影片
去到登打士街揾野饮，随时选择困难症发作，之前都比较多饮koi，最近多饮茶汤会，发觉佢地拿铁质素都唔错。旺角分店帮衬嘅人唔算多，始终选择多，所以每次都唔算等好耐。虽然通道比较逼、挤人，但刚巧佢地店面有个巷仔位取饮品，所以都唔会觉得自己阻住人。佢地嘅茶饮唔算好多选择，主要系奶茶、拿铁等，定价都系正常，不过我觉得佢地嘅饮品细杯少少（相对其他品牌）最出名应该系铁观音拿铁，上次我都已经试过，确实系茶味几重，今次试左翡翠拿铁，味道较为清新。里面嘅茉莉都系饮得出，但唔会好甜。质地比较薄身，所以唔会好腻。我今次冇加珍珠，因为我觉得佢地嘅珍珠比较细粒，争咁啲咬口。
继续阅读
出去叫亲野饮都会叫冬瓜茶 其他品牌一系太甜一系就水咁 总之就假 自从几个月前试过茶汤会冬瓜柠檬后简直上隐咁 每星期都心思思要饮返杯 佢个冬瓜茶底系好香浓！绝对唔系出面沟水咁 $21杯比出面d台式饮品店贵少少 其实个杯又冇人咁大 但系佢系超好饮 店员又非常有礼貌 实在难得好似今日咁 有两位钟意讲笑（又唔好笑）客人响我前面买野饮 问长问短 又话贵 店员都好耐心解释有咩饮品 又配合笑下佢地d烂gag 真系做到「一份幸福茶 一份人情味」呀！
继续阅读
久不久旺角去觅食, 就会发现开了不少新店毕竟香港人太喜欢赏新, 旧店好多时约1年到就会byebye本来去逛街的节目, 变成了试新食品 茶汤会早就想去天后试下茶汤会珍奶, 无奈港岛实在太远了茶汤会系台湾春水堂旟下的品牌去台湾几次都未有机会试春手堂, 其实香港真系咩都有得试当日试业无咩人店员很耐心推介表明店内奶茶使用鲜奶, 特别香滑另外珍珠不含防腐剂所以点了观音拿鐡+珍珠拿鐡其实类似奶盖, 奶会放上面但又唔系奶盖咁绵密珍珠是细珠, 无大量糖浆味虽然以观音O黎讲系淡D , 但的确奶香淡出甜味最正系珍珠软硬刚好, 本人喜欢细珠
继续阅读
每次去旺角，都要早啲谂定𠮶日饮乜嘢，因为太多选择，但其实每次我都系会拣茶汤会，因为分店较少屋企附近冇， 而且质素一路都keep住好好。今次系饮观音拿铁珍珠（微糖微冰）好多台式饮品店杯嘢最后出嚟都唔系你想要嘅糖同冰嘅份量，好多都系会偏甜，但系茶汤会饮过咁多次，叫微糖就真系微糖。珍珠系细size，甜度啱啱好，有咬口够烟靭。茶味够浓，微糖亦都突显到茶味，同奶嘅比例啱啱好，good👍唯一可惜嘅系较为细杯，不过味道同水准搭够，如果食完嘢去饮就啱啱好。
继续阅读
茶汤会不嬲系我好钟意嘅一间台式饮品店，今次我试左佢嘅珍珠红茶拿铁（$24），size比一般珍珠奶茶细杯，饮落却十分有惊喜！💕入口有好香嘅红茶味，甜度岩岩好👅佢嘅珍珠亦值得一赞🖒珍珠比起其他台式饮品店细粒，食落甜甜地十分有咬口😆整体不错🖒
继续阅读