影片
以上资料只供参考，请与餐厅确认详情
牛油果酸奶 ($39)牛油果酸奶绝对系夏季既完美选择。牛油果的绵密口感与酸奶的酸甜平衡相得益彰，令每啖都充满清新既滋味健康甜 无另外加糖👍🏻价格合理，令人感到健康，值得推荐！逮丸芋头2号（小芋圆）($45)接下来的逮丸芋头2号（小芋圆）则是另一种令人惊喜的选择。小芋圆外皮柔软，内馅则是浓郁的芋头馅，甜度适中，口感滑顺。唔会死甜杨枝甘露盒子 ($40)估唔到饮品舖都有甜品卖见到仲有巴斯克蛋糕不过𠮶段时间未返货，所以我简左杨枝甘露盒子传统既杨枝甘露以盒子形式呈现，内含香浓的椰奶、鲜榨的水果、蛋糕口感层次丰富，清爽的味道让人一试成主顾。盒子的设计也十分吸引眼球，无论是味觉还是视觉上都给人一种愉悦的享受。值得一试
继续阅读
返工做得累，有时break下要充下电食下野，今日系公司附近去左茶茶go买左杯野饮同件cake开心下叫左大大杯既金煌杨枝甘露，即时透心凉爽呀！甜度适中，还有啫喱嘅口感，不会偏甜，边行边饮差唔多返到公司就饮哂等紧饮品时睇到甜品柜放住唔同既甜品，心思思决定买件伯爵茶芝士蛋糕芝士蛋糕口感软绵、略带茶味系我钟意嘅口味，食埋件蛋糕就慢慢等收工啦
继续阅读
小弟就唔喺咁经常买台式茶饮，间唔中一杯半杯咁啦，不过，天热就多咗机会饮多两杯。中秋都过咗，呢几日仲上到33°C，热到人都癫！工作关系落到嚟湾仔，撞啱呢间「茶茶Go」，咪买杯冻饮返公司叹吓啰！呢类茶饮店一向都喺铺仔细细，一眼睇晒，最紧要喺够干净，偷偷望入去，都几够卫生。讲番啲饮品，选择十分之多，大类别分为牛乳入茶、纯茶芝士奶盖、梳打、甘蔗系列、鲜果茶系列、冬瓜茶、牛油果系列、酸奶系列、咖啡、牛乳系列、台式沙冰……等等。晌等候期间，见到铺前嘅冻柜仲有啲甜品供应，睇啱「紫菜肉松小贝」，一个个，细细件咁，方便大家「些牙」，就追加埋佢。金锽杨枝甘露 $36一向都钟情芒果嘢，份量无得拣，一定喺大杯装，但确实好大杯，以芒果打成嘅沙冰，唔单上芒果味十足，好清甜，口感仲好细滑，唔会有冰粒感，再者，落咗啲椰奶，添加几分椰香，自然更有层次，底下仲有啲红柚啫喱之类，冰冻好饮，晌呢种又热又湿嘅天气，绝对喺消暑奇「冰」！紫菜肉松小贝 $38一份有4件，唔好睇佢好似唔大件，其实，拎上手即刻感到好坠手，好有重量，蛋糕嘅口感几软滑，又几有蛋香，里面卷住啲蛋黄酱，再加上成件蛋糕四面都黐满紫菜同肉松，味道咸咸甜甜，又带点酸香味，难得又夹到㖞，非常有趣。初时只打算饮杯嘢，依家加上小贝就变咗下午茶，为忙碌嘅下午添几分乐趣！
继续阅读
之前喺旺角饮过佢嘅熊仔饮品觉得几得意👀湾仔嘅舖头位置更加方便😮✨夏夜白桃乌龙 $24微糖少冰基本上好似走冰咁，白桃乌龙最重要一定系水果同埋茶味，甜味越少味道会仲香，建议大家叫微糖或者走糖👍🏻个人觉得乌龙茶味偏重，如果可以多啲白桃味就更好😋👀✨肉松虎皮卷 $40肉松配海绵蛋糕🍰一个咸咸地一个甜甜地🙂↕️🙂↕️味道好特别，个人几欣赏肉松味道好香👅👀饮品店嚟讲食物种类都算多同埋几特别，仲写住有工场每日新鲜制造，另外仲有几款口味嘅巴斯克蛋糕望落几吸引👀如果有机会嘅话想再试吓佢个伯爵茶巴斯克蛋糕😋🤙🏻
继续阅读
行街行到好热，咁啱经过就买咗两杯嘢饮解下渴。自己嗌咗杯冻嘅乌龙烤奶茶配黄金珍珠。茶味几浓下，而且啲珍珠个人都非常钟意，咬落去几烟韧，食落亦都唔会变到好粉。同埋啲珍珠甜甜地，由于拣咗少甜，配埋啲茶嘅味道啱啱好。整体来讲，成杯嘢嘅甜度同茶味都配搭得几好。而朋友就嗌咗杯店舖推荐嘅芋头一号，其实即系芋头鲜奶，一样都系配咗黄金珍珠。芋头份量都几足料，试饮咗一啖，都相当唔错，钟意饮鲜奶系嘅朋友会相当钟意。另外除咗饮品之外，呢间小店竟然仲有买蛋糕同埋甜品。其中嘅紫菜肉松小贝卖相非常吸引，所以就买咗一盒嚟试，点知超好食！肉松同埋紫菜多就唔使讲，估唔到入面仲有啲蛋黄酱，配合埋本身蛋糕淡淡地嘅蛋味，真心惊艳。返屋企之后雪一雪再食仲好食。非常推荐大家买嚟试吓。总括嚟讲，依间小店饮品相当唔错，而甜品就更加出色，可以番兜，下次经过再试埋蛋糕试!!
继续阅读