茶星人 (MOSTown Street新港城中心大街(2期)) (已結業)

鮮奶朱古力脆皮黑洞- 香蕉朱古力脆皮 （少冰少甜）叫呢杯係比佢既脆皮吸引咗 脆皮方面佢係吱啲朱古力醬入個杯度然後等佢凝固成脆皮 但我發現啲脆皮會結成一舊舊 用飲管完全飲唔倒 最後要打開個蓋再夾出尼食先食倒 唔知有冇人都試過咁嘅情況 呢個係一個敗筆 其實佢既黑朱古力脆皮本身好好食 有啲可惜 香蕉朱古力奶係幾夾幾好飲㗎 叫左微糖 本身香蕉都有糖份所以我覺得啱啱好 唔會有好假嘅香蕉精味 而且會飲到啲新鮮香蕉片 都幾飽肚整體來講 唔值得為左個脆皮而叫呢個

喺馬鞍山行街行到口渴，見到有我飲開嘅茶星人 ，而且做緊第2杯半價優惠，所以梗係買黎飲啦今次試咗杯比較貴嘅火龍燕窩撞燕麥奶，真係有唔少燕窩，飲落唔太甜，幾好同行友人飲水星蜜桃都覺得好滿意

🧋炭培烏龍(500ml)$20+咸蛋黃芝士奶蓋$6烏龍好淡，奶蓋夠厚，真係有蛋黃味，但飲淨好少嗰陣先飲到。-Badboy幾年前喺天水圍幫襯過一次，好難飲。事隔多年先俾多次機會佢，以呢個價錢嚟講係ok嘅，只係d樽裝烏龍茶都無咁淡口😂……

<手工芋泥鮮奶>👉🏻走甜少冰👈🏻💰$38（L）果然係每日限量發售！真係好正✨芋泥係70%泥+30%粒粒，差唔多有半杯，芋泥本身已經甜甜地，所以建議鮮奶叫走甜～回頭率：🍠🍠🍠🍠🍠/5幸福感：🍠🍠🍠🍠🍠/5飽肚感：🍠🍠🍠/5性價比：🍠🍠🍠🍠/5不專業評分：9/10👉🏻簡而精咁形容：茶星人最好飲嘅野🥹-

🧋見熱狗店隔離有一間賣茶飲嘅店，拎住熱狗店張單去買茶飲仲可以平五蚊，所以就買多杯肥肥奶茶返去慰勞下自己啦🥰🥰飲肥肥奶茶就緊係點最好飲（肥）果杯嚟飲㗎啦😋，我叫左黑糖波霸厚芝奶，最頂嗰層厚奶個真係好正呀😍😍😍😍😍鹹鹹地仲有濃嘅忌廉芝士味，加埋黑糖珍珠煙煙韌韌，真係無得輸🤣不過唔好意思，呢杯圓圓你唔飲得呀，等你大個啲先啦，哈哈哈 #媽媽獨吞系列 #圓圓表示點解唔飲得但要搵我影相 🤫 #講呢啲推介指數：（10粒⭐為滿分）⭐⭐⭐⭐⭐⭐⭐⭐......#王圓圓 #圓圓媽媽#茶星人馬鞍山

真係好！多個選擇！飯後冇甜品嘅時候就諗起珍珠奶茶系列，打開foodpanda突然彈出有茶星人優惠，150-40優惠仲要免運費真係好抵，身為馬鞍山友都唔知道原來開咗一間茶星人。芝芝火火：火龍果沙冰配芝士奶蓋，唔係太鍾意芝士但係都覺得幾好飲，芝士濃濃鹹鹹的，火龍果又香又甜，凍冰冰又大杯好正！黑糖珍珠奶茶：奶味多過茶味，珍珠煙靭分量十足，以黑糖系列來說屬平價之選！黑洞朱古力：沒有驚喜，比較甜比較濃的朱古力奶，性價比不高！

路過好口渴，見到茶星人新開就買來試吓！沙冰系列嘅話標準係冇果肉，用果汁整，如果高級嘅話就會落咗果肉。🍴芝芝桃桃 標準 $33 微糖 (7/10)成杯嘢飲唔會太甜，都飲到有桃汁嘅味道，飲到好多碎冰，感覺好清涼，啱晒夏天飲呀！芝士味比較偏鹹香，鹹咗少少，芝士味唔算好香濃，唔重奶香，呢個價錢都OK 啦！🍴芝芝苺苺 升級 $35 走甜 (7/10)飲到好多碎冰，飲落偏酸，一啲都唔甜，食到有士多啤梨果肉，都幾唔錯，不過應該唔係用新鮮生果，打用咗果汁，芝士味比較偏鹹香，鹹咗少少，芝士味唔算好香濃，唔重奶香，呢個價錢都OK 啦！推薦指數: 7/10呢個價錢平平哋飲吓都幾OK~

終於馬鞍山有E. TEA 茶星人了！因為之前都飲過，記得甜度適中，飲品種類又多又特別，very yummy!今次專程去捧場, 今次order左水果星球嘅水果大爆炸及黑糖波霸嘅黑糖波霸鮮奶。水果大爆炸內有香橙、火龍果肉、青檸檬片、紅蘋果、菠蘿等新鮮生果，夏天飲絕對有涼透心嘅感覺, so refreshing!黑糖波霸鮮奶有好多黑糖珍珠，極QQ有咬口，鮮奶又好香濃及幼滑，值得一讚。下次黎，我哋會試埋其他系列嘅口味。

茶星人終於都係馬鞍山開分店啦好開心好興奮佢開左我點都要捧場舖頭嘅位置就係三哥同埋齊柏林中間可以食完嘢就直接喺茶星人買嘢飲勁方便門口貼咗好多唔同應援嘅poster今期我就見到姜濤ivy so Ian 同欣宜如果有興趣嘅可以直接問職員攞飲品嘅選擇都非常之多有唔同嘅系列今次我就揀咗一個夏日系列嘅其中一本就係火龍燕窩做燕麥奶因為我係唔飲得牛奶嘅關係所以有呢一個選擇實在太好啦佢裏面係真係有好多嘅火龍果肉同埋一打開個杯你會見到好多燕窩浮面超級足料而且佢個燕麥奶都好香成個口感層次好豐富另一杯我哋叫咗香蕉雙朱脆皮成杯都係見到勁濃厚嘅朱古力嘅感覺飲落去都會有淡淡的香蕉果肉而且你真係會食到一舊舊嘅朱古力🍫真係唔係求求期期落啲朱古力粉同朱古力醬就算佢真係超級足料

新港城二期開咗間新嘅茶星人，喺正合一堂隔離，今日試咗杯草莓雙朱脆皮（$33），一開始見到有啲朱古力醬同埋粉紅色沉底，不過攪勻飲之後就唔覺，但飲飲下發覺原來裏面真係有啲朱古力脆皮一塊塊，就好似食朱古力脆皮雪糕嗰塊脆皮咁樣，打開杯蓋才發現原來都好大塊，好彩嘅係呢啲脆皮朱古力唔會太甜，如果唔係應該會好漏，杯嘢仲有少少士多啤梨果肉，我冇減甜度但係都覺得唔算好甜，幾適合女士。另外仲叫咗杯手工芋泥鮮奶（大$38），第一次飲呢個又覺得幾好味喎，芋泥唔會太杰但又帶口感，少少甜感覺仲幾飽肚。喜歡芋頭的朋友都應該試呢個由於雙朱脆皮無得加大，拍埋就覺得加$5大杯好多！

中午時段行到身水身汗，最好就係飲番杯凍冰冰嘅珍珠奶茶！咪行返入商場，點知就發現呢度開咗間茶星人，唔通係新開嘅？拿拿臨整杯黑糖波霸碳燒奶茶，茶味香又夠滑，我正常甜度都唔會覺得太甜，剛剛好，食落d 珍珠夠煙韌有咬口，慢慢嗒仲會覺得甜甜地，好味呀！朋友就揀咗黑糖波霸鮮奶，冇咗奶茶嘅茶香，剩返鮮奶嘅奶味，其實都好飲，更突顯珍珠嘅甜味。呢間茶星人仲有好多水果系列，下次可以試吓，部份仲有熱飲選擇，冬天飲就唔怕凍冰冰啦！

終於等到茶星人喺馬鞍山開分店喇👏🏼 前幾日約左中同聚聚，就買左兩杯開心些牙😛 鋪位就喺三哥同齊柏林中間，買完熱狗，又可以買杯手搖，真方便😌唔同分店都痴左唔同既應援poster，呢間分店既門面就痴滿姜濤同Ivy So既應援💁🏽‍♀️講下飲左邊兩杯先～➿𝑫𝒂𝒓𝒍𝒊𝒏𝒈 紅柚乳酸梳打 ($30)西柚抗衰老、養顏護膚🙎🏻‍♀️🙎🏻‍♂️✨ 雖然西柚自帶微微苦澀味，但係有乳酸既酸甜中和番，仲有梳打水既加乘，成件事係refreshing既🌿 ➿ 𝑹𝒆𝒅 𝑩𝒖𝒍𝒍 芝芝百香蘋果 ($38)同red bull聯乘真係幾有新意，好岩最近經常秒訓既我🙊 呢度既芝士奶蓋份量好慷慨，質感厚而滑，帶鹹香，好飽肚😛 沙冰打得細碎，順口～ 百香果同蘋果味道平衡👍🏼 我叫左微糖，但開頭飲覺得比想像中甜左d，可能因為red bull無糖但有代糖掛，所以下次可試試走甜😌🌟膠袋是用心設計的，有’ I 💛 HK’字樣外，膠袋中間仲有小小既釘縫位，令到飲品放入袋之後唔會郁黎郁去～

某日黎到馬鞍山行街，去左新港城中心見到一間門面有個外星人logo叫茶星人既飲品鋪，鋪面仲有明星應援，如果有興趣可以問職員拎，茶既款式都幾多，揀左一杯黑糖珍珠奶，飲品可以選擇甜度同冰度，我揀左少甜少冰，黑糖珍珠奶味香濃，而且好大杯，另一杯叫左芝芝桃桃，奶蓋芝士味香濃，芝味十足，沙冰芝士沙冰同桃肉好有層次感，桃肉份量都幾多，職員好有禮貌，飲品款式選擇甘多下次去可以買水果茶，而且仲有d飲品款係期間限定，想飲記得留意下。

📍 茶星人 (馬鞍山)馬鞍山鞍誠街8號MOSTown Street新港城中心大街二期地下G2-02號舖👯‍♀️今日同阿妹去馬鞍山行吓街食吓野，見到茶星人，好似好耐都無飲台式飲品，所以買兩杯爽下🥰👉芝芝莓莓💰標準$30/升級$35👅揀左升級黎飲，買咩都最大最升級🤣少甜，先飲芝士奶蓋面，芝士奶蓋鹹鹹地甜甜地，好好飲，再用飲管飲d士多啤梨沙冰真係好爽，食到有d士多啤梨果肉，唔太甜，配搭埋芝士奶蓋，真係清甜爽口🥰✍🏾4.5分（5分最高）👉芝芝桃桃💰標準$33/升級$38👅都係升級🤣同芝芝莓莓嘅奶蓋一樣，入面係桃嘅沙冰，有桃嘅果粒，幾好飲，由於唔係我飲，我妹只係同我講好飲🤣🤣🀄️總結：得閒飲下都唔錯，仲有好多嘢飲，下次再試其他，杯嘅外表都好好睇，係🐱貓❤️推薦指數❤️❤️❤️❤️

ET茶星人終於開到黎馬鞍山la🤩🤩就算食到飽飽地 都忍唔到要買番杯番屋企慢慢歎芝芝芒芒🥭$35芝芝苺苺🍓 $352杯芝士奶蓋都好濃厚唔會飲幾啖就無哂層芝士夠哂軟滑綿密咸味夠突出亦都唔會杰撻撻到吸唔起2杯黎講鐘意芝芝芒芒多dd 芒果味道較出仲可以飲到一絲絲ge芒果肉另一杯芝芝苺苺都好飲平時最怕出街飲士多啤梨調製出黎ge食品/飲品硬係會覺得死甜或者係藥水味但呢杯一d都無😛果肉碎連同芝士奶蓋一齊飲好夾