茶屋町居酒屋 (已易手)

今日虽然是假期但我仍要开工，所以一早就约同事揾定午餐好地方，慰劳一下自己。🥢烟三文鱼带子茶渍饭 $68自己动手先将泡米、紫菜倒入饭内，再把壶子里的汤倒入，阵阵香味慢慢惨出直扑鼻尖，我喜欢旁边的大豆芽菜，又营养又有咬口！烟三文鱼茶渍饭 $58烟三文鱼再加小小鱼子点缀一下，一碗茶渍饭就让我有一个丰富又满足一餐。 伯爵茶及覆盘子干果茶环境清幽舒服，户内户外任君选择。餐牌升级日本啤酒 + $25 唔使返工我实叫。🤣茶渍饭比较清清地，易入喉又健康！…查看更多

原本睇左d广告都几吸引黎试下 一上到其实地方吾算大 大部分系卡位 而且冇乜客 咁叫野食 原本打算系叫火锅同串烧加任饮 其实食物款式真系吾多 火锅得3定4款汤底 同茶渍饭 有dinner set 5款 串烧睇介绍系有好多款 而上到去原来得十三四款左右 可能因为冇乜人所以佢提供吾到全部 少人叫 好失望 因为系谂住叫多d串烧食 点知系一串都叫吾落手 然后个火锅最平系88 成锅都系菜 一旧豆腐 两粒丸 半个乌冬同一小束粉丝 个碟牛肉薄过纸片 猪肉系猪颈肉 可能全枱对比下猪依个系几好食 其实系同图片不符😂明明仲有鱼皮鲛同狮子狗 图片上两盘野食变一盘 总之成个锅都吾抵食 我宁愿食吉仔:(依家个餐牌同之前可能吾同 我系个到系见吾到operice图片上嘅野食 总之我地最后系饮cocktail 饮饱 厕所都去左两次 吾会再去 最嬲系明明个两个锅我仲食紧 仲有野食 个侍应走埋黎问仲要吾要 我对筷子仲系个锅到夹紧 我话未 佢企系到左3秒话谂住收工前收埋我地张枱 你成间铺得你一个 你收工就冇人执枱咩？…查看更多

长话短说，第一次喺 Open Rice 写食评，都喺为咗呢一餐。眼见有咁多好评，于是同女朋友一心去食好西啦！一上到去睇个环境，都可以既，有个大露台，但我哋嫌出面太多杂物，于是返番入去坐。坐低唔够一秒，就有个打扮新潮，但唔似侍应既侍应嚟招呼。心谂：咁主动，几好㖞！点知一嚟就 hard sell 某啲餐，又话单点唔抵食，其实我喺客，定佢喺客呢？于是我哋拣好一个海鲜锅物，一啲小食同饮品啦！过咗一阵就上菜，份量好似唔错咁。于是一边食，一边倾，希望相安无事啦。直到上咗碟原条茄子就中伏啦！哗，上面果啲蒜蓉同七味粉多到呢，好似食咗十几个蒜头咁，辣喉同辣胃架！我哋咬咗半啖，就吐出嚟，真喺好在吐得快，食餐饭，我个胃都辣住辣住。于是果位侍应见状都即刻过嚟拎走佢，换个碟，咁都算佢啦；点知果位侍应，真喺好无礼貌，自言自语咁讲：两个人用咁多纸巾！老实讲句，我喺客，用几张纸巾好正常啫，更何况食到啲难食既嘢，吐出嚟要纸，抹手抹嘴都要纸。点解可以咁无礼貌架啲人。真喺食到一胃都喺蒜头，一肚都喺火。仲有厕所好污糟，虽然同食嘢无关，但一间餐厅好唔好，呢个我都觉得好重要，介绍朋友食饭，无理由去啲唔洁净既地方。总之，我唔会再帮衬呢间嘢，请我食，我都唔会去。利申：绝对唔喺打手，打手就天打雷劈。唔喺叫大家唔好帮衬，而喺帮衬之前要考虑清楚，食到一肚火就唔好。…查看更多

一直以为茶屋町是食甜品的，这天经过看到MENU才知道原来是主打日式锅物和串烧的。餐厅座位很宽敞，坐得好舒服，就算多点了食品也不会有拥挤感。这里还有$98的2小时梅酒／清酒任饮，真的很吸引。锅物汤底有3种选择，另加一款期间限定的鱼汤水果锅。我们选择的是酱油昆布汤(海鲜)($128)，选择了海鲜，其他有猪面肉或牛肉的选择。海鲜的配料都好丰富，各款海鲜都有，最岩贪心的我，每样都可一试。除了一般会食到的墨鱼片﹑带子﹑蟹柳﹑北寄贝﹑蚝等，最特别的是配料会有海葡萄。不过放到锅肉煮熟后的海葡萄，个人觉得并不特别好食。另外还附上蔬菜篮，加入昆布汤底内令汤底更鲜甜。不过因为汤底是加入了酱油的，食到中段觉得汤底开始有点过咸，要加汤才能中和咸味。美国牛肉($58)牛肉份量都好多，唔算是好靓的质素，但以$58一份来说都可以一试。手打乌冬($10)乌冬是我喜欢的烟韧口感，煮久了也不会变得软淋。将汤底的酱油昆布味都吸收了，味道刚好。本身套餐配的水晶面都很特别，沾满汤底鲜味更是好食。汁烧新鲜白鳝($42)白鳝烧得好香，外皮烧至香脆，而肉质依然细嫩，而且咬落带点骨胶原口感。味道都好浓，个人觉得就算唔落烧汁都一样好食。值得一试。鸡中翼($22)鸡皮烧至金黄色偏干脆口感，简单地加上一点盐去调味，已经好惹味。肉汁依然保持在鸡肉内，所以食咬嫩滑。烟肉荔枝串($22)烟肉都几厚身，而且唔会烧得过干，反而有点像火腿的嫩肉口感。肪脂不算多，只是肉的边位有薄薄一层，加上有清甜的荔枝配合，所以食落唔会觉得油腻。五花腩($26)五花腩都好厚身，不过用上比较多酱汁调味，有点抢了肉本身的香味。极上牛舌($38)牛舌唔算好厚身，不过味道好香，好重牛舌的鲜味。没有用上太多调味，令牛味更突出。肉质软淋，易于咬开。烧羊架($58)烧羊架整件都好多肉，感觉羊腿一般，没有太大膻味，肉质比较结实。菠萝椰子果昔($48)菠萝味好重的一杯果昔，味道偏甜。喜欢菠萝味的人一定要一试。…查看更多

星期六去食lunch 咁晏见到楼下有coupon派 就试左呢间餐厅我地点左一个猪仔骨配薯菜同炸鸡猪骨浓汤乌冬 用coupon upgrade 左一杯野饮同墨鱼肠😂猪仔骨配薯菜，一个set 有前菜同饮品 50几蚊 算几抵 不过呢个猪仔骨未够稔 但配菜系一整个焗薯 最中意佢有好多蛋黄酱同芝士 好味另一个叫左猪骨汤炸鸡乌冬 呢个比较普通 可能地狱汤浓味少少会更好整体来说 50几蚊食到个lunch算系咁上下:)…查看更多