影片
以上资料只供参考，请与餐厅确认详情
招牌菜
行过牛池湾，知道黎紧就黎拆，去揾间怀旧茶餐厅食个lunch，有室内室外可以坐，室内装修好有80年袋感觉😅😅有左个鸡髀饭，味道中规中矩啦，玻璃橱窗入面既面包就几好味，而黎呢度既咖啡同奶茶亦属于中上👍🏽👍🏽👍🏽不过我今日就想饮柠檬茶😅😅
继续阅读
既然系咖啡屋，杯嘢饮理论上系主角少奶既热鸯入口，茶味啡味平分秋色，奶味亦唔会太抢，再加埋微微既酸口味，绝对系旧式冰室既味道！沙牛面无咩沙嗲味，更莫讲花生味，剩低既系些少甜咸味。不过牛肉爽有劲，唔系普通松肉粉货色，呢个要👍面系顶好既好味面，食起身有种类似伊面既硬感环境唔系其他即食面既感觉。二道菜肠蛋无特别正常发挥，略嫌条肠比较淋。整体评分：饮品 - 8/10主食（沙牛面）- 6/10二道菜 - 5/10环境 - 6/10气氛 - 9/10 （怀旧村档）
继续阅读
假期训到11-2点，起身就同女友去西贡行，咁喺彩虹转小巴入，上小巴前，就喺牛池湾附近揾下野食先，谂住食完先入去。牛池湾入面街市（唔系市政大厦个街市呀）见到几间比较旧式既茶记，见呢间唔算多人，就入去坐。因为系第一餐，所以唔想食饭，就叫啲面餐黎食。呢度面类既常餐快餐都系𠮶几款，配搭掉黎掉去姐。叫左个沙嗲牛肉米线，同炸菜肉丝加出前一丁，配个磨菇奄列同肠仔炒蛋（连牛油方包）。米线同一丁都系同其他茶记差唔多，唔讲咁多，反而奄列同炒蛋真系要赞，唔系出面啲普通茶记或快餐店既炒蛋，喺熟哂既蛋上面加啲蛋桨就算，呢度啲蛋真系好滑，岩岩熟而不流，面头仲弹弹下又有光泽，真系好食好多，剩系炒蛋已经可以储到回头客呢度装修仲系8-90年代风，可惜疫情要间啲胶板，影相既话唔多靓。如想试下旧式茶记既feel，同埋钟意食蛋既，可以黎呢度食下。
继续阅读
彩虹英辉咖啡屋喺牛池湾文娱中心同街市附近，有一条牛池湾村，呢度除咗有露天街市之外其实仲有好多嘢食，其实仲有一间旧式嘅茶餐厅隐身起一堆舖头入边，呢个位置其实一啲都唔显眼。踏入舖头已经感受到𠮶种怀旧嘅感觉，无论系墙身或者地下阶砖都系历史嘅见证。西式下午茶餐- 炸鸡肶冻柠茶$37系先卤后炸嘅造法，入味但都系唔够生炸好食😂薯条方便净系用咗扭纹波浪粗薯条。最钟意就系粗薯条，脆得嚟又啖啖薯肉呢个价钱唔同地方其实质素都算唔错，想感受下怀旧嘅气氛值得一试。
继续阅读
今次跟朋友行西贡嘅「钓鱼翁」，由「五块田」入，「相思湾」出，全程由朋友安排，就连行完山之后，午饭地点都谂好埋。由相思湾搭返巴士出牛池湾，放饭地点就喺晌街市附近嘅「英辉咖啡屋」。 虽然个名叫咖啡屋咋，其实喺地道嘅茶记嚟，晌门口都睇得出有唔少年日，入到餐厅内，唔使扮怀旧，墙身、地砖、卡位、时钟……等等，都已经喺一派怀旧餐厅嘞！ 家下好多餐厅做防疫都好「马虎」，见过唔少餐厅啲隔板「求其」到离谱，又细块，又单薄，纯粹做个样，无实质作用。而「英辉」以茶记嚟讲，算做足100分喇，一入门口有探热机，成大大支消毒搓手液放晌枱面，卡位嘅椅背撑起一大块胶膜做分隔。最搞嘢喺中间一字长枱，直情巨型胶膜隔开两边，跟朋友隔住胶膜对住坐，理论上，点倾偈都唔会「喷到口水」，哈哈！ 如果想坐得开扬少少，可以拣铺前嘅位，明显已减少枱嘅数目，增加咗啲距离，不过，间隔有限，唔安心嘅话最好拣番里面卡位，坐得外面都喺啲单丁客。 如旧式茶记，墙上贴满形形式式嘅食物，不过，亦有一张过嘅餐牌俾客人慢慢睇，显示晒所有乜餐物餐，以及一啲碟头饭，应有尽有。我哋去到时，接近2:00pm，老细好无所谓咁讲，午餐、快餐、下午茶餐乜餐都叫得，当然，早餐除外啦。最后拣咗中式下午茶餐，喺啲迷你炒粉面，但好搞嘢，供应时间喺2:00pm-8:00pm，真有个性。其实午餐都喺，供应时间喺11:00pm-8:00pm，无打错，真喺去到晚上8点。落好单，啲伙记真喺好醒，刀叉连埋杯热水送嚟，俾大家洗洗餐具。迷你干炒黑椒鸡丝意粉 $39叫得迷你，就梗喺细碟少少，不过，喺即点即炒，够晒镬气。质素方面，确喺炒得唔错，充满黑椒香，好惹味，鸡丝亦唔少。食到尾，喺有少少油咁啦，喺唔少茶记通病。 热奶茶特别钟情呢啲旧式瓦茶杯，厚身保温力强啲，而奶茶入口芳香，茶奶比例啱啱好，睇啲茶色都觉得对办。 照惯性，又分享少少呢次行山嘅相片，算喺有少少难行，尤其部份落山段要小心啲，而景观方面，一面喺清水湾景，几舒服，另一面就喺将军澳。上次都喺因为入西贡行山而嚟到牛池湾食嘢，发掘咗「宝福」，今次就发掘咗「英辉」，顺便可以行埋牛池湾街市睇睇有无平嘢买添。
继续阅读