影片
港铁钻石山站 A2 出口, 步行约10分钟
继续阅读
开饭介绍
环境悠闲的茶室，提供各种传统中国茶及冷泡茶。不可不试的还有手工茶味意式雪糕，如铁观音，普洱及桔普雪芭味等。
继续阅读
营业时间
星期一
全日休息
星期二至日
12:00 - 18:30
以上资料只供参考，请与餐厅确认详情
食家推介
相关文章
Facebook呢排都几多人讲既小店，今日终于带埋朋友黎试下，因为我朋友超级钟意茶既制品。但地方都几难揾，我地揾左好一阵先揾到。雪糕有好多款式，全部都系自家制作。环境真心一流，非常有家既味道，非常适合静静地黎饮茶。我嗌左大红袍，茶味十足，超级香浓，而且唔似一般坊间既茶味雪糕咁甜腻，茶既苦涩味道较重，7分苦3分甜，口感幼滑，两个人开心share岩岩好。整体味道不错，价钱适中，但又未去到好特别一定非食不可，如果有多啲轻食就最好啦～
继续阅读
食完个下午茶，周围行吓就想食返个甜品!!本身都几钟意饮茶嘅，见到依间专系用茶去整唔同嘅雪糕，就谂住去试吓😎有超过14种味嘅手作雪糕全部都系香港制造，仲要低糖低脂😍我地叫左一个浓香铁观音味嘅雪糕同热嘅桔普奶茶，两个都有超级浓郁嘅茶味又唔太甜👍🏻👍🏻杯装雪糕，外卖都劲方便桔普奶茶比起好多珍珠奶茶嘅铺头嘅奶茶仲好饮👍🏻👍🏻好想下次试晒唔同口味😋环境灯光好舒服，摆设又靓😌😌可以喺度静静地睇书，度过悠闲嘅一日
继续阅读
呢间茶馆系新蒲岗嘅工业大厦中，上次去因为有人包场就无试到，今次系去得龙食晚饭之前再嚟。以茶馆嚟讲，都好多嘢可以试，除咗有传统茶叶之外，亦都有唔同口味嘅手工奶茶，最令人惊喜系有好多唔同茶味嘅雪糕。不过我见到传统茶叶，相对价钱比较贵， 平均都要七、八十蚊壶， 不过店主好细心， 系你拣之前佢会畀晒所有茶叶畀你闻， 你可以按住自己嘅口味去拣。 但系由于我屋企自己都有好多茶叶， 所以就冇拣到传统茶， 不过我估佢嘅茶叶质素唔错。我最后拣咗铁观音手工奶茶（热）$32， 我有同店主讲，我比较钟意茶浓啲， 所以我估店主冲嘅时候茶嘅比例相对多少少。 所以饮落口，系非常啱我自己个人嘅口味，奶味都好香。我印像中点煮都用咗一段时间去炮制呢一杯嘢饮， 所以系感受到店主嘅用心除咗饮品之外，店舖亦都有好多茶叶嘅产品出售，有兴趣嘅人不妨嚟睇下，真心觉得唔错！
继续阅读
午后需要找个位置工作、思考，既然晚上要到新蒲岗，便于新蒲岗的工厦区中找了楼上茶室茶作。想点这里有名的雪糕，但不知哪一个口味更适合我，便问问老板，老板介绍了大红袍($35)，因为茶味更涩，不会太甜，一试果真如此。而雪糕的质地因为新鲜制作，不会雪得过硬，一边工作，一边吃，溶化的刚刚好。同伴来到再点了一杯手作铁观音奶茶($38)，奶泡轻巧，不会太腻，铁观音茶香味厚重，带甘，没有糖份，更显简而美。这里作为一个静一静，松一松的环境，真不错。如果喜欢品茶，还可以于店家买茶叶，回家再试。
继续阅读
听到茶作有本地手作既雪糕一直都想试下，平日返工早返迟收工既我可以话冇乜机会去到佢哋喺新蒲岗嘅茶室买，点知好好彩同朋友食完饭去行超市时见到佢地上左架，超市售卖4款，包括普洱茶、铁观音、老纵红茶同桔普，价钱都几贵要成$35，不过手工野系会贵啲呢个都明，所以我同朋友每人买一杯食当饭后甜品。雪糕嘅包装黑黑实实有一点复古feel, 初头谂住手作雪糕，可能会冰啲，但系点知雪糕质地唔会太冰唔会太硬，要赞既系唔驶等解冻好耐都可以轻易刮出来，望落仲有啲茶打碎左喺入面，应该好香浓，不过至于味道呢......可能期望越大、失望就越大，呢个系我食过咁多间茶雪糕最冇茶味既一间，茶碎原来唔系茶香，系up味多啲，又冇乜奶味，似系食咗一旧似凉茶既冰糕，试埋朋友既红茶雪糕，情况好少少，可能因为冇比较，未食过其他公司有出呢个味道......我谂我都唔会再叫朋友陪我买呢啲雪糕食，一个字，以$35来讲系伏的........再送俾我都唔会食
继续阅读