滑.$25黎講,值得一試.
继续阅读
今天因為心情不大好 所以order了午飯 這個應該是我唯一會在榮發吃的：魚蛋河 他們的湯很不錯 不過今天拿到來的時候 河粉已經absorb了所有的湯 不過除了這 都還可以吧 不國榮法是比較貴的 如非必要 我也不會叫
继续阅读
尋日(6-4-2010 Tue)同男友o係佢公司,因我要見工而佢都要上大陸,所以走人,臨走前食個lunch,由於我好飽,所以只食少少o野.男友話去橫綱,好啦,但有人等位喇,而且我o地都趕趕地時間,於是唔等,行o黎呢間.我要$7.00o既咖央多士同$14.00o既凍檸水.男友要$36.00o既薑蓉雞扒撈出前一丁,飲凍檸茶.等o左一陣,飲品同我o既咖央多士到o黎,咖央多士金黃色o既,我唔客氣喇,多士好厚同脆,咖央味道清甜,畀男友試吓,佢都話好正.但我覺得如果多啲咖央會好啲,因為件多士真係好厚,變o左好似唔夠味.男友話佢o既凍檸茶甜o左啲,而我覺得我o既凍檸水OK冇問題.然後男友o既薑蓉雞扒撈出前一丁到o黎,一丁湯分開上,我睇到好熱,男友將薑蓉撈勻啲麵o黎食,味道o岩o岩好,香香地咁.而雞扒呢,好味啊,佢煎得好香脆好正呢.呢餐埋單$57.00其他:呢o度裝o左三部電視機,我見到其中一部唔係播電視,而係播裝o係眾坊街閉露電視o既畫面,即係方便客人睇到有冇人炒牌.
继续阅读
今日同朋友經過此餐廳，見門面幾靚，就入左去了~ 但點了一碟菜遠炒牛肉，牛肉好似雪左好耐咁，難食到震，我朋友叫了一個白汁通粉，簡直不知所謂，真係自己係屋企用金寶罐頭撈埋黎食, 仲好食過佢 N 倍~ 仲要價錢係翠華的價錢~ 真係食到一肚氣~
继续阅读