茜廊餐廳 (樂富廣場A區)

营业中

休息中

呢間餐廳好高人氣，價錢貼地🥩鐵板特級肉眼扒 $109呢個套餐好抵食，配有餐湯、蒜茸包及餐飲。餐湯我叫咗忌廉湯，湯夠哂熱。肉眼扒份量足，好厚身。我叫咗七成熟，煎得啱啱好。鐵板上已有薯仔作配菜，再加埋跟餐嘅意粉，非常夠飽。🐑香煎羊髀扒(蒜蓉汁)配薯菜 $128同樣配有餐湯、蒜茸包及餐飲。餐湯羅宋湯好足料，羊髀扒都好大塊，肉質軟嫩，配上香濃惹味嘅蒜蓉汁，唔會有膻味。薯菜份量足夠，綿密軟糯，吸收咗羊扒嘅精華~🍰馬賽爾朱古力蛋糕 $29每個套餐都可以加$29 要埋甜品。我地叫咗朱古力蛋糕，朱古力味道非常濃郁，口感綿滑，甜度啱啱好，唔會膩！

呢間餐廳嘅午餐選擇幾多，而且價錢親民🤗我哋揀咗燒汁羊髀扒配忌廉飯，羊髀扒嘅份量夠，煎得唔錯，保持肉汁。燒汁夠濃郁，忌廉飯幾creamy，唔好太稀。配埋羅宋湯同蒜茸包，幾豐富。另外芝士焗蕃茄豬扒飯，芝士焗到金黃色，豬扒腍身，炒飯底，蕃茄汁酸甜適中。午餐配埋雜菜沙律同蒜茸包。我哋叫咗兩款小食share 。加$20就有兩件炸馬介休球，加$19就有兩隻吉列蝦。餐飲方面，揀咗凍咖啡同凍檸茶。呢度價錢經濟實惠，食物份量足夠。

話說今日行過竟然仲有$28嘅早餐🤩🤩🤩即刻入去試試佢啦😋😋好似好耐都冇喺香港食過咁平又有質素嘅早餐😋😋即刻忍唔住要寫一寫佢😎😎首先係入到去姐姐熱情嘅招待環境又好用QR code落單,影唔到餐牌俾大家睇，因為螢幕截圖係出唔到🙈🙈$28嘅選擇雖然只有一個😂但都足夠啦，有多士炒蛋🍞加冬菇米粉🍜仲有一杯嘢飲多士超有誠意唔係普通嘅方包係高級嘢仲配埋牛油俾你搽，炒蛋就唔好期望太高🤣正常嘢😌冬菇係有蒜蓉炒過嘅都算係用心之作😋😋凍飲仲要唔使加錢整體嚟講$28即係冇嘢可以挑剔😌😌

母親節陪同家人於此餐廳吃飯，中途各人吃完主菜，待應便急不及待收拾餐具。 怎料當全部人已用膳完畢，待應竟在眾目睽睽之下，叫我們讓坐給正在等候的客人。 明明店內還有其他空座位，我們也不是最早入座的，同時間有其他客人用膳完畢後，還在坐下閒聊。 但店員辯稱我們人數最多，所以要讓給下一台同樣人數的客人，所以沒有下次！

這碗$42的沙嗲牛肉公仔麵，絕對是一道令人垂涎的美食。首先，牛肉片的品質相當出色，肉質鮮嫩，口感滑順，與沙嗲醬的濃郁風味相得益彰。沙嗲醬的香氣四溢，既不過於油膩，又能充分提升牛肉的鮮味，讓人一口接一口，意猶未盡。公仔麵的麵條煮得恰到好處，彈性十足，與湯底的濃郁味道相結合，形成了完美的口感體驗。湯底清澈而富有層次感，讓人感受到每一口的美味。此外，香脆的多士也是這餐的亮點之一，外脆內軟，完美吸收了湯汁，增添了風味的層次。再加上炒滑蛋，鬆軟的口感與其他配料完美融合，讓整體味道更加豐富。最後，一杯清爽的凍檸茶作為飲品，既解膩又消暑，為整餐畫上完美的句號。這道沙嗲牛肉公仔麵，無疑是值得一試的美食，讓人回味無窮！這碗$42的沙嗲牛肉公仔麵，無疑是個美味的享受。牛肉片鮮嫩多汁，沙嗲醬香氣四溢，恰到好處地提升了麵的風味。公仔麵的口感滑順，搭配濃郁的湯底，讓人一口接一口。加上香脆的多士，完美地吸收了湯汁，增添了層次感。炒滑蛋鬆軟滑嫩，與麵條的搭配也相得益彰。最後，一杯凍檸茶清爽解膩，讓整餐更加完美，值得一試！

食物好味，本身已經好大份好足料，經理仲送多2份小食比我地，非常滿足！環境舒適好大，感覺整間餐廳都滿有人情味！食完去比錢，經理仲送多幾張送小食優惠卷比我地，體驗非常好！飽到晚餐都唔洗食🤣

今日去樂富，揾地方食午餐，位置好近房署，又想食西餐於是就揀左啲間。點了炸雞扒意大利飯，還是一個鐵板羊扒。先來羅宋湯，小小辣好味，意大利就好大碟，炸雞扒就得一塊。鐵板羊扒就幾好，夠多味道不錯，價錢都合理。

下午行完樂富的格仔山，朋友推薦到樂富商場的茜廊食下午茶. 入坐後，侍應送上一個不鏽鋼杯，內有熱水及餐具，非常貼心. 餐牌有多款下午茶餐，我想食一個輕便的下午茶餐，便選了西多士雞翼雜果沙律餐，及一杯走冰的凍檸檬茶😂，價錢$38. 雞翼的調味幾好食，但是雜果沙律食唔到雜果，只有青瓜甘筍及火箭生菜，但都好新鮮. 餐牌應該更正為蔬菜沙律. 西多士正常發揮. 凍檸茶的紅茶都幾香，檸檬冇澀味，又夠大杯.今日下午茶時段不太多人，餐廳闊落，座位舒適，配上輕音樂，同朋友傾吓偈，食吓嘢，朋友的推介真係唔錯😊. 食完下午茶，再走入商場逛一逛.

今日去樂富做嘢，跟住同同事去茜廊西餐廳食午餐。我哋叫咗兩個羊扒配意大利飯；兩個鐵板燒雜扒同埋一個三文魚沙律。個餐包湯蒜蓉包同埋飲品。午餐時間都算多人，每樣食品都中規中矩，蒜蓉包好味。服務殷切勤懇，值得一讚。

之前去過呢間餐廳嘅其他分店，食過唔同嘅餐，今次嚟到樂富呢間分店食一個午餐，只要係1點前埋單就有優惠，包含一杯嘢飲，凍飲或者熱飲檸檬茶的檸檬好大片👀🤝咖喱雞飯也不是很辣😉

本身黃雨🟡🌧️落山搵食，記起食茜廊有9折，搭搭下車🚌變紅雨🔴🌧️，仲皓，食茜廊有85折，但另一個隱憂係天文台話可能🤔黑雨⚫️🌧️，到時就冇shuttle返屋企🏡😅，所以拿拿臨去茜廊食完就算。但行去shuttle站條路已濕晒下身入去茜廊，7成滿，問咗第一☝️個侍應原來佢唔知有85折，再問第二個侍應先話有，先放心入去食，侍應話正價menu先有85折，剩返午餐一版menu同鐵板餐一版menu，上次食過茜廊鐵板牛🥩皓皓食，所以今次揀正價既鐵板羊脾扒$128，5成熟，紅湯，凍啡少冰，唔洗加錢，QR code落單。首先嚟咗凍啡，皓大杯，冰🧊皓似冇乜少到，自己落糖奶。之後嚟羅宋湯，今次比較酸，蒜蓉包凍咗但都皓脆👍🏻。鐵板羊脾扒賣相似牛扒🥩，自己落蒜茸汁，啫啫聲皓有儀式感，皓治癒❤️‍🩹，但彈汁，痛😓羊脾扒諗。唔明點解薯仔🥔要落沙律🥗醬😅埋單confirm多次侍應係唔係85折，但反問我仲乜有85折，皓彩另一個店員聽到👂，話入單時已有85折，抵

中秋🥮節翌日放假🏖️，帶咗陳皮二妹落山原本想食壽司🍣郎但爆，轉食茜廊，有位，門口有宣傳牌$99有紐西蘭草飼西冷牛扒🥩原價$188特價$99，就入咗去，坐角位，QR code落單，叫埋羅宋湯同凍啡唔洗加錢。紅湯比較水，但夠味好飲有料，蒜蓉包凍咗但脆。凍啡大杯。西冷扒鐵板上，自己落蒜蓉汁，啫啫聲，皓有儀式感，有牛味唔韌，正👍🏻，幫埋屋企人買pizza外賣🥡但等咗半個鐘差d走車

首先想講牛扒係好食既 夥計既服務態度都唔錯 但系有個問題就係我老婆問夥計拎野個陣話聞到個阿叔個口好大酒味好鬼臭 隔住個口罩都聞到 埋單個陣我有刻意留意下 的確係好濃酒味 不過當下見到隔離有個女人似係經理咁款就冇當面俾feedback 咁但系宜家就想反應下員工其實係唔係唔應該係翻工時間飲用酒類呢

今次去了比較住宅區的地區—樂富 午餐點了法式香草燒雞（半隻）配鮮雜菌忌廉燴意粉另外嗌了喳喳林特色雜扒蒜蓉汁配薯菜套餐包蒜蓉包、湯和餐飲選擇很多，性價比都高。📝茜廊餐廳 (樂富廣場) (樂富)📍樂富聯合道198號樂富廣場A區UG1樓L105-108號舖🚇樂富地鐵站

姐姐🧍‍♀️放假🏖️，落山買外賣🥡，喺屋企㩒定網上外賣平台有折買樂富茜廊。皓彩一落邨巴就有外賣🥡即上返邨巴返屋企。叫咗兩個下午茶☕️餐，第一☝️個炸脾配薯條🍟，炸脾唔夠脆肉唔夠滑，薯條🍟都唔脆，另外個餐芝士🧀焗金粟魚柳意粉🍝，芝士🧀焗皓香，兩個餐都叫咗凍檸茶，餐具🍴要加錢，所以用返自己嘢環保