茶房別天神

营业中

休息中

星期六日同屋企人去咗太古城行街，太古城最近裝修完感覺都幾新潮，增添不少食肆，行到半路多啲攰就去咗一間餐廳休息順便食個午餐估唔到都有驚喜和牛日式咖喱飯日本的咖哩是偏甜的，呢度亦都跟足,餐廳首先將和牛漢堡扒兩面煎封，鎖實肉汁，令到顧客食落好juicy, 食到和牛的肉汁啖啖肉，飯方面，餐廳都選用日本米，因為食落去有口感長檸檬芝士蛋糕喺度所有的蛋糕全部都係由日本進口，有品質的保證，呢個蛋糕有淡淡的檸檬鮮香味，令到客人食落唔會覺得好漏，芝士打得好融，食落都好滑我仲叫咗杯花茶，喺度嘅花茶真係不錯，能夠解除飯氣，好清新係依度除咗食嘢之蓋餐廳門口都擺放着不同款式的茶具供顧客在等位先慢慢欣賞

太古城Aeon裝修過後，第二次逛這裡的商場，我特別喜歡逛地下的超級市場，看到哪些鮮肉，及從各地集合面來的美食，那個肚，就餓起來了。我知道商場內有幾間餐廳，走到二樓已被那些特色精美的茶杯碟套裝所吸引了，我是喜歡買餐具器皿，為每餐飯增添美感，食慾大增，一面欣賞杯碟，一面享受美食，這也是生活的態度。餐廳位於電梯附近，是開放式。鮮蝦沙律，色彩豐富，鮮蝦爽彈鮮味，沙律菜新鮮清甜，加入少少的Wasabi醬，口感分明，倍增食慾。龍蝦沙律，啖啖龍蝦肉，鮮甜肉質，混有蟹籽，入口即卜卜的蟹籽。豚肉拉麵，豬骨濃湯底，鮮味濃甜，豚肉爽嫰，拉麵彈牙爽口，配以木耳絲，大量蔥花，流心蛋，口感層次分明、煎餃子，皮薄肉餡鮮味，汁多。蛋糕由日本進口，香滑蛋糕，蛋味香濃，栗子入口清香滑粉甜。朱古力芝士蛋糕，香濃可口朱古力，一點都唔苦澀，芝士味濃，口感豐富，食完正餐，仲有別緻的茶具飯花茶，香濃薄荷味，清新口氣。

剛剛有空和同事外出午餐，目標是這一家的拉麵。朋友説這裡的沙律很好吃。便來一試先點了這個很好吃的蟹肉蟹膏沙拉，美味度滿分，蟹膏沙律汁用上蟹膏混和了沙拉汁，混和後蟹膏味道都很突出，還有很好吃的蟹腳肉。鮮甜肉質又美味蔬菜嘅品種和份量都好多，只係適合附近工作的OL.然後朋友點了個拉麵，套餐有個好好吃的小龍蝦沙律，小龍蝦肉配上蟹子等，分量雖然不多但好好吃而我選配了餃子，餃子和拉麵大概是不能錯和不會錯的選擇啊！餃子即叫即煎，外皮香脆，內層的肉涵很美味啊，而且配餐分量不少，抵吃抵吃我們的主菜點了咖哩漢堡扒飯和招牌的拉面，咖哩漢堡扒的主角絕對是重點啦，用上自家的美味漢堡扒，切出來肉汁流出來的啊！而且很好味，自家製果然與別不同。咖哩汁也很不錯，簡簡單單。突出了美味的漢堡扒接住是另一重點，美味拉麵，湯底濃郁，豬骨湯汁掛在幼拉麵上，還有這裡的自家叉燒，肥瘦適中，最適合我這個拉面迷。這裏的糖心蛋10分出色，流心的感覺很吸引，一個拉麵有整隻蛋，抵吃啊！最後點了一個甜品，我想這裡的甜品不是自家做，但都十分出色，這個雪白的蛋糕很棉，忌廉又滑，蛋糕和忌廉分佈均衡。很正！再配上一杯花茶，花香味濃，更能自選茶杯，很少見拉

There are lots of new restaurants since Aeon has renovated. The whole shopping mall becomes very neat and trendy. Next to some stationary shops, there is a ramen shop with a open store interior .Seafood curry rice $95Apart from ramen, the restaurant also serves some salad and curry rice, while this seafood one has a lot of crab, shrimps and clams, along with some pickled radish. Seafood Salad $95The seafood salad is mainly topped with a very generous amount of shredded crab meat and some crab ro

日本拉麵70+ 一碗。件叉燒係我迄今為止食過日本拉麵之中最難吃的一家。太差。叉燒好似老草。100蚊一餐地餐廳可以唔比紙巾係台。做麽野都要比心機。冇心機，等咋啦。永不會再光顧。

半年前, 有次約了老媽吃拉麵, 點知我突然腸胃炎, 結果爽了約……半年後, 老媽突然問我幾時會帶她吃拉麵, 還說回上次因為我腸胃炎而沒有去吃。估不到老媽一直記着, 誰說老人家沒有記性? 還是選擇性記着? 既然她開到口, 無理由拒絕, 一於馬上去。開放式的門口及廚房, 可清楚看到各師傅們正悉心地製作。內, 設有一排六個吧枱位, 另外還設有約六張四人枱, 座位不多, 時間雖早, 但已差不多坐了一半食客, 看來挺受歡迎。枱上一塊木餐牌, 亦預設的不少配料, 相常齊備, 分別有紅薑絲、生蒜蓉、七味粉、拉麵汁、芝麻 等, 還有我最很喜歡的自家製辣芽菜, 待一會跟拉麵伴吃, 試試其味。店子跟一般拉麵店有點不同, 沒有設點單紙讓食客選擇拉麵的粗幼軟硬、要或不要某些配料等。看看木餐牌, 相當簡單, 選擇亦不多, 拉麵、小吃、沙律、咖喱飯和套餐各有兩款, 亦有追加配料, 還有幾款飲品和蛋糕。******************************老媽選了別天神套餐 （$105）, 包一碗豚骨湯麵配二選一小吃。湯料有一隻開半的溏心蛋、兩三片叉燒、一堆爽口的木耳絲 和大量翠綠的蔥花，當然如想再豐富啲，可

Since Aeon has been renovated, the giant shopping mall has a lot of new eateries hidden in some floors. On the second floor of the Aeon south side building, you may see a Japanese ramen shop right next to the bridge entrance. They only have a simple menu throughout the day with a bowl of pork soup base ramen for just $75, while combo set is also available. I have ordered a set with an extra canned non-fizzy apple juice for $20, while the set comes with a side and a bowl of hot ramen for $105. I

跟朋友相約去太古Aeon 行下順便食個飯，大家突然又好想食拉麵就黎左試試，加上朋友的推介點都要試試佢。未行入去時覺得好似日式茶房，又有蛋糕同埋花茶飲，而且仲擺放了不同的靚茶杯，店名真係無改錯。諗都唔諗就決定點松葉蟹拉面, 好似幾特別禁。 我和朋友都各點了同一款拉面松葉蟹棒拉面（$95）：有3隻蟹腳，再加了隻半熟蛋（加$10）。面質沒有軟硬度適中，蛋湯底卻是充滿了鮮甜的味道，沒有覺得太鹹。之前一向食開的拉麵湯底都是非常濃味，但呢間別天神卻有令一番別有的味道。小龍蝦沙律（$35）：賣相仿如一個冰凍的雪糕球，擺左幾分鐘之食。配上旁邊的香脆的紫菜，好好食。可能食量大，所以覺得沙律份量有點小。餃子：每次食拉面都必食的其中一樣野，跟朋友都喜歡。煎的餃子好香，不會太油膩。永遠食甜品都有另一個胃，點了甜薯蛋糕及伯爵茶小蛋糕。伯爵茶蛋糕：雖然細件左小小，但係好好味。伯爵茶味道突出，好開胃。甜薯蛋糕：今次係第一次試薯類的蛋糕，看似好似好硬身，但食落的口感完全不同。好香甜薯味，好特別，值得一試。見到花茶杯禁靚，本身都諗住叫杯試下，但係真係太飽了。唯有等下次啦

原本好期待試下別天神拉麵叫左2 個豚骨拉麵， 一上菜， 湯底望落好濃， 但聞落碗麵冇咩香味食落係一d 味都冇， 好似白烚咁 真係去759買包拉麵自己整仲好味真係好disappointed 唯有係咁加d 辣芽菜先有d味平心而論， 佢塊肉都正常。但整體泥講， 一碗$75拉麵唔應該咁難食以後都唔會去食

Aeon 新裝修 一路以為冇得再食拉麵原來別天神還在不過上左2f12點中午先到aeon以為要排隊因為之前ground floor 成日有得睇冇得食今日0等候 但要坐bar tableOk la 好快有得食拉麵個湯好濃同之前一樣可惜係湯唔夠熱令人流汗既熱湯拉麵先最正餃子都可以希望下一次好d啦個麵因為本人喜歡食拉麵

星期日要返工唔使唔開心，約了同事一家去康怡行新裝修百貨公司！地方靚咗！亦多咗好多餐廳！呢間聽朋友講過好食！去到地方在百貨公司旁，地方唔大，淺木桌椅簡單！最吸睛係門口一排玻璃櫃！有好多好靚嘅茶杯，如果叫花草茶可以自選一個出來用！排隊等入場，臨到入場前店員會落單先！落好單就差不多可以入場！食物選擇唔多！有幾款已經賣晒！我哋揀咗主食！蛋榚可以後揀！之後入座餐廳中央四人枱！別天神䐁骨拉麵（$75）拉麵唔算大碗！幼麵掛湯幾好，少許彈牙！配料係爽脆木耳絲，幼細青蔥爽脆，叉燒兩片，瘦肉片雖然唔嚡，好在唔算難咬，豬肉味濃！豬骨湯好濃，又清！唔會好鹹好順喉！好多人飲晒！好味加日本半熟蛋（$10）蛋白彈牙，蛋黃流心漿口，正！小龍蝦蟹子沙律（$35）原來係一球沙律，加6片紫菜，𢳂少許用紫菜卷起，紫菜香脆，外脆內軟，龍蝦肉好多，爽口，蟹子爽口，沙律醬微辣！好好食！北海道芝士蛋糕（$20）唯一長方形嘅蛋糕！芝士味香濃，蛋榚比較實身！好味，雖然細件咗少許！特濃草莓蛋糕（$20）朋友女兒食，請我試咗一啖！慕絲質地好滑，味道酸酸地開胃！好味免費配菜：辣芽菜爽脆微辣！好味！店員有禮，中間我問店員攞配料架，佢哋都好爽手！

別天神係我心中一向係拉麵湯底之中嘅清泉，清淡得黎有質感，見佢今期推出雪場蟹拉麵就即刻試下。$95嘅拉麵有兩條蟹腳，唔算大條，但好好肉，扺唔抵就見人見志，我個人就覺得而家日本拉麵成行成市，是但食一碗叉燒拉麵都成百蚊，呢個價換左蟹腳比你其實都好合理。係等拉麵期間我偷食過朋友碟咖喱飯，食過咖喱咁重口味但都食到蟹腳好有鮮味，配返別天神本身嘅蝦味湯㡳，好夾，只係我嫌拉麵煮得偏硬(利申 ： 我本身喜愛硬身拉麵，但都嫌佢硬)，係我拆完蟹腳之後再食返麵，軟硬度就啱啱好(難道佢地有預計過？？)。食完拉麵，加$20有一件日本直送蛋糕，質素呢，就覺得同元氣嘅蛋糕差唔多，不過勝在口味多，我今次食左日式甜薯蛋糕，好重甜薯味，我本身係薯類愛好者，所以食得好開心。總括今餐食得好滿足，而服務方面，唔算特別好，但要一讚點餐嘅waitress，佢好客觀地推介適合嘅食品比我。

見aeon style 新開，特意去shopping，經過別天神見到門口d茶杯幾靚，入到去試先知中大伏。叫左個蟹腳咖哩飯加蛋糕，落單無講完個金髮waitress 就黑面走左去，然後先急急落單，結果就落錯單。前前後後加追單等左好耐食有得食。食物方面，蟹腳得3小條，無肉，咖哩我覺得銀咖哩好食好多。加$20有蛋糕，我食完飯先話我知我order既蛋糕無曬，好la, 我轉朱古力蛋糕, 但真心難食，第一次食咁難食既朱古力蛋糕！！之後朋友打來，同佢訴苦，枱上既蛋糕末食完，銀鏡妹妹waitress又不停問我要唔要，完全無視我係同人講緊野，埋單hkd110，樓下food court 大把野擇，絕對唔會再來

要陪女友家人到太古城飲茶,點知最少等個半鐘,女友突然話不如睇下康怡廣場超市新開場可能有好嘢食。ㄧ去到全部都是人周圍餐廳都排隊,ㄧ見到有間等三四個排隊就衝去睇下食咩;日式cafe有茶有熱食,反正原本都是去飲茶:抬頭ㄧ看別天神茶房??別天神就是之前地下我同女友經常探完岳母去食個間拉麵,依家賣埋茶???環境座位尚雖寛敞並淨㓗,比起以前地下感覺舒服得多没果種壓逼感。燈罩好有日式風味,仲可以睇到open kitchen師傅現場製作食品。食品蕉糖布甸蛋榚ㄧ個字dry,好似搬放了ㄧ段時間的鬆榚,只有ㄧ點點布甸味。問店員先知蛋糕係日本直送;怪不知得長時間直送底下,咩水份都走曬啦。如果是來貨cake不如係留下買仲掋啦！!!!和牛漢堡加喱飯岳父係重口味人仕,加喱就最適合佢。我試左少少肉同汁感覺好多味精,日式咖哩那種辣中帶甜完全食唔出。最搞笑係我女友以為紅羗係福神漬,ㄧ大匙食落去;其實枱面都有紅羗配料任拿,點解要攞上飯邊造成誤會:s。漢堡尚算多汁,不過如果再脆口D會好食好多。蟹腳拉麵拉麵應該係天神生招牌可惜.....溏心蛋溏心蛋應該話係實心蛋先真,全完熟ㄧ點蛋液都没有。我女友每次見到都會相機食先今㳄佢馬上將