影片
好似其他评论所讲，Staff真系好Hea态度好一般其他台式饮品店啲人做嘢好快手利落呢间舖啲员工好似唔想捞咁施施然成个感觉好似等执笠😂野饮又好稀 冇乜味 完全唔值呢个价钱
继续阅读
双倍芝味奶盖？个份量仲少过其他出奶盖既铺头。人哋廿蚊都多奶盖又浓味过呢杯野。做左水鱼，唔会再帮衬，已以身试伏。完全冇人企店面，行到过去问有冇人至出黎。其实都几犀利，完全唔休做。
继续阅读
成日路过都唔见到有人企喺舖头，终于有日忍唔住想试下就入去望两眼睇下有冇人，谂住碰下运气。结果原来系有一男一女嘅职员喺帘后面倾偈，咁我企咗一阵见都无人出黎，就大声讲句「唔该」，𠮶一男一女仲系继续倾偈，大声到我出面都听得几清楚佢哋讲紧乜，我又再大叫「唔该想叫嘢」，个女嘅就讲「等等啦！」又企咗阵，正想走嘅时候个男嘅出嚟，我点咗个特浓可可牛乳，佢无出声就咁揿完机指一指叫我嘟八达通，可能啱啱倾偈倾得太多连同我讲几钱都无力啦。收完钱之后，佢又向住布帘后问「喂有冇煲奶呀？」，个女仔话「下？无㖞，等下啰」我当下讲不如算啦咁，奶都无你卖乜嘢热朱？佢完全唔应我，最后等咗5分钟左右啦，都有杯野饮出，本身想讲都唔算太耐，点知入到口，杯嘢系暖过常温少少。贵舖真系唔系做生意不如唔好开门啦，唔怪之得从来都唔见有人排队啦，作为街坊连礼拜六日都唔觉你哋有生意，我真系唔知𠮶日自己谂咩先会去试。
继续阅读
刚开业时饮过一次，印象中都系死甜，糖浆味重今次再帮衬叫香芋奶绿，饮落系奶精，唔系鲜奶，无芋头蓉，似全化学野沟出嚟。叫咗半糖都系太甜（只可以减一半甜，唔明餐牌写微甜有咩意义）柴湾依家大把选择，饮呢杯完全系浪费金钱同quota
继续阅读
开左一段时间 前日经过见到做紧优惠 $25杯青梅绿茶， 绿茶少涩， 绿茶味还好， 但配埋青梅好特别， 好日式。 员工友善有礼 会提示点样品尝茶饮 。店舖空间还可以 但都无特别停留太耐 基于疫情
继续阅读