茶餘飯後 (已結業)

檔野好耐冇開，應該執架喇，就講下呢間拜拜的原因。六月中的假日，就試左呢間午市外賣，咖哩牛腩飯+凍奶茶，57蚊係貴，觀感上你將個餐價上調，成件事會好睇d，52+3+2感覺好搵笨咁。講返個飯，咖哩正常，腩都有幾舊，都係果句，食完唔會返轉頭，等個外賣十幾分鐘，熱天等，下次不了。夜市佢賣小菜餐，七八十蚊邊有人幫襯，我猜間野仝人應該係新手創業，有個錢就唔好搞餐飲喇，呢次當買教訓囉。

收工諗唔到食咩，見到佢新開張，嘗試叫外賣自取，支持下小店！喺外賣平台叫咗個外賣自取，一去到門口已經有得攞，回到家打開仲熱辣辣叫咗個乾炒牛河，如果連呢個都唔好食，呢間餐廳唔食也罷非常穩陣，結果又熱，又有鑊氣！最憎啲餐廳整乾炒牛河，由淋淋，啲河粉炒到唔夠色水，屋企人想食芙蓉蛋飯，又估唔到佢咁出色，不過份量就比較少啲！如果下次多啲飯就比較好，如果正常一個男人就唔夠食，但好味最緊要！下次都會再次幫襯