影片
港铁金钟站 F 出口, 步行约7分钟
继续阅读
电话号码
28208580
开饭介绍
主打罕有的精致福建菜式，配上每个角落均别出心裁的布置、森林系且雅致的装潢，以及采光度十足的大玻璃窗，从食物至环境都适合打卡。
继续阅读
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
*(午餐: 最后点餐时间为14:30） (晚餐: 最后点餐时间为21:30）
以上资料只供参考，请与餐厅确认详情
有关奖赏计划
0 浏览
话说蕃薯Uncle又喺报纸杂志度睇到几篇专栏同时介绍新餐厅「茗悦」，金钟香格里拉酒店主打福建菜，好似好high咁，所以就吹鸡同大食会去试吓佢咩料。高级酒店华丽嘅餐室睇落好似一个大型嘅欧陆式客厅，相信冇乜人会估佢系食中菜嘅。年轻嘅服务生温婉有礼，只系明显经验不足，面对住问题多多嘅XO仔每次都要问一问同事先答到。多人派对有长枱坐，两、三口子就要坐偏矮嘅半梳化位。大部份嘅櫈系冇手柄位嘅，感觉唔系咁稳阵，个座位仲要凹咗落去，即使垫上咕𠱸都吊哂脚，好唔舒服，真系怀疑设计师自己有冇亲身坐过！每位席上都摆有齐备嘅自用及公用餐具，企理卫生。埋位每人先有一杯清香淡雅嘅玫瑰茶以示欢迎光临。据多页茶牌所道，福建文化中茶比肉重要，因有解毒之效。故有别于一般中菜厅，茶钱并非以入座人数续位计，而系一人一壶咁叫，如应推介点嘅白牡丹就要$108/壶。有明火保热嘅透明玻璃茶壶颜值就高，但值唔值依个价位呢？！小肥自认不懂品茶，所以绝对同意薯爷所讲，百几蚊饮壶唔识欣赏嘅茶，倒不如叹返杯威士忌好过！网上订座流程简易，要注意一点嘅就系人多要俾订金，而且部份菜式必先预订。如果想自己带酒，开瓶费为$800/樽标准装红、白、汽或清酒。多页中英对照嘅餐牌及酒牌可于网上下载，招牌菜式均附配简介及彩图，非常详尽。爷爷咁嘴刁，梗系一早谂定要食乜兼命令细佬订埋啦！永春老醋海蜇冻（$88）：清凉柔韧嘅啫喱冷盘用咗鱼胶同海蜇造出，酸酸甜甜中有个辣劲，开胃又醒神。香脆紫菜海蛎煎（$168）：迷你蚝饼好似点心咁细细件够菂薂，加咗块薄薄嘅紫菜包住虽则有提鲜嘅作用，无奈食落成口油，蚝仔量少兼唔够肥嘟嘟，新颖嘅煮法似乎潮唔起！香酥脆虾枣（$118）：炸到成粒糖形嘅虾枣出面层腐皮看似比传统版轻巧，败笔在于油份过高，直令口感变得腍而不脆，个馅入面啲马蹄同猪肉多过虾虾，食落系有马蹄嘅爽脆但就欠缺咗虾枣应有嘅爽弹，实有喧宾夺主之嫌，不如菜名索性改为「香酥脆马蹄枣」方才贴切。闽南五香卷（$118）：同样用腐皮包住嘅五香肉显然冇咁油，个馅其实同之前虾枣个差不多，都系爽脆嘅马蹄最突出。厦门风味润饼（$288）：传统厦门菜式以锦盒呈上，睇头十足！盒子中间为炒野菜，围住嘅七彩食材包括炸米粉、海苔、猪肉松、花生糖、猪油渣、干葱、芫荽、鲜虾；另配三色酱料为酱油、黄芥辣、辣椒酱；笼中为薄饼皮，欢迎贵客自选爱好嘅配料包出独一无二嘅薄饼。DIY薄饼可以话完全唔合格呀，正唔正宗已经系其次，因为个薄皮饼又厚又韧，牙力劲到连碗都可以咬崩嘅S君直头话咬到牙骹好似甩甩地咁，为牙骹健康著想根本冇需要作出无谓嘅挑战！手工包心荔枝肉（$288）：酸酸甜甜嘅荔枝肉波波其实系用五花腩同马蹄混出嘅猪肉丸，食落就好似「闽南五香卷」个馅搓成丸状后炸出咁，请恕小弟直言，$288中嘅$170莫非就系手工钱？厦门姜母鸭（$588/半只）：皮下脂肪唔多嘅姜母鸭最靓系层香润软滑嘅鸭皮，啲肉唔可以话嚡，只系唔够松同软熟，最奇怪就系用煲上竟然唔够热，大家都赞XO仔叻叻，只系叫咗半只黎试。飘香红鲟蟹米饭（$888）：用菲律宾膏蟹所蒸煮嘅糯米饭捞入咗蚝豉同虾干，油得黎味道偏咸，最弊系只蟹好霉，唔得新鲜，完全唔掂当呀！猪油渣炒青瓜苗（$128）：青瓜苗系软身啲嘅BB青瓜仔，食落有阵强烈嘅臭青味，唔知系咪青瓜苗嘅特征呢？！散发著油膱味嘅猪油渣入口已经腍哂，毫不脆口，失败透！家乡海味炒线面（$328）：炒线面嘅面条似米粉多过面线，当中嘅杂菜疑似「厦门风味润饼」𠮶锦盒入面攞出黎，物尽其用系好事，唯一玩寻宝游戏都唔系好揾到啲海味，价格也未免标得太高了吧？！其实食咗咁多道𩠌已经知新店出品唔系咁啱自己口味，早就决定唔会嘥弹药食甜品，不过长辈又讲得几有道理嘅，做事要有头有尾，横掂黎咗就一于试埋落去，所以点咗两款推介甜品。嘻嘻，由于两款金瓜手工芋泥（$68）及花生汤配油炸鬼手工黑麻糍（$68）均含果仁，小肥可以幸免，不过都影咗相相同读者们分享。名牌五星级酒店新开嘅「茗悦」宣传功夫做到足，无奈环境同食物都有个共通点，就系睇得唔打得！地方大同靓得黎椅櫈坐得唔舒适自在是为大忌也！以潮派手法烹调传统福建菜肴系就系好有谂头，不过问题在于厨师选材及基本厨功未到家，所谓全新创作均为阿茂结精，大食会各人一致裁定贵得冇道理，有人请都绝不回头！
继续阅读
中菜千变万化，今次朋友介绍食福建菜果然别有一番风味😋🔸红糟烧澳洲龙虾🦞龙虾可能食得多，以福建嘅红糟烹调龙虾则较少见😋🔸香酥脆虾枣🦐外层金黄酥脆，入面剁碎嘅虾肉湿润弹牙😋🔸香煎鲜虾芋头饺🥟外形精致嘅饺子上面有薄脆配以金箔点缀，饺子以虾肉芋头为馅，虾肉结实带芋头香😋🔸永春老醋海蜇冻啫喱口感嘅海蜇冻，清新弹牙。🔸手工包心荔枝肉🟤猪肉包住荔枝肉，用咸甜嘅酱汁包裹住，好浓郁👍🏻🔸红糟烧澳洲龙虾🦞龙虾炸得外脆内嫩，红当当嘅红糟❤️ 味道独特但唔会抢过龙虾嘅味道，两者平衡得好好👍🏻🔸茶王烟熏脆皮鸡🐓脆皮鸡烟熏后散发淡淡茶香，鸡皮好似薄脆咁脆卜卜，鸡肉仲好嫩滑😋🔸福州山苏菜🥬🔸泉州风味海鲜炆饭饭粒吸饱虾肉、小贝柱嘅原汁原味，仲有脆脆樱花虾捞埋一齐食，脆脆口感又香口。🔸花生汤配油炸鬼，手工黑麻糍🔸芋泥冰豆花💜🔸蜂蜜石花冻除咗福建菜，呢度仲有唔同嘅茶可以品尝，啱晒朋友聚会叹美食，饮返两杯靓茶😋🐾猫奴足迹🐾🌐茗悦 (金钟)📍金钟金钟道88号太古广场二座港岛香格里拉酒店8楼
继续阅读
印象中好少专登去吃福建菜, 而我对福建菜的了解也不多. 多得朋友推介, 港岛香格里拉的茗悦正正主打此菜系, 实在来得合时!甫坐下, 店员就送上迎宾茶 - 玫瑰花茶, 使来去匆匆的我, 喝一口好清香的花茶, 心情顿时平静下来.茗悦的中国茶类共有18款, 例如白茶、绿茶、红茶, 而我偏爱黑茶, 选老六堡($78/位)因为够醇及甜. 热热的呼一口, 沉稳之余又带少少香甜, 很有层次, 更觉没选错~福建特色拼盘共五款小食, 店员说要按次序来吃, 令味道更佳~ 先介绍福州老酒醉蛏子, 是蛏子皇!! 酒味刚好, 蛏子半滑半爽, 配搭薄切青瓜, 酒汁诱人.永春老醋海蜇冻, 以花雕酒及红酒醋泡制, 啫喱内的海蜇爽口带甜, 层次丰富又开胃!蟹粉蟹肉小金杯, 卖相很可爱, 然而却是 ‘小辣椒’! 辣中带爽, 几过瘾的~闽南五香卷, 外脆内软, 馅料是马蹄粒、萝卜及五花腩, 油脂香口.百香渍金瓜, 以爽脆南瓜片卷成小花, 那种酸劲非常醒胃!厦门风味润饼, 软糯的薄饼皮包著红萝卜、鲜虾、猪油渣、花生、紫菜等食材, 本身已经好够味, 若想吃得有风味, 以大葱作扫, 涂抹芥末酱/甜酱油/厦门辣椒酱. 非常贵气! 帝王蟹肉鱼肚羹用料十足! 以阿拉斯加蟹肉入饯缀以柠檬叶, 香气独特, 吃时不妨加少许醋提鲜.排列整齐、简单地以香菜点缀, 就是这道酱油水煮大乌贼带出的迷人之处. 墨鱼煮至七成熟, 肉质嫩滑, 酱汁唔算浓味.不得了!!! 焦糖洋葱汁烧A4牛三角香气四溢, 超级香口!!! 最特别是把桔仔汁唧在和牛上, 夹葱及洋葱丝同吃, 好正!!!红糟本地三黄鸡, 看似干干的外表, 实际是多汁嫩滑兼香甜. 红红的外表, 因为是用了红酒糟, 看气独特~ 精酿豆腐盒拌山苏菜, 这段美味菜式是内有干坤! 豆腐内酿有紫菜及牛肝菌, 山苏菜爽脆, 豆腐又够软滑, 全部食材配合得好好~来到重头戏!!! 飘香红鲟饭! 大大只菲律宾羔蟹, 多膏、香浓, 更用了甜度相比其他糯米高的圆糯米, 烟靭度与长糯米更是有所不同. 老六堡好好喝, 几乎是由头带到尾~ 受朋友影响, 我也点了这杯cocktail, 主要是菠萝、椰子味, sparkling之余带少少茶味, 几特别.甜品是美美的芋泥冰豆花 , 一向都喜欢香滑绵密芋泥, 有马蹄爽、哈密瓜、无花果. 冰豆花的软硬度刚刚好~ 开心果椰蓉卷, 其实就是糯米糍, 开心果味不假, 皮也够软糯, 挺推介.也要一提, 餐厅装潢带微黄格调, 高尚有气派, 无大桌亦有二人桌~
继续阅读
I recently had my first Fujian meal at Ming Pavilion, the newest Fujian restaurant by Island Shangri-La Hong Kong. This restaurant holds a special significance as it was created to honor the founder’s mother, who hails from Fujian.The contemporary design of the restaurant is incredibly classy, providing a warm and inviting atmosphere that enhances the dining experience.We started our meal with traditional Fujian appetizer platters, which were a delightful introduction to the cuisine. The razor clams were particularly delicious, showcasing the fresh seafood that Fujian is known for. The waygu beef slices were also a highlight, tender and flavorful, perfectly cooked to enhance their natural taste.One of the standout dishes was the steamed glutinous rice with crab, which was both palatable and satisfying, capturing the essence of Fujian flavors.To conclude our meal, we indulged in some exquisite desserts that left us feeling completely satisfied.Overall, it was a memorable dining experience that not only introduced me to the rich flavors of Fujian cuisine but also celebrated the cultural heritage behind it. I look forward to returning to Ming Pavilion for another delightful meal!
继续阅读
香港主打福建菜既反应好似比较少见。港岛香格里拉入面既福建中菜厅茗悦，环境好大好典雅，菜式设计系传统福建菜上再加左啲变化，每道菜精致得黎充满细节。1⃣️ 福建特色拼盘拼盘有五样唔同既前菜，有闽南五香卷、福州老酒醉蛏子、蟹粉蟹肉小金杯、永春老醋海蜇冻、百香渍金瓜。造型精致，味道都好丰富～2⃣️厦门风味润饼包入五花肉、香菜、鲜虾、紫菜、花生糖等等好多款唔同既食材，层次感十足！3️⃣ 帝王蟹肉鱼肚羹蟹肉份量好多，入面有好多唔同配料，加入醋同埋胡椒粉食有种食紧鱼翅既感觉🥰4️⃣ 酱油水煮大乌贼切好一片片，肉质鲜嫩弹牙。5️⃣ 焦糖洋葱汁烧A4牛三角牛肉油脂感满满，食落肉味香浓，建议配合底下葱丝一齐食。6️⃣ 红糟本地三黄鸡酱汁甜甜地，外皮非常香脆，肉质滑嫩。7️⃣精酿豆腐盒拌山苏菜酿入牛肝菌同埋啲猪肉，伴上山苏菜食口感更佳。8️⃣ 飘香红鲟饭见到原只红鲟蟹，糯米饭蒸煮出黎好香～加上满满蟹膏食更加满足。9️⃣ 芋泥冰豆花豆花带椰汁味，仲有芋泥、无花果等配料。1️⃣0️⃣开心果椰蓉卷面头铺满椰丝，入面仲有啲开心果碎碎。
继续阅读