茶匠 (已結業)

10月係趕功課趕工作嘅日子🥲🥲喺屋企唔想出門，叫外賣補充一下甜食能量！😚😚忌廉草莓雪沙 $35🍓半糖 見到呢杯嘢飲上面有忌廉！！令到我好想叫，完全係童年嘅回憶，自從出咗奶蓋嘅產品，已經好少見到台式嘢飲舖會有忌廉喺飲品嘅上面做topping🥺🥺跪求千祈唔好消失，唔係我都唔知去邊度飲好，忌廉奶香味重，撈落下面嘅草莓沙冰嘅味道好夾🥰💕🍓忌廉加草莓永遠冇死，飲品係用草莓醬，比較偏甜，好彩叫咗半糖，所以冇甜到傻咗，係剛剛好嘅味道，中間會有草莓籽，飲到最後啲冰融咗都唔會好淡🧊🧊黑糖珍珠炭焙烏龍奶茶 $32 🧋七分糖微冰 珍珠黑糖味道香濃，咬落去味道慢慢滲出來幾好味🤩不過外賣送到過嚟可能令到啲珍珠放得耐咗少少所以有啲啲硬，七分糖有少少太甜🫣可能珍珠落咗好多黑糖，下次再叫要少啲糖~奶茶味道正常，不過不失😗😗伯爵茶千層蛋糕 $49 🍰呢個蛋糕真係驚艷到我😍蛋糕入邊嘅忌廉好香濃軟滑，奶味好重嘅時候，茶味都仍然存在，濃上加濃，每一啖都係幸福嘅味道，甜度合適，皮薄餡靚😆😆呢個價錢以小店嚟講唔係叫平，本身都掙扎緊叫唔叫好，食完絕對冇做錯決定，好食過某大牌子L_dy _ 多多聲，嗰度食要差唔多$90先有一舊，喺到

由於本人一直都好鍾意Oreo或者係曲奇味嘅甜品，所以呢一間嘅最愛，毫無疑問絕對係Oreo雪沙。佢嘅Oreo雪沙真係勁香Oreo味，而且唔會太甜或者太淡，夏天飲一杯真係超正。

係返果到再開返 非常難得延續良心茶店精神一定要去支持 好店好品質一定好好守護香芋奶茶 同 朱古力奶茶 冬瓜茶都好香濃 絕對唔會令你失望珍珠 軟彈 芋圓 足料 仙草 飲到尾都重有無得輸一樣高水準又抵飲！必需一試

天氣開始轉熱了，行街行到汗流浹背最想飲啖冰涼茶飲呢間良心飲品店性價比高，之前執咗真係勁傷心差唔多每次行經路德圍都會買黎飲架嗎好在，相隔大半年後回歸荃灣仲要竟然返返同一個舖位，緣份呀~難得今日正午經過，當然要買返杯支持下香芋珍珠奶茶 $28芋香味非常濃郁，唔會太多冰沖到無味但又好夠凍勁多奶略嫌茶味淡咗少少味道唔會過甜超好飲唔會好人工香料味睇下啲珍珠差不多去咗三分之一杯勁重手超級勁大杯性價比勁高﹗夏天呢啲天氣熱到咁，飲完涼爽哂！超舒服!

好開心好開心好開心！茶匠返歸仲要原位呀！路德圍掃街點可以小得要杯茶飲。以前飲開白桃烏龍茶，今次試下炭培烏龍茶加寒天🥰呢間真係唔枯寒，寒天係每啖都食到，飲完杯茶都仲有勁多寒天🤣食曬就好飽，好滿足。而家開返好方便，可以成日去😍

土炮港式手搖飲品店，超超大杯超足料一啲都無呃秤！🍪 Oreo 雪沙 $33表面有一大堆曲奇碎🍪吸哂表面啲碎碎有得咬吓咬吓！味道唔會過甜超好飲🧊 我差唔多飲哂咁濟丫!🍹多多椰果雪沙 $30益力多味道好濃又唔會太甜🍹 好耐無飲過益力多味啦! 味道唔會太過人工! 無諗過會咁恰到好處!粒粒透明長方形狀嘅椰果夠哂彈好好咬, 一咬落去好有椰果味，同埋勁大杯真喺好正，夏天飲完涼爽哂！超舒服! 呢個咁曬咁熱既天氣飲返一杯真係清涼哂~

味道：⭐️⭐️⭐️⭐️黃店💛呢間良心飲品店 性價比高🖐🏻差唔多每次行經路德圍都會買黎飲🥤❶白桃烏龍➕寒天水晶球 $26清爽既烏龍茶香同濃郁迷人既白桃香 🍑互相輝影 充斥味蕾👄加埋Q彈爽口既寒天水晶球🔮就更富有口感😋❷芋頭鮮奶➕芋圓 $32芋頭呈泥狀🍠綿密細膩 如果有多一d顆粒感就更好🤔芋頭同鮮奶本身都係好Perfect match 既組合🧩飲落甜度適中🍬今次仲額外叫咗一份芋圓 咀嚼感十足😍

店鋪：茶匠 (荃灣)地址：荃灣大河道12號地舖/藍田匯景道8號匯景商場3樓16號舖我有一個目標，就係要試勻晒全香港嘅黃色茶飲店💛，聽落好似好天馬行空咁，但係原來試吓一間又一間，不知不覺就會達成目標😂（雖然依家仲有一大段距離🤪)荃灣大河道呢間茶匠做緊唔同優惠，除咗着校服嘅學生減$3之外，蘋果同埋壹傳媒嘅員工仲永久免費飲佢哋嘅飲品🥺，香港人真係要努力加油💪匠人之盆栽奶茶加仙草 $32所謂嘅盆栽奶茶其實即喺加咗啲好似泥土嘅Oreo碎喺面頭，以醇厚嘅cream去承托住，微甜嘅奶茶甜度同奶滑程度適中，以奶香為主，茶香為次🌱，仲有唔少仙草喺當中，啱晒鍾意奶茶多奶嘅人😛仙草凍鮮奶 $26呢杯凍鮮奶好大杯，有接近500mL，走咗冰仲唔會減少咗鮮奶嘅份量，超級抵飲👍；飲每啖都有豐富嘅仙草撞入齒舌之間👅，相當足料，微甜嘅甜度就啱啱好😌

#茶匠 💛今次講嘅係位於荃灣嘅茶匠🤤🤤相信大家都知係黃店💛💛平時夜晚經過見到 都會即刻行埋去落單❤️❤️ 店舖門口好似好多文宣 黃到發金🌟所以小編一想飲肥仔水 就一定會去呢間舖頭飲✨✨今日小編就同大家介紹吓呢樣嘢❕❕🤫地點方面非常方便🤩🤩喺港鐵荃灣站A岀口 行旋轉天橋落去 就會即刻見到‼️‼️😽😽 所以大家經過一定要去試吓啦🌟🌟芝士奶蓋烏龍茶 $30💰（9/10）杯身好大杯✨仲印佐香港加油呢個詞語💛 仲有柴犬logo❤️超級可愛 ❤️❤️講返個茶底先 係好香嘅烏龍茶味 唔會太濃🤤令到個茶一啲都唔苦🌟 睇夏天飲係真係超級解渴✨而奶蓋方面就係重頭戲‼️‼️係又厚又濃😻😻😻芝士味仲要重 完全feel到係落足料去整😽😽 身為奶蓋殺手嘅小編 小編真係忍唔住一啖有一啖咁樣將啲奶蓋放入口🤤🤤重點係啲奶蓋真係好滑🤩 呢個時候減肥真係要放埋一邊🙈🙈 綜合返 奶蓋同埋烏龍茶好夾💛小編俾超級高分❤️❤️ 真係一想飲呢啲嘢飲 就會即刻去嘅一間舖頭💛記住大家飲嘅係良心嘅味道🌟🌟黃店一定要撐到底❕❕睇到呢度嘅大家🤤 就唔好諗即刻去飲啦😻😻推薦指數🌟9 / 10 🌟😻💛#巨B食黃店📍#巨B覓食荃灣 #巨B覓食尖沙咀 ##巨B覓食藍田 #

黑糖珍珠奶蓋鮮奶@茶匠已經幫襯過N次良心鋪頭之餘，仲要係好好味😋，價錢🈴️宜炎熱嘅天氣下 飲杯黑糖珍珠奶蓋鮮奶 真係好正入口有黑糖香味而鮮奶順滑，非常夾，好似甜品咁，好飽肚好滿足，鍾意黑糖嘅你，推介試下

▫️紅豆奶茶紅豆奶茶CP值高，因為依家既珍奶店既奶茶基本上都$28-30蚊起跳，而且仲要係細杯裝，而依度既係大大杯而且味道好唔錯，平時嫌飲珍奶既奶茶有時真係太多奶，但依度既奶同茶分布幾平均，茶味會多少少，而且我覺得好特別既係依度既奶茶仲有陣港式奶茶味，有種台式同港式奶茶混合既感覺！！ 而底下既紅豆好淋仲有起沙，甜度適中，所以CP值高！

有次去到荃灣上朋友屋企玩，口痕想搵嘢解渴，咁啱見到呢間店出面黃到金🎗嘅裝飾，即刻去買返兩杯。🧋匠人の盆栽奶茶 $28就咁聽個名唔係好知咩嚟，於是就貪得意try try佢，原來係奶綠加cream同oreo碎。啲cream唔會好甜，入口順滑，但無奶蓋咁強烈嘅口感同味道，只係令杯嘢奶香味濃咗少少，反而加咗oreo碎口感就多咗個層次。雖然整體係一杯合格嘅奶綠，但無咩特別值得一試，如果呢個價錢下次會比較想試奶蓋系列🤤。👅評分：7/10🧋海鹽柚子梳打 $26本來第一啖飲嘅時候覺得味道太淡，但唔知點解飲飲吓就越嚟越好飲。平時其他嘢飲係會越後越難飲，呢杯反而調返轉🤣，去到後面陣柚子味跑晒出嚟。海鹽味道雖然不太強烈，但飲到少少鹹鹹地又甜甜地幾特別。大熱天時飲梳打真係超解渴，呢杯反而更值得推介👍🏻。👅評分：8/10

💛黃店🔱今次要介紹嘅食物就係位於荃灣！📜”茶匠 (荃灣)📌 地址: 荃灣大河道12號地舖🕐營業時間: 12:30-22:30🍽分店地區: 荃灣 藍田📝評價💬📢 呢間係又大杯又平既黃店飲品💛💛去親荃灣都好想好想去飲🧋多人支持又質素高👍🏻👍🏻我最愛佢既珍珠+布丁🍮 勁力推！無限推！珍珠好咬口布丁又滑😋😋KS評分 💫5分最高🌟🏵環境指數:⭐️⭐️⭐️⭐️🏵味道指數:👅👅👅 👅👅🏵抵食指數：💰💰💰💰💰🏵回購指數:❤️❤️❤️❤️❤️

話說前幾日買完杯仙草烏龍奶茶之後，我就想試吓珍珠同布丁好唔好食啦！咁今次呢都係烏龍奶茶，配左珍珠同布丁。飲唔番之前食仙草，有茶嘅味道。今次呢兩樣配料令到成杯野都得個甜字。我除咗甜之外，就係一個好需要牙力嘅珍珠。布丁就冇乜特別，普通嘅甜嘅布丁，冇雞蛋嘅香味。所以我就下次會幫襯都係淨係會買仙草。一句話：配料揀仙草

茶匠 chashou.hk 人氣推介-芝士奶蓋白桃烏龍(無糖去冰) 700cc 💰30好欣賞啊！返工返到好頹突然想飲奶蓋，茶匠啲嘢飲又好飲，就試吓先～平時飲嗰啲台式飲品店都得啲死甜白桃藥水味，我都好驚再中伏，但叫咗無糖佢都真係有白桃嘅香味，唔係普通糖水，仲要我唔鍾意飲烏龍茶都覺得好好味💕🧏🏻‍♀️呷一口芝士奶蓋心情輕鬆舒暢，又唔會漏，相當輕盈💓💓回頭率極高啊！！！難怪我啲同事一得閒就飲返杯啦🤣我叫無糖都唔算肥仔水掛🤪🤪雖然佢比之前個menu唔同咗，同價格都調整咗，但消費黃店同高汁嘢何樂而不為呢💕💕💕仲要個杯咁靚靚❣️❣️個個都話想留起佢😘