茶舍 (北帝街)

营业中

休息中

土瓜灣新開左間新派茶餐廳，餐廳裝修企理，除了提供多款炒粉麵飯、焗飯、意粉、扒餐、湯飯等茶記餐牌，更有pizza、burger、和風之選、甜品等茶記不會供應的食物，集合多國菜式，選擇非常多！👍🏻👍🏻🌟蒲燒鰻魚炒珍珠飯 $56 本身有d擔心茶記出日式鰻魚炒飯會唔會伏，但見到個賣相又覺得都幾似平時食開既樣，份量超多，聞起黎勁香☺️，面頭鋪左柴魚片，材料用左粟米粒、鰻魚粒、洋蔥粒、冬菇、蘑菇，口感非常豐富，味道一流🤤，超有驚喜😳！🌟咖喱雞焗飯 $56 🥘香噴噴既咖喱汁鋪滿成個飯，即叫即焗，拎到返屋企都仲係熱辣辣，雞肉嫰滑，薯仔焗到軟淋，最特別係佢既咖喱加左大量蒜，食到好濃蒜香，味道都幾特別😋🌟魔鬼芝士一口炸雞 $38 🧀🍗雞塊炸到香脆肉嫰，點埋濃郁既芝士醬，食落咸香適中，值得一試😋🌟煙三文魚沙律 $42 🥗煙三文魚沙律份量多，煙三文魚爽口彈牙，肉質鮮味濃，肉香久久不散，沙律菜新鮮，用左多款沙律菜，簡簡單單落黑醋調味已經好正🤪，簡直係健康之選！🌟餐飲 ☕️跟餐包左熱飲，加$3可轉凍飲！一定要試佢既茶底飲品，茶味比坊間既茶記濃，奶茶香滑，茶同奶既比例剛剛好！鴛鴦啡味比較濃，都幾岩我口味！📍茶舍 (土瓜

土瓜灣自從有咗沙中線之後變得相當熱鬧 亦都有好多新嘅小店加入今次就試一試呢間新開嘅茶餐廳由於係午餐時段又想買外賣同屋企人一齊食今次叫咗四款唔同嘅飯分別包括咖喱牛腩焗飯$56蒲燒鰻魚炒珍珠飯 $56魚子三文魚蛋炒飯 $56咖喱雞焗飯 $56另外亦都係跟餐飲品 選擇左咖啡首先講一講幾種唔同嘅飯特別鍾意食呢個蒲燒鰻魚炒珍珠飯又點會諗到茶餐廳會有咁日式嘅風味鰻魚份量都唔少 再加埋燒汁好開胃好好食另外三文魚飯一啲都唔手鬆都落咗好多三文魚炒飯炒起上嚟特別香仲有呢度嘅咖啡唔係茶餐廳嘅味道飲得出係即磨咖啡 好好飲下次去開土瓜灣都可以再嚟呢度試一試

舊區勁多隱世美食，但都有d 新開張嘅小店。依d 小店，分分鐘會有新驚喜。唔建議山上水遠入去食，不過如果黎開依區，就可以一戰。冇堂食，要叫外賣番屋企。掃完街就搵間野叫幾個飯番去食。新開，花牌都仲係到。5點幾去都仲有lunch menu蒲燒鰻魚炒珍珠飯 $56唔講份量，份量夠兩個細食嘅女人仔。味道有日式嘅風味，鰻魚唔小，d 肉係實嘅，唔係臭嘅。咖喱雞焗飯$56新鮮焗比你，所以要等耐小小。唔係出面快餐店果隻咖喱。味道rich d, 雞肉好多薯仔連皮上比你，有好有唔好。忌廉野菌皇烤雞扁意粉$52肉多，可能新開。味道正常真係足料，遲d 去再睇睇意大利粟子法式布朗$16可以追加甜品，見有栗子就試試。栗子fans 要叫。

中午沒時間吃飯，餓扁了，決定去吃個豐富下午茶。兩個人點了三份下午茶，有炸魚柳沙律，花生醬西多士，當然不能少了這裡的黑松露炒蛋牛角包。坐在卡位上很舒服，通道有點窄，但不影響我們的食慾，飲料我們要了凍檸檬茶☕，芒果沙冰🍹，還有一杯熱紅菜頭薑茶☕。餐點很快上桌，份量不小，夠填飽我們餓壞的肚子。黑松露炒蛋牛角包着實不錯，店家肯下本錢💰，香滑炒蛋拌入重手黑松露，夾在鬆軟的牛角包裡，咬在嘴👄裏，超滿足的享受，加上熱乎乎的紅菜頭薑茶☕，溫暖了整個人。有甚麼好得過餓有美食，倦有暖床。西多士也不錯，炸香的麵包裡有厚厚的花生醬，蘸點牛油，滿口酥脆香甜，伴着装點漂亮的芒果沙冰，符合了色香味的食物標準。整個下午茶時間都客滿，可知多受歡迎。😀

聖誕節，想話食聖誕大餐，於是走落哥登堡開餐，點知門口排咗成十幾人，轉場落北帝街睇睇，見到新開咗間餐廳叫茶舍，menu有不少心水菜式，於是入去幫襯.亦都係最後一次幫襯！點咗份美國豚斧頭扒，芝士焗波士頓龍蝦海鮮意大利飯，濃蝦湯.居然有我嘅大愛沙冰，馬上叫鮮芒果冰沙！優點：1) 俾D街坊多一個選擇.2) 寫多個優點都寫唔出！缺點：1) 地方淺窄出入困難！係我幫襯過通道最窄嘅餐廳！空間比國際太空站更窄！食得極唔舒服！2) 豚斧頭扒無味，豚肉口感又實又無味，浪費上好食材.3) 波士頓龍蝦居然梅梅地！有無搞錯！4) 意大利飯無味又太濕，連我一向食魷魚會腳痛嘅病症都無，食完魷魚居然無事，可想而知質素有幾差！5) 以為係"龍"蝦湯，原來係"濃"蝦湯，濃蝦湯一D都唔濃！衰過金寶湯！6) 最大期望嘅沙冰，簡直係失敗！不單只完全無芒果味，重有我唔受得嘅奶味！同西環楚撚記嘅沙冰一比，簡直係天堂同地獄！為免再次進入一個比國際太空站更差嘅環境，食一個會令我進入無間地獄嘅西餐，唯有將茶舍打入黑名單！拒絕幫襯！

見到有新餐廳諗住試下點知就。。。都算係我等得最耐既餐廳叫左個pizza同炒飯話等15分鐘於是就企係外面勁大油煙既門口等吸左20分鐘油煙都唔見入去問無人理，再問之後終於有人理我，跟住就話等多陣咁要等幾耐呢？話因為太多野焗，太多單我明但你可以講聲以後都唔會再黎

12月23日與同事一同食晏，行過見係新開、多人食同裝修都唔錯就去試試。好啦~首先去等位，OK等唔係問題，我等....等位其間見有人叫杯飲品幾吸引，諗住一陣試下，但最後發覺走嗰陣差唔好冇飲過，咁就打消左呢個念頭(入到去見餐牌，嗰杯叫芒果沙冰)。一行三人叫左2個安格斯牛扒餐及1個鰻魚蛋包飯。等左約10分鐘食物上枱。先講下鰻魚蛋包飯，飯唔係熱的，而鰻魚就唔係平時食嗰隻味(包括鰻魚壽司、鰻魚炒飯、鰻魚飯... 嗰D味)。跟住講下安格斯牛扒，見賣相唔錯，牛扒都唔係超薄嗰隻，有少少厚度。起初切側邊都幾好，但切深少少就見有血出，中間好似冇整過咁(唔知有冇3成熟，其實只得表面係熟)。咁生，緊係叫佢再煎整返熟佢啦~侍應話唔會番煮，會另外整一份出黎。OK，咁等...。等到12:45分仲未有，因1點要回公司，唯有轉外賣，到12:50先有得攞外賣。返到公司就諗住應該冇問題啦，話曬都再煮。一打開，塊扒well done，唔緊要，可能驚生得濟，今次塊扒冇問題，但見D飯有部份有D紅點，睇落唔似血水，又唔似紅薑，都唔係咁敢食，潷出黎，但結果放工返到屋企就肚痛，要去洗手間。

其實呢間屬於茶記？冰室？定係西餐廳……？見呢間餐廳名幾特別，不妨同朋友去試吓，估唔到有驚喜！平時很懶寫嘢嘅我都忍唔住要喺度分享吓，好嘅餐廳一定要支持！餐廳環境舒適，見食物餐牌有我鍾意食嘅牛角包，所以點選咗一個黑松露滑蛋牛角包試吓，好香黑松露味而且蛋好滑，牛角包好鬆化，非常滿足到我嘅視覺味覺；另外龍蝦扁意用料新鮮，龍蝦鮮甜，扁意彈牙，龍蝦湯底真材實料好好飲；冇諗過好食嘅安格斯牛扒可以咁嘅價錢食到，成塊牛扒厚身而且好香牛肉味，廚師亦煮理得好好；流心芝士西多士太好食啦，多士煎炸得好香口，配上流心嘅芝士加火腿，好滿足；奶茶非常香滑，酒平時可以飲幾杯，估唔到夜晚奶茶都忍唔住飲兩杯。朋友意見龍蝦湯好好飲，套餐包埋沙律同埋餐湯👍🏻總體評價高質、性價比高、服務好，搭車揸車都方便，所以一定會再同朋友過嚟食。見到佢嘅早餐都好吸引，放假過去試吓先！食到啱自己鍾意食嘅嘢同埋咁平嘅價錢真係覺得好滿足呀！

經過見到呢間餐廳新開，其實平時多數唔會試新野，因為開張期間試業期間，水準都係比較參差，但係朋友話想試，又唔使排好耐，就揀咗佢黎食。入邊座位都有啲逼，但係好好彩，我哋兩個人安排咗四人座位，坐得超級舒服。(但其實除左卡位, 其他都坐得超迫, 枱與枱之間得條罅仔, 我見到有個呀姐笑住咁同侍應講入唔到去)餐牌選擇唔算多，因為今日有啲凍，想食熱野，所以揀咗咗龍蝦湯海鮮飯，朋友揀咗蒜蓉雞扒滑蛋飯。其實對朋友嗰個蒜蓉雞扒滑蛋飯完全冇期待，因為價錢平$48 ，而且見佢啲餸名都係一啲比較普通冇乜特別嘅餸。但係點知侍應將個菜放上黎嗰陣，「嘩」左聲，因為外表來講真係幾靚，首先個滑蛋好靚，個蛋紋轉得好靚，跟住洋蔥汁就淋係飯邊，冇冚過啲飯，跟住雞扒放咗上去，整體嗰個鋪排都非常之用心，而且漂亮。跟住我食咗一啖洋蔥汁，洋蔥味非常非常之重，真係好食。跟住再食一啖滑蛋，幾滑，仲有汁液嘅。跟住再試雞扒啦，佢係好新鮮煎出嚟，係好燙口的。整個飯我覺得十分之驚喜，因為覺得賣相好靚呀，而且好新鮮啦，而且以呢個價錢，我唔期待佢什麼嘅情況下，所以驚喜10分！跟住龍蝦海鮮湯飯來了，個飯冇想像中咁多，隻色亦都比圖片淺色。首先飲一啖湯，個

今晚8:00pm我和太太去試這間新餐廳，order咗鰻魚炒飯$62和安格斯牛扒$138包飲品，凍飲+$3，鰻魚炒飯幾好食，牛扒就來錯斧頭豬扒($128)，店員開始時都堅持這塊是牛扒，我們再三追問下，有個可能是老闆的人，一看知道是自己出錯，立刻話出過一塊牛扒俾我，而豬扒就免費給我吃，我當然即時講多謝，吃過這塊要5成熟最後變8至9成熟的牛扒後，我自己覺得豬扒好食過牛扒好多。建議大家可以試下鰻魚炒飯和斧頭豬扒。

order左蒜蓉汁香草雞扒滑蛋包飯 同埋 香草鮮野菌忌廉天使麵雞扒飯味道賣相都非常唔錯(⭐️:4.5/5)，奶茶都係正嘅(⭐️:4.5/5)但係野菌天使麵可以話係冇味(⭐️:1/5)，仲要基本上係冇野菌😂可以見得到嘅”野菌”比一粒米仲要細🤣 應該係罐頭sauce裏面嗰種🤔真心覺得被騙🙊