影片
开饭介绍
英记主打港式大排档风味小炒，地方大，有多张大枱，是亲朋欢聚、品尝道地小炒之选。
继续阅读
营业时间
今日营业
05:30 - 16:30
星期一至六
05:30 - 16:30
以上资料只供参考，请与餐厅确认详情
招牌菜
食记 (57)
又系经过湾仔揾早餐食嘅时候 今次是另一间都系湾仔骆克道街市嘅茶餐厅 虽然都系同一齐嘅熟食中心 但系呢一间感觉范围比较大啲阔落啲 坐落去睇过餐牌 问过有冇得转入面啲嘢佢话冇 因为想食雪菜肉丝米同埋多士 咁佢 啲餐系固定冇得转我唯有分开嗌 虽然贵少少 总共食咗五十几蚊 不过一个雪菜肉丝米有两只蛋 配冻奶茶 另加一份奶油多 价钱都ok 首先多士嚟到 用厚多士做嘅 面包松软 奶油足料 多士上手仲系热嘅 好食 跟住杯冻奶茶 畀起好饮嘅茶餐厅系争少少 但系整体系合格以上 应该系啲奶冇咁香嘅问题 但系绝对唔会扣分 跟住嚟到煮食雪菜肉丝米同两只熟蛋 份量十足 首先两只熟蛋 蛋新鲜又香 好食 跟住雪菜肉丝米 雪菜新鲜 肉丝有少少肉片嘅感觉 有咬口 都系好食 整体嚟讲 虽然𠮶啲餐冇得转有啲唔够灵活 但全部嘢都好食 系绝对需要再帮衬嘅餐厅 比起𠮶啲连锁大舖 完全系远远超越
继续阅读
其实真系无得输。。。下午茶都咁多人，系满哂既，我谂都唔洗多讲。首先，下午茶$38有饭食，仲要大兜㖞，冻饮加两蚊，都系$40。🏅叫左印尼炒饭，好食，饭粒粒分明系基本啦。有咖喱粉香味，少少辣，好开胃。🙌🏻味道岩岩好！有虾、蛋、叉烧、青椒同红椒！💜仲送例汤饮完唔口渴㖞。错重点，港式就系用呢啲彩色胶餐具，呢只绿加呢只粉红色好靓😂呢啲应该系港式浪漫🌹环境系有冷气既熟食街市，又大又舒服！一定会再食啦！
继续阅读
湾仔区熟食中心好旺，特别系返工时间星期1-5而2/F有好几间餐厅做堂食印象同大埔熟食街市比湾仔系少d餐厅同地方细d今次同男朋友去左2/F试英记因为之前同事介绍过ok其实佢地墙上菜单系超级多选择本来想试炒乌冬但阿姐话个厨今日冇返净系可以拣抬上张餐单🥢🥢男朋友叫左干炒牛河牛肉都几多同大块，冇"叶"到佢过冧或者冇晒味男朋友话点解好似有少少㶶味？🤔我又试下，应该唔系㶶味系真系有锅气味🤣🤣🤣🤣 冇事😂😂🥢🥢而我拣左豉椒排骨饭排骨好多件，都大旧肉但排骨我试过冇任何肉味，似系雪藏的同牛肉比，咁牛肉好味好多湾仔熟食比较多中年男士去食饭今日见唔到游客呢到地方比较细，嘈少少如果未试过，可以嚟试一次但要留意，星期六大部分铺都唔开
继续阅读
今日凑完小朋友返学， 特登去湾仔市政大厦英记食早餐， 呢度嘅早餐好抵食， 40蚊左右已经搞掂晒， 唔算太多人， 可以清清静静咁食😊叫咗最钟意食嘅猪扒出前一丁， 出前一丁软硬度刚刚好， 猪扒正常发挥🤭另外跟餐食蘑菇炒蛋， 因为唔想食太多加工食物， 感觉蘑菇健康， 整出嚟感觉几好味😋😋另外将普通多士转咗做奶酱多， 酱料几多几好味， 多士都几脆口， 只系加两蚊转好抵😊😊最后热鸳鸯少奶完成， 觉得呢个早餐都几抵， 下次都会去再食， 多谢收看
继续阅读
几日前去呢度食左午餐叫咗滑蛋牛肉饭，味道唔错，分量都几多，仲有一碗例汤送，碟饭加例汤加冻饮都系42文，可惜白饭唔知系唔系因为午市比较忙所以一早装定系碟度都几冻下，跟住过几日再去试下午茶，叫咗菜远牛河加冻柠茶，牛河到咗卖相都几好，咁嘅价钱分量都算多，食落味道唔错河粉都好新鲜，可惜牛肉好难食，有部分好似硬胶噉样，根本咬都咬唔到，上次食个滑蛋牛肉饭都觉得啲牛肉比较一般，但系都冇今次咁离谱，最后其它都食晒牛肉就剩返四片冇食
继续阅读