影片
港铁佐敦站 B1 出口, 步行约2分钟
继续阅读
开饭介绍
主打家常菜，有不少名人光顾。提供一系列传统粤菜，当中以炒猪杂为招牌菜之一，用姜葱酱料米酒爆香猪膶、猪腰、猪肚、生肠等，相当入味。
继续阅读
营业时间
星期一至日
11:30 - 23:00
以上资料只供参考，请与餐厅确认详情
跟家人去食，以为老字号有老香港味道，半只鸡158大洋，入口有非常明显雪鸡味，肉地“鞋”。一碟虾得六只，头大冇膏肉少，一只中指大小。外面一碟清蒸虾都应该有10-20只。但估唔到呢间嘢有6只细虾。
继续阅读
今日自己一个食晏，谂住简简单单食个饭就算，于是就行到嚟佐敦嘅粗菜茗星馆，之前食过都觉得几抵食，有茶有汤有饭都系五十几蚊起，加埋一都系六十零蚊相比晚餐实在性价比太高了👍🏻食得清清地，就拣咗个豆腐火腩饭食虽然50几蚊，但系绝不欺场六七件火腩+六七件炸豆腐，再加一碗大大碗嘅饭，同热辣辣嘅例汤差啲食唔晒🤭本人对汤10分执着，一定要热辣辣先饮，所以呢度就绝对啱晒口味，佢啲汤拎出嚟系热到辣嘴嘅程度，大爱❤️
继续阅读
近排好多老店逐间结业，所以有机会嘅话都想帮衬多啲老店。呢间粗菜馆开咗好耐，虽然唔就脚，都专登行过嚟帮衬。叫咗个二人套餐：1）老火汤 2位 (指定菜式)淡但系够热，话系节瓜汤，完全冇节瓜味，汤内一粒节瓜核都冇，估计应该系合掌瓜之类2）豉油王煎虾 2只 (指定菜式)算正常，虾尚算新鲜3）沙姜鸡 例牌 (指定菜式)全碟有1只鸡翼，其余全部系鸡胸，仲要靭到完全咬唔开。呢个系指定菜式，你俾成碟完全食唔到嘅鸡胸人食，即系想点？4）红烧乳鸽 1只 (自选菜式)皮淋肉靭，唔热，冇味，虾片全淋5）琵琶豆腐 (自选菜式)质地死死实实，夹杂细碎鱼骨要吐出来，芡汁死咸，伴碟菜心算系好正常全餐饭最满意系壶茶，水够热食完餐饭令人好颓，冇影相。老店想继续营业落去，都要自己争气啲
继续阅读
细细个已经听过"粗菜馆"呢个名, 经常路过见到佢地招牌, 睇其他食评先知原来系原址重开, 名为"茗星粗菜馆", 今次朋友拣系到搞威士忌聚会, 可以试到呢到传统粤菜粗菜馆小炒皇 - 够镬气, 下酒小菜首选陈皮香煎脆鳝 - 加陈皮去泥腥味几好, 鳝如果更肥美就更好家乡煎鱼饼 - 招牌菜之一, 香口juicy厚身松软招牌炒猪杂 - 几好冇内脏膻味, 只系油咗少少秘制脆皮炸猪手 - 人多一定要叫, 外脆内软, 调味刚好 糖醋黄花鱼 - 炸到非常脆, 边位嘅骨都可以食, 不过条鱼比较细, 薄肉显得唔够嫩滑蒜蓉蒸胜瓜 - 胜瓜去哂皮, 细细粒够嫩而且索哂蒜蓉味炸大肠 - 冇猪膻味, 非常香口够脆, 大肠够厚唔柴, 炸到干身唔油腻另外仲有好多有水准经典小炒, 整体用餐都OK, 唯独系订枱时沟通咗可以全部免开瓶, 最后店员收咗1支开瓶费, 每人除开几蚊就唔争论啦
继续阅读
𠮶碟大蒜风沙鸡，又干又鞋口；鱼汤浸圣瓜，圣瓜有黑边，极度唔新鲜；蚝仔粥，水多过料。好后悔重要日子拣咗食呢间！其实之前两次都食过系唔错，不过一次跌 walk 就令到我唔会再帮衬。好失望！最后问 waitress 有冇糖水，谂住俾位佢补救，点知佢话要 $25 一碗，唔知碗糖水系咪有金箔，但系都好彩佢冇送，因为食完分分钟要狂饮水洗口，因为太难食。真心，觉得又少一间可以翻炒嘅食店！而且服务态度好一般，所以冇下次啰！！！
继续阅读