茶角

营业中

休息中

下午經過開太安樓，係太安樓一街見到呢檔茶角有炸嘢（以前行過唔覺有，唔知係咪新嘢），本來熱到死唔想食，但聞到幾香，加上未食過，所以買黎試下，買左甜不辣，花枝丸，大魚蛋，雞肶。 甜不辣就普通，煙煙韌靭，花枝丸，大魚蛋都唔錯，我最鍾意係雞脾，外皮炸到好脆，肉方面都juicy，最重要係唔會太多調味料，好食過對面嘅豪大大，珍珠奶茶就普普通通，係平囉，舖頭入面個4眼哥哥仔都好nice，又好傾，下次都會再去幫襯。

沒有誇大，平時寫食評都唔會咁誇張，但這真是十分難飲。奶茶茶底淡過水，茶味一啲都沒有。甜味非常假，假到太誇張。飲咗兩啖，我都已經飲唔落，飲水好過佢…絕對係浪費金錢。

食完飯，響太安樓附近無理由唔行下既。珍竹珠奶茶一直都係我既至愛。響太安樓入面，你可以揾到好多飲品舖，奶茶店。本來諗住貪方便買另一間伙拍炸物店既奶茶。一黎太多野要㨂，二黎位哥哥都好似做唔切。等左一陣，周圍望下就見到「茶角」喇！價錢同我本先想買既差唔多。所以就試下。芝士珍珠奶茶。已經變左紙飲筒。搖完之後唔會太咸或者無味！芝士味已經溶左入奶茶度。係可以望到既溶合。珍珠入口果下…… 嘩要即刻寫食評呀。驚自己唔記得。食過太多太粉既、一pat 野既！呢杯既珍珠係我至愛既煙靭感，微微既甜味。每一粒都要食下十多口都仲係好煙靭。完全唔想吞咗佢。超享受佢俾我咬既感覺。下次可以試下其他飲品。不過一定要有珠

叫咗芋泥鮮奶同oreo奶茶，一開始以為閂咗鋪冇人，一行近先發現兩個店員坐晒喺度撳電話，跟住唔知講嘢太細聲定跟本冇答我，完全冇聽到過佢把聲😮整好嘢飲又唔叫numberOreo奶茶得個面有薄薄一層oreo碎，入面完全係普通奶茶👎🏻👎🏻我大大話話都飲過幾十杯芋泥鮮奶，未試過一次係啲芋泥同鮮奶分得咁開嘅😑😑勁辛苦先飲到芋泥 仲要有渣😑😑😑好後悔冇睇咗食評先 never again👎🏻👎🏻

🤮🤮🤮🤮冇味又貴又難飲，太安樓有更多好過佢嘅選擇。唔會再幫襯🤮落完單等咗一陣一飲落去好似水咁完全冇味道，珍珠又難食好淋仲要咁嘅價錢，一定冇下次🤮其他係太安樓同樣位置嘅茶飲會有大把更好嘅選擇

今日食完飯行過買咗杯香橙四季春（微甜少冰），諗住一定安全，點知飲落真係好好好好怪，成杯野好稀又冇茶味😞橙肉又酸，直頭酸到苦，最重要係竟然有種香精味！同行友人個三杯都有，一飲落去就好明顯，好難繼續飲落去，友人個杯芝士奶蓋又係冇味好難想像點解杯杯都咁嘅水準。。。真係堅失望。雖然飲新野都預咗伏，但無諗過伏到咁😂當比錢買個教訓今日見到店員都吾算好熟手，希望只係個別例子，會改善下，畢竟唔係平，雖然我都唔會再去了。

叫左杯$36 芒果四季春 11月黎叫過一次 價錢少貴但係有真果肉所以諗住再叫點知今次已經變左化學元素表一pat 黃色沈澱物係底仲要叫我攪勻先飲首先已經攪唔勻，有啲不知名嘅嘢浮喺水面其次係完全冇芒果味，好酸，唔知自己飲緊乜你想減低成本冇問題，但係整到咁嘅質素，真係好意思收呢個價錢？叫自己做芒果茶？你地就係用左呢一次機會，令個客唔會再返轉頭幫襯，講真1分都比多左，係太安樓可以有大把更好選擇，希望大家唔好好似我咁中伏。

為了紓解測驗壓力，星期六跟朋友買手搖飲輕鬆一下，殊不知中伏了。1- 珍珠鮮奶綠 31蚊今次專登加$6轉鮮奶，殊不知一啲奶味都冇！好似飲緊水咁！反而以前飲珍珠奶綠啲人造奶味仲好少少。個茶底就只有苦澀，茶味就欠奉。呢個價錢，真係有啲失望。2- 凍四季春加珍珠 25蚊好普通，即是普通的路人甲那樣，飲完都冇乜記憶。好彩買兩杯可以減$10 ，如果唔係，對於一個中學生嚟講，都真係幾唔抵！服務方面就正正常常，不過不失，但就唔會令人好想快啲再次去幫襯。

太安樓一向係港島區嘅「夜市」。就算凌晨一點都仲有唔少舖頭開，啱晒收工夜嘅人搵嘢食搵嘢飲。 而依間珍珠奶茶店 凌晨12點都仲照開，岩哂我依個已經好耐冇飲珍珠奶茶嘅人收工過下口癮慰勞吓自己簡簡單單咁叫咗一杯「茶角珍珠奶綠」（$25） ，照慣例都係少甜走冰。 價錢黎講合理。 店員好快就就整好。 飲落大概因為少甜關係 ，所以茶味幾濃同埋奶味都唔算太over 至少唔會cover左茶味。 而珍珠食落去唔會太林，小小煙韌咁既口感， 整體都不過不失。值得一提店員好好禮貌

天氣仲係有啲熱係太安樓見到呢間新開嘅飲品店忍唔住要用一用Quota飲呢杯肥仔水🤣鮮芋泥麻薯奶茶 - $44芋泥係老闆自己人手打的都幾綿而且份量都唔少麻薯係有驚喜嘅未試過飲廢水係有全嚿麻薯咁啜上嚟少少煙韌嘅感覺同埋麻薯凍凍哋咁食落口感好好整體唔算太甜不過應該係因為我叫咗微糖下次有機會要再嚟試吓其他飲品

今日中秋同友人以為係太安樓買返杯野飲就返屋企攤啦，點知比錢買左個壞心情……見茶角新開，咪幫襯下，點知第一啖飲落去啲茶又苦又澀，再加上個冇味芝士奶蓋，又唔甜又唔鹹，真係難以接受友人個杯芝芝芒芒就混雜著其他水果嘅味道……真係完全破壞曬成晚嘅好心情

#MC帶你去西灣河.太安樓被譽為香港版小士林之稱，實在太多美食要介紹😋今次依檔係新開嘅茶飲店「茶角」，最啱掃完街食返杯。今次試咗杯芝芝芒芒🧋芝士奶蓋相信大家都唔陌生，但依杯轉咗沙冰底，唔知有咩分別呢🧐✨ 芝芝芒芒 - 奶蓋沙冰 $38芒果奶蓋沙冰顏色偏淡黃色，第一個感覺就無加色素啦👍🏻奶蓋打得幾厚，飲落味道幾好，甜度適中☺️飲落仲有少少芒果肉粒同沙冰，唔知係咪用新鮮芒果啦，芒果味比較淡🥭成杯手搖好清爽，奶蓋又唔會太飽滯。✨ 總結太安樓嘅手搖店唔多，唔想飲來飲去都係嗰幾間連鎖店嘅話，不妨一試依間新開台式茶飲店😜.⭐整體︰7.0/10⭐食物︰7.0/10⭐環境︰7.0/10⭐價錢︰7.5/10.==============================📍 茶角 (西灣河)地址：西灣河筲箕灣道57-87號太安樓地下A25B號舖交通︰港鐵西灣河站 A 出口==============================.#Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie