茗苑宴會廳 (已結業)

今日想飲茶，於是等到下午茶時間，諗住抵飲d🙂雪菜鴨腿絲米粉，好足料，不過味道偏鹹。正正常常既蝦餃。流沙奶皇包相當正！熱辣辣又夠流心！炒腸粉，惹味到連芽菜都爭食。好奇鴛鴦燒賣係咩，原來係普通燒賣加牛肉燒賣，兩款都ok。南瓜餅我冇試到，因為唔夠分，友人話幾好食，口感煙韌似年糕。鯪魚球冇試，友人話麻麻。四個人食左60有找，好抵！只係服務......問侍應拎筷子，佢叫我地直接去格尼枱拎，咁都得？同埋留意下午茶冇紙巾送。

可怒也! 已經有一段時間無寫過食評, 今次不吐不快.葵涌返工已很多年, 附近食肆一向都以做街坊生意為主. 這家酒樓去過的次數也不少, 這次碰巧在銀行入數, 看到燒臘外賣, $28雙併連飲品, 也是十分抵!但是不幸碰上馬虎了事的燒臘檔員工, 結果遇到不幸.先到柜檯落單付款, 要求"肥叉燒肉飯多色", 拿著單子去燒臘檔大大聲要求. 結果斬燒臘的青年妄顧要求, 就是順手一塊上手就切, 圖片可見, 就連丁點油花都沒有.回來越吃越火, 叉燒的乾瘦程度, 一邊嚼, 叉燒跟牙齒牙肉磨擦, 可以發出"唧唧"聲.要求"多色", 打包時跟旁訪阿姐重申一次, 她劈頭就一句: "多左啦!"最後, 有圖為証, 雪白如新.無可否認, 醬汁是直接落在白飯部分, 燒臘蓋在上, 看不見顏色. 但是, 明顯白飯已煲好一陣, 打開蓋揮發, 外層早已硬得要死. 要求"多色"是希望補回點濕度, 可是乾乾硬硬就,此吃完. 我相信我還是快快灌些水入肚, 令飯粒撐大, 好讓我飽足幾小時.我明白餐廳與食客的交易, 只是餐廳負責提供相關食物, 而食客付費. 當中好食與否, 或是否有求未應並不在交易的範圍之內.不過經濟環境不好, 而且餐廳

訂左今晚9位7點，去到見到有7，8成客，生意吾錯。叫左特價班2條 $76，片皮鴨2食 $198，$278 特價3寶有燒鹅（例牌）薑䓤蟹伊底，枝竹羅白頭腩煲，金銀旦浸菜芯，葱油雞1隻 $98，白飯1個，送糖水，埋單$920，都算扺食。講返食物，2條班，每條約10 両，蒸得時間剛剛好，d肉好滑，個豉油汁又不太鹹，片皮鴨就麻麻，片出的皮很少，包鴨的薄餅有d芝麻好怪，甜醬吾夠味，西芹炒鴨絲就好夠熱，鴨絲又多，加了大量紅蘿白，青椒一齊炒，好味。燒鵝肉汁好豐富，可惜分量好少。薑葱蟹伊面底，這個煮得好油，d伊面一堆堆，賣相同味道都好差，枝竹蘿白頭腩煲，份量不少，枝竹入曬味，頭腩拉過油，入口外面有少少脆，內𥚃魚肉又不太乾，幾好。金銀旦浸菜芯，金銀旦很多，d湯又夠味，不俗。葱油雞好大隻，肉好滑，有d煮過嘅洋䓤系雞上面，但個汁太鹹啦，食完要飲好多水，糖水有南瓜露，不太甜，濃度剛好，紅豆沙，煲到有少少起沙，都 ok，綠豆沙就冇試。總括來說，味道好一般，但勝在夠經濟。

8-7-2013(一）是日起床，已是下午一時半，要找點東西吃了，一個人就隨意坐巴士往葵興，來到茗苑宴會廳吃個下午茶。一個人，吃得不多，叫三碟剛剛好。蒜香南乳豬手，大大碟且份量多，南乳夠入味，全都滲透於豬手內；豬手多肉得很，肥膏不算太多，夠咬口，嚼勁有道。魚腐米線，感覺夠健康，魚腐爽滑彈牙，米線亦夠爽口，唯略嫌湯底較淡口。南瓜煎軟餅，熱燙燙上桌，南瓜味濃郁，軟餅煙靱香糯像年糕，煎得香口，好吃。一邊吃，一邊又想起你說到，若我能做到一件事，便和我一起往酒樓喝茶。只是想和你喝茶，見見面，感覺像有點難過登天！埋單約 $48，頗美味的一餐。

葵興呢個地方其實好少黎~因為冇咩地方SHOPPING同附近都係工廠大廈~不過呢間茗苑都真係值得黎食呀~佢DINNER超抵食~之前大小B黎食飯~見到個餐牌都呆左~28蚊一個冬瓜盅~仲要係成個上喎~真係飲到我地傻左~haha今晚小B就同屋企人黎食~因為酒樓位於工廠區附近~所以夜晚係冇等位呢回事~我地一行三人~叫左椒絲腐孔炒通菜~乳鴿一隻~牛仔骨~同埋最最最抵的28蚊龍蝦!!!!!!!!!!睇到係成隻龍蝦~好好味呢~真係抵到爆咋!!!D龍蝦又好新鮮好鮮味~諗起都想再食~牛仔骨~呢個不過不失~呢個乳鴿都好好味~個皮都脆~係油左少少~椒絲腐孔炒通菜~呢個都不錯~又有咁大碟~不過真係要多D人黎食好D~可以試多幾款~同埋佢多人黎特價D款就越多~佢D茶都幾好飲~要搵次黎飲下茶先~之後一定會再黎食呀~抵到咁~唔使每人一百又抱住個肚走!!正!!!

今日同左女友去左呢間店飲茶,都幾多人,呢間店都幾得意,星期六日or公眾假期會平好多,所以如果係住o係呢頭,星期日過來飲茶會幾平.佢個裝修都幾靚,同d大酒樓冇乜分別,來擺酒都ok.佢d小二都算幾多而且都幾勤力幫你,抵讚.佢d野食就一般啦,試左燒賣,牛肉卷,小籠包,奶皇包,珍珠雞,叉燒腸,水準就一般,係牛肉卷要試下,佢個樣同鮮竹卷無異,但味道不錯.兩個人埋單一人都係$55,抵啦.