茶樂 (已結業)

就黎熱到爆炸，好想飲野，行左成條彌敦道，終於見到一間奶茶舖，間舖位置唔係好顯眼，唔留心都幾難發現有間奶舖，茶樂？之前未飲過，試下先啦，都幾多款選擇，瞬間唔知飲咩好，店員介紹話手作珍珠係間舖特色，健康，每日新鮮機器加人手打出來，又幾得意，點左杯手作珍珠鮮奶茶微甜，個人口味偏淡哈哈哈，🌸櫻花珍珠，杯野出到黎都幾靚，一定要打卡，飲落去好清甜，鮮奶奶茶原來可以咁正，一定要寫個食評先得。如果將軍澳都有間咁噶奶茶舖就好了🧐

茶樂終於開到左敦啦❤️，就係自己屋企附近，之前飲開這間鋪手作珍珠奶茶，今日有时间进去買杯新野試下，当然系試皇牌撞鮮奶拉，店員話5好搖匀飲會好味D，第一啖飲落去，奶味好濃好滑，這種濃郁的味道真不可思議，另我好想分享比好友，珍珠好Q好特别，甜而不腻，岩晒我口味，值得一試，收工又忍5住又试埋个Oreo 沙冰，饮落有雲呢那味，上面又有oreo，好夾，夏天飲真係透心涼💦，好有驚喜，會一直關注同試饮其它飲品🤗

近期黑糖珍珠撞奶好熱門，出去尖沙咀銅鑼灣閒閒地要排一個鐘，或者可以選擇返大陸飲，但打工仔幾何可以話返去就返去？前日路過佐敦街頭，見到間無人排隊，非常冷清嘅台式飲品鋪。主打黑糖珍珠撞奶，癮起，十五十六試唔試好？名完全未聽過，但唔代表啲咩，可能間鋪無做宣傳，三十蚊都幾貴，一次，豪俾佢啦。顏值幾高，黑糖沿著杯邊做個大理石花紋，自拍打咭無問題。一入口黑糖味夠濃，本身我鍾意食甜，所以覺得啱啱好。珍珠偏硬，唔肯定係咪因爲手造珍珠嘅關係。奶味非常淡，當冰溶咗更加淡。總括而言，如果過下黑糖癮係ok嘅，唔洗排隊，但唔會返頭飲。

上次光顧太子店已經係去年11月，試左奶蓋櫻花珍珠奶茶，到手時完全冇奶蓋，原因冇深究，事後一直未有意欲再訪。雖然係好奇寶寶，但唔係咁啱經過都唔會買呢杯黑糖飲料。喺市政大廈食完飯，番歸途中行經佐敦新店，試埋你啦。主打多款口味嘅手作珍珠，櫻花、焦糖、白玉、火龍果等，飲料分純茶、果茶、冬瓜茶、奶茶、奶蓋、鮮奶，定價$14-36，分中/大杯。新嘅黑糖系列分別有鮮奶、奶茶，冰度、糖度固定。時間較夜，無需等候，同朋友一人一杯皇牌琥珀珍珠撞奶 $30特別強調用4.3鮮牛乳製作，鐘意佢地嘅飲料杯，有少少磨沙感覺，不易變形。見店員都將黑糖倒喺杯邊，做黑糖飲料確實需要呢種覺悟。加入珍珠後，見佢喺雪櫃盛出一匙預先做好嘅奶蓋/奶霜，之後再沖奶。奶味突出，亦較為厚身，飲落有多少老虎堂feel。黑糖味亦濃郁，屬於偏甜嘅路線，珍珠食落亦都有甜味。最大敗筆係，珍珠未熟透啊，成杯每粒珍珠嘅芯都係非常硬，我感覺到消化不良嘅前奏。奶確實唔錯，可以俾到4分，可惜珍珠全軍覆沒，否則都會係一杯不錯嘅黑糖飲料。