影片
营业时间
今日营业
06:30 - 21:30
星期一至日
06:30 - 21:30
以上资料只供参考，请与餐厅确认详情
比狗食嘅食物，根本个厨师冇用心去煮，啲食物真系差到极点，员工态度又极差，唔明点解仲可以开咁耐，员工态度对人懒理，根本就唔用心工作，可以拣冰室嘅老板应该又系差唔多咁嘅人，都系唔会用心嘅人，正所谓上梁不正下梁歪。
继续阅读
今日中午十二点，我同妈咪嚟到贵餐厅食饭。点完餐后，我哋慢慢享受美食，食完都已经系十二点十五分钟左右。妈咪去厕所期间，我坐喺度等佢，点知侍应生竟然接二连三过嚟骚扰我！首先，佢哋二话不说就收走晒我枱面嘅餐具，连我未饮完嘅水杯都想拎走！我忍唔住问佢哋做咩，佢哋竟然反问我：「你哋重有几耐先走？」语气极不耐烦，彷佛我哋阻住佢哋做生意！我明白餐厅繁忙时间需要翻枱，但系我哋并冇霸占座位，只系合理时间内用餐。侍应生嘅态度极其恶劣，完全唔顾及客人感受，令我哋感到非常不受尊重。贵餐厅嘅服务质素实在令人失望，希望管理层正视问题，改善员工培训，以免赶客！
继续阅读
食物非常难食，服务非常差。点咗一份公司三文治，但系佢用腿蛋治加餐蛋治，扮公司三文治。同𠮶度嘅姐姐讲，佢话公司三文治系咁样，好心唔好当人哋系傻先得㗎。讲多几句，可能连自己都心虚，先至俾咗两块蕃茄嚟，但系𠮶两块蕃茄个样都唔新鲜，最后我都冇食。如果唔知咩叫公司三文治，就唔好写呢个菜式出嚟，仲要死拗。餐蛋治加腿蛋治就话喺公司三文治，喺度欺骗观众，根本就系唔想整，蕃茄呢？芝士呢？生菜呢？叉烧呢？以后唔会再去帮衬，不推荐。
继续阅读
【大埔区】【茶豆冰室】去到太和，个人有啲攰，唔想行太远，就喺火车站附近揾嘢食。我就对饮食冇乜要求嘅，唔太过份嘅话基本上我都会容许啲餐厅蒙混过关。毕竟香港地生意难做，租金奇贵，都好难要求性价比每次都咁高，我好同情饮食业架。因此我写 foodie 嘢嘅时候好多时都写得温和过温和达，而喺选材方面更加唔介意食一啲好平凡嘅餐厅。纵使被人诟病为「茶餐厅 foodie」，但亦有唔少读者讲返我嘅餐厅选择够亲民、够贴地，亦都有效反映出现实情况会系点。铺垫咗咁耐其实都系为咗讲我喺太和街市求其揾间茶记食咗个 $50 嘅「常餐」，希望大家都支持啫。主食几特别，可以拣 1+2 嘅𩠌，我拣咗「鸡扒」加「五香肉丁」同「煎蛋」配「米粉」，味道正常，茶餐厅系咁上下水准。不过佢个配菜冇奄烈，得件「厚多士」，正正常常。饮品方面，最近公司加咗我人工，所以我有勇气加 $3 饮「冻杏仁奶露」，略嫌有啲淡口。埋单价 $53，都冇咩好讲，不过晚市佢哋都多人食客饭小菜之类，睇嚟系唔差嘅。。。（地址：大埔太和路12号太和广场地下太和市场T-TW01号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #foodies #globaleats #followforfollowback #love #eat #1am大埔区 #大埔 #太和 #茶豆冰室 #茶餐厅 #常餐 #鸡扒 #五香肉丁 #煎蛋 #米粉 #厚多士 #杏仁奶露 #1am1078 #1ambackup
继续阅读
今日难得去太和街市买𩠌煮下饭仔～～见到太和街市入面新开左间餐厅～～买𩠌前就走去食d野医下肚仔先～～以茶餐厅冰室黎讲～～呢间野都算装修得几靓仔🤵♂️坐得舒舒服服啊～～去个时间都几多人食下～～点左个招牌咖喱牛腩饭食，好快有得食啦～～个咖喱🍛真心劲正，又够香又够浓，非常之好味～～牛腩唔会un炆得刚刚好，配埋薯仔食最正啦！见佢地夜晚重有d盐焗鸡，鸡煲咁样，下次如果懒唔想煮饭等我又试下佢好唔好食再报告下先😉
继续阅读
您可能会有兴趣的...