茶屋

营业中

休息中

諗住食個下午茶，嗌咗碟雞扒擔擔面,食到尾，仲見到鋼絲刷💀💀真係嚇咗一驚！味道方便，啲面仲要硬🤮如果想試伏，可以試吓呢間服務方面，當時仲有好多空位，但阿姐點都要叫我同人搭枱，坐到好迫🤑廚房方面，聽到廚師喺入邊不斷唱歌，輕鬆吓我理解，但係碟面咁鬼硬，就上枱，我雖然唔係要求酒店質素，實在很不專業！

其實港式都可以好好味，但呢間絕對唔係嗰種，而係極求其仲要收得唔平嗰一類。係石湖墟未試過呢間，就要咗個午餐。所謂折扣咗都要成 $54. 意粉冧既，唔關咀刁事，係冧到有股唔靚既麵粉味味都出埋嚟。白汁嗰陣味同質地，直情唔想掂。豬扒薄薄的一塊，又唔係厚，都仲可以咁韌。煎蛋正常。例湯正常，多料，但就唔知係湯定個主餐問題，餐後都口喝。怪唔知得地圖揾唔到佢既資料。如果知道係大伏，就唔洗嘥今餐既錢。食咗幾啖飲咗個湯就算了。好耐冇係OR寫食評，呢篇係為咗街坊先花時間寫，希望唔會被banned.

餐味道OK，收銀阿姐戴住手套一路收錢一路浸手指入碗湯。店內設有Alipay，之前收錯錢，個客要退翻10蚊，收銀阿姐一路推搪話自己唔識Alipay，拒絕退錢，態度極度惡劣，然後我哋埋單都係用Alipay因為有消費券，阿姐一直叫我哋俾cash或者八達通。開始同佢講道理，佢先好唔請願用Alipay，並叫我哋以後唔好幫襯真係為佢鼓掌👏，佢老細請到佢真係好幸運

今晚點了個晚餐啫啫豬肚雞煲，味道差，白飯用劣質米，全無飯味，最要命喝例湯途中，已喝了一半才發現湯裡有一隻1.5cm曱甴屍體，馬上停筷，给負責人看，說了一句不好意思話換過一碗，傻的嗎！我仲會有胃口去喝嗎？反胃想吐了，走人！黑名單，永不再去！！

睇過都知, 小弟之前都試過同一味飯, 今次午餐有, 當然是旦頹餐又一日啦咁頹餐買到番去, 打開盒一睇.....點解唔同左上次煮法既....竟然搵到青椒, 洋蔥, 有圖有真相, 本來食左一淡, 都要即刻影低。本來呢! 加洋蔥真係幾香, 況且佢亦有大蒜落, 香氣十足, 但點解會落辣椒既??????恰巧小弟呢幾日鼻敏感, 喉嚨敏感左, 唔適當時時候出現在辣椒既東西, 還個廚師都要考驗我基本上, 呢味菜大大大部份, 用蠔油埋左芡就算, 點解愈來愈多花臣, 又辣椒又洋蔥既?????會唔會除左茄汁同粟米汁外, 全部都加青椒落去呢?  真係唔知, 反正呢次就係咁。又咁0岩, 上次食同一味餸, 有相, 大家可以比較到。

呢排行過舊墟都成日見到呢間好似係新開無耐既茶記😂裝修好似都幾光幾乾淨咁所以今日行過就入去試下因為午餐都無睇岩d咩 所以穩穩陣陣試佢個常餐上菜好快 好似比平時既茶記快5分鐘已經有得食👻常餐 ($38)簡簡單單既雪菜肉絲米粉米粉可以煮林少少 但落雪菜肉絲都唔手軟 幾足料唔係求求其其一細督😂跟火腿奄列同牛油厚多士多士唔洗加錢自動烘左底 正💕奄列都炒得完全唔老 入面打開仲有蛋汁火腿都好多 呢間唔錯😊👍🏿👍🏿

天陰陰, 無街去, 屋企食外賣.  搵食評, 見呢度未有, 一於幫佢開齋。試茶記第一次, 唔洗諗, 男人的浪漫, 豆腐火腩飯。只因夠簡單, 唔洗煩, 唔洗揀電話叫完, 10分鐘去自取, 回家打開盒, 水浸咁多汁, D汁湧到去白飯處, 望相麻麻, 但勝在豆腐唔燶, 火腩算是火腩, 即係唔係無肥既瘦肉;味道適中, 為獨汁太多, 食到飯尾似湯飯一樣, 若果叫炒麵或炒河粉就一流, 可以撈下。豆腐係喜出望外既餸, 好嫩口, 好滑, 有豆味, 豆腐處理得唔好, 好易變, 所以呢點加分餐茶(熱鴦)加2蚊, 當然順便要試下, 有糖包跟, 飲落一般, 咖啡唔太香, 茶味多少少, 但唔算好香, 但單叫10元, 全上水絕跡。