影片
以上资料只供参考，请与餐厅确认详情
河畔花园都几多餐厅出名又好食，但系lunch time想平靓正真系值得推荐呢间。$45+$3冻饮，仲有热汤送。唔洗等位，落单后等一阵就有汤饮，再等多阵已经上埋餐。份量同味道都唔差，不过系卖相差少少😂块鸡扒即叫即煎热辣辣😋
继续阅读
圣诞节带小朋友岀去行下，睇灯饰，由沙田市中心行过去…谂住去河畔呢边会少人啲，行黎呢到真系冇乜人食物枝竹牛筋腩饭个汁唔杰，味道ok!有几旧牛…腩，但得一旧筋。不过劲多枝竹🤣牛腩都焖得几冧碗饭都好大碗，细胃人士要叫少饭！唔好做大嘥鬼南瓜汤咖喱鱼柳肠仔配意粉好大碟，个鱼柳都煎得几香口可惜食完个仔吹风…个胃唔舒服🤮晒岀黎莲藕肉饼饭我都系钟意扁身肉饼不过佢都煎得好香口，有一粒粒莲藕咬口环境店内系左右2个咁一字排开，4个人隔一隔咁。我哋去个阵冇人，所以小朋友坐得定都ok。感觉系干净企理嘅！不过岀面就好多人食烟..
继续阅读
好钟意黎茶叙食野,好有家庭式经营ge感觉,好有亲切感,老板好nice价钱又实惠,个常餐就超抵,$35有半块牛油烘多士,一杯野饮同埋一碗面加自选两款𩠌饭都唔贵,四十零蚊就有一饭一𩠌加饮品,今次又黎左食个常餐,拣左米线,不过啲米线份量唔系次次一样,今次食就明显份量多过上次,至于杯野饮，杯奶茶以前会起皮同埋淡啲,今次黎就茶味奶味都浓左,而且无起皮,唔知系咪转左师传,奶茶浓到夜晚瞓唔着觉,但系系好饮左。 野食味道唔算突出,但块多士就又香又脆好好味,如果食物份量同埋质素稳定啲就更好!
继续阅读
今晚想去食甜品...拣黎拣去都系返河畔屋企附近...够晒方便....见到呢间新开...试下新野餐牌有无搅错...啲野食甜品劲经济实惠啰...以为mark 错价30蚊以下一碗面加野饮...做烂市讲真...去三兄弟个间...一碗面都29啦！其实无谂过味道如何...平平地...即管一试我一心想食品甜宵夜...当然主食甜品啦...叫左我最爱梳乎厘一啲都唔求其...唔系好甜岩晒我口味...样子都唔差...32蚊仲想点呢？正！其实仲叫左杂果船，紫米露，花枝丸，西多士...埋单144 蚊...抵啦⋯⋯由于当日无咩人，同甜品师傅倾左几句，原来呢间佢之前无左个间既师傅唔怪得味道咁似曾相适啦！水准保留到...我仲想试一人火锅...等我呀！
继续阅读
我系喺呢间餐厅试业嘅时候去食嘅！见楼下开咗间新餐厅一定要去试吓啦，点知就系恶梦嘅开始！其实见佢门面都冇乜嘢，谂住冇乜特别啦应该都只系一间好普通嘅茶餐厅，咁就同我老公入去试吓啦！一入到去谂住落单嘅时候，有个年纪比较大少少嘅阿姐揸住部平板电脑打算帮我地落单，我哋叫每一样𩠌佢都揾唔到𠮶样𩠌系果部平板电脑嘅边个位，讲个例子，例如我话要酸辣薯粉，佢同我讲佢揾唔到个薯粉喺边个位咁点解要晒咁多时间用果部平板电脑呢，我落呢张单足足落咗8分钟，成间餐厅计埋我都系得两台客，另外果两个侍应(老细?)自己坐喺度倾计，呢个阿姐落唔到单又唔试吓问其他同事，浪费我时间！仲要叫我跟返次序落单，我到底做错d咩真系未食饭就吐血我自己就叫咗个炸鸡翼酸辣薯粉，先讲个薯粉，佢兜汤系完全冇味嘅，然之后配一啲未熟干嘅腐皮，未食过个味咁嘅酸辣粉，之后到只鸡翼，一叉落去有一团血水流出嚟，完全未熟，好啦我同佢讲啲鸡翼未熟，佢用返同一只鸡翼拎去炸返俾我食不过其实只鸡翼已经系全餐最正常㗎啦到呢个凉拌鸡丝捞乌冬，成兜野无味嘅，所谓嘅胡麻酱系水嚟嘅，我老公话佢未食过捞乌冬系得红萝卜味我唔明呀，你开餐厅之前自己冇食过你自己啲嘢嘅咩？？？咁嘅质素点解你会觉得开餐厅会成功？？？未试过对一间餐厅嘅评价咁差，但系佢真系我记忆中食过最难食最难食嘅餐厅
继续阅读
您可能会有兴趣的...