茶丼家 (已結業)

第一次食係Foodpanda 叫既外賣 自取有折趣味炸雞 ($3X )：傳單上有蘿蔔配菜有醬汁  外賣自取番黎咩都冇 咁樣幾舊炸雞 真係唔係幾掂 好彩個炸雞本身都有醃入味牛肉炒烏冬連珍珠奶茶 ($4X) ：本身叫牛肉溏心蛋飯 但飯賣曬就免費轉烏冬 有幾片肥牛 個味道都可以 我地叫2個餐得番1杯珍珠奶茶 另一杯叫左茉香奶綠 2杯野飲都係正常水平 呢個套餐還好可試滋味拼盤 （$1X) ：跟餐加既 就抵食 有2塊漢堡扒 1塊薯餅 3塊麥樂雞 普通炸物 味道正常

疫情期間都冇出去食飯，導致太耐冇寫食評，就黎個屋企樓下外賣系列。茶丼家一直都係我心愛食店之一，食三文治嘅首選。今次就第一次食佢嘅炸雞。佢有幾款炸雞選擇，就叫咗趣味炸雞。一盒有大約7舊炸雞件，旁邊有沙律同埋酸蘿蔔。雞件嘅size可以想像成一件K記炸雞胸分成3-4件。之於點解係「趣味」，我都想知。表面嘅醬望落似芝士醬，但食落又冇芝士味，想再品嘗清楚啲，可惜太少醬。所以基本上等於同冇醬，好彩炸雞本身有經調味，唔會食到淡。炸得幾好，唔多油，食落雞件唔會嚡。最有驚喜係酸蘿蔔，酸酸地好開胃同解膩！飲品方面，一如既往咁好。香芋奶茶好足料，有好多芋頭蓉。

叫咗兩個飯跟珍珠奶茶 等左九個字 送黎只得一個飯 珍珠奶茶又冇飲筒 真係好失望 打去比外賣員佢話已經送晒過嚟 打返去餐廳 原來係餐廳自己比漏但就話咩都做唔到 叫我哋自己聯絡外賣平台退款 大家叫外賣真係要三思

本住肚餓都只吃黃, 同平均懲罰既信念, 係黃店林立既龍門居打開OPENRICE, 睇下邊間少COMMENT 就食邊間. 見到茶丼家無咩COMMENT, 就簡佢.本身諗住便當又冇咩COMMENT 應該麻麻地,求其食算. 點知去到發現都唔少人叫左外賣, 重有網上外賣平台個D等緊.我叫左個期間限定既肉燥雞扒飯, 香芉奶茶, $48. 一打開個便當. 我心入面諗: 我錯了! 我太睇少個便當.肉燥夠濕潤,但絕對唔係生粉漲個重, 有老水香也有肉香. 好過我前一日食一間係海港城打正牌頭食台菜既度X月多多聲, 佢個碗唔知老肉飯定肉燥飯超柴. 另外丼家塊雞扒係頂級. 依D煎炸雞扒本意係快速高溫整熟外面, 鎖住肉入面既水分. 但做得唔好就好易成塊柴哂. 但佢完全做到要有既效果, 入面好潄好多汁.佢送個杯香芉奶茶都唔HEA, 係奶茶底加芉泥比你撈, 有誠意第2日我忍唔住又再駕車過去買個肉燥豬扒, 一樣咁香同潄. 正明水準好穩定

住係龍門居嘅好處就係多嘢食，最近新寵就係茶丼家。 第二次食佢嘅雞扒三文治🥪。$38配台式飲品。配料超豐富，有三層，夾咗番茄、生菜、蛋沙律、薯仔同主角照燒雞扒。最欣賞嘅係麵包係用牛油烘底全麥方包，食落口感比白麵包更脆。醬汁唔會太多，一d膩嘅感覺都冇。