影片
以上资料只供参考，请与餐厅确认详情
听闻里间油渣面好好食，陪朋友特登走去试。间铺好难揾，个 area 系整车同5金铺，喺横街度， 揾个黄色大灯牌就系喇。无咩选择，原来得油渣面食，同几款小食。一人叫左碗细面（$22）， 个面质地好特别，好有口感，汤低有冬菇味，好好饮。 我本身唔太钟意食肥膏，但d油渣炸到脆卜卜，唔太觉得油腻，所以都食左好多。叫左鸡翼同通菜，通菜好多叶，鸡翼好好味，虽然细细只，但好入味。不过整体黎讲，间铺都系无咩肉食，唔太适合我里d食肉兽当正餐食。
继续阅读
油渣，我印象中只系得油炸的，而且只有我呀妈呀爸个年代先兴既野食。但佢唔系，而系好似水煮咁～虽然无香脆可口，但肉香的味道却不错，不肥腻！餐牌就只有几样，肠，鸡翼同菜～肠仔无特别，鸡翼却有家的味道，家庭式的煎鸡翼，菜也只有几种，但我每一次去，碟菜都系非常翠绿同级食店黎讲，未食过一间次次去的菜都咁靓！整体黎讲，佢唔系好食到非食不可，但食过一次都会想再食多次特别一提，加埋辣椒油，碗面仲正！
继续阅读
第一次系我同事带我去食, 今次就系到我带第2个同事去食油渣面~~ 星期一至五午餐时间入到去, 唔洗等位呀~ GOOD~ (听闻夜晚好爆场架 )油渣面分左两个SIZE, 有大, 有细, 分别系$23- & $18- 我就食左大碗, 唔算好大~ 食完唔系好够饱~入面有油渣, 冬菜 , 冬菇, 同葱配粗面条~~ (如果你唔想咁肥, 可以叫时讲声"要瘦D", 多冬菇都得, 叫"多菇") 油渣爽口~ 配菜好食 , 粗面条就OK, 整体满意~小总结:::专买油渣面既店, HK净番唔多, 值得大家去支持同试试~ ^^ 油渣面以外, 仲有鸡翼, 芝士肠, 同油菜可以叫黎食~
继续阅读
做油渣面出名既英记~ 我唔会觉得系油渣面好食!!只可以讲句,唔系太肚饿就可以去试下!!同老婆两个人食完...仲要食多餐!!鬼叫我同我老婆喜欢英记既辣椒油咩越黎越贵...而家经过都唔食了,剩系比3X蚊买樽辣椒油返去
继续阅读
十几年前去深水埗扫街必食既猪油渣面竟然出现喺我面前😭二话不说走入去阿姐劈头问大定细！望望菜牌得油菜鸡翼芝士肠，一定系讲油渣面，梗系大啦😄再要多两只鸡翼简单既粗面条葱冬菜同猪油渣！！即时谂起深水埗既味道！加D辣椒油，👍👍👍边有得顶！环境光猛又够干净，肯定再去
继续阅读