芳姐糖水小食

营业中

休息中

芳姐糖水小食的麥米粥盡得我爸真傳，鍾意食喳喳，沒有之下選了麥米粥，美味。其實都鍾意紅豆沙，綠豆沙，芝麻糊。。。(下刪五百字)不過麥米粥很少地方吃到, 所以是值得點的。剛好那天在對面街吃完四川菜, 很辣, 來一碗糖水解辣正好。麥米粥挺足料的, 渣多水少, 不會稀稀的, 不錯。而且那些豆類都煮得很軟綿, 夠火候﹑夠身, 不會有怪味或臭味, 吃起來是甜甜的, 相當滋味, 會讓人不停想再食, 喜歡它不會過甜, 算是健康又好喝的糖水。

有晚喺太子食唔飽😛 誤打誤撞之後去咗一間由一對公公婆婆經營嘅甜品舖👉🏼 芳姐糖水小食👵🏼 鋪內嘅環境、牆上藍色原子筆手寫嘅Menu(仲要寫埋功效)、更加突出呢間小店嘅歷史～ 牆上面除咗有menu，仲會見到粢飯嘅包裝紙，咁大方誠實咁樣讓食客知道係攞貨返嚟嘅，實在罕見，欣賞💕➿ 薑水蕃薯 + 湯圓 ➿ 白果腐竹雞蛋糖水 回應自己個標題🤪 我係未食過唔係黑色嘅芝麻湯圓㗎～ 呢度嘅湯圓一睇就知道自家製，湯圓皮嘅厚薄唔係好平均，但勝在紅糖白芝麻餡嘅甜度恰到好處，唔記得咗$3定$4一粒，推介大家可以試吓～ 薑水都夠辣，冬天飲一流🫚 腐竹雞蛋糖水都值得試吓，厚身到不得了，證明好真材實料☺️呢類型嘅小店真係買少見少，Openrice最近期嘅食評已經係2022年，真係唔經過都好難發現到佢嘅存在～ 希望介紹到多啲呢啲好地道，值得用行動嚟支持嘅小店俾大家啦❤️🦥

🧊糖水小店自家製湯丸🧊-太子區食糖水既舖頭唔算多，芳姐糖水入面雖然選擇唔多，但主打港式野例如紅豆沙、綠豆沙、麥米粥、白果腐竹雞蛋糖水等等，偏家庭式小店。糖水價錢超抵，由$21-30不等。蕃薯糖水($21)，薑汁夠濃，蕃薯比得超足，舊舊都煲到好軟綿，唔需要任何花巧野已經好好食，喱個價錢黎講絕對收貨！值得一試既係佢既湯丸($3/粒)，一上枱見佢好大粒，以為係煲完浸太耐發漲左😂，點知食落去別有洞天！居然係紅糖白芝麻餡，香甜得黎好有芝麻香，好特別！湯丸係芳姐自己包既，如果黎既話記得要試試佢🫶。

這是一間由三個八十年代樂嘟牌電飯煲已經撐起一間港式糖水舖的故事.現在一個普通的廚房, 少不了識唱歌的電飯煲, 慳時間的氣壓煲, 疫情思物的氣炸鍋, 怕熱氣的蒸氣爐和鎮山之寶微波爐.在芳姐的巧手下, 煮出家的味道只是靠實而不華的舊式大電飯煲. 一間小小的糖水舖,已經有綠豆沙,紅豆沙,豆腐花和番薯糖水. 湯圓是自己整的. 所有糖水,滋潤而不膩. 真材實料. 喺度要加個港女tone,“啲糖水唔係太甜囉. 紅豆沙有紅豆沙味,而綠豆沙有綠豆沙味囉...”紅豆沙為例, 匙羹輕輕在碗內一抖, 蓮子、百合等已經浮上面, 十分足料. 綠豆沙入邊滲著輕輕的臭（香）草味. 番薯是用薑汁糖水煲出來的. 大大碗,男女老幼, 在狹窄的舖頭內,都會發出燙口的雪雪聲. 搓搓肚皮.十分滿足. 老闆老闆娘親力親為,和藹可親. 在一間毫不起眼,裝修簡陋的港式糖水舖內,我十分慶幸和感恩找到家的味道.十卜.

呠仔前排比人逼遷，最近忙住過年前搞搬屋，結果搬得屋黎又買唔切傢俬⋯不過唔緊要啦，有驚無險有瓦遮頭，新春大吉٩(˃̶͈̀௰˂̶͈́)و不過今次真係唔知講咩好，今日經過呢間鋪頭見到裝修都有啲歷史，心諗一定係咩隱世傳統小店啦，結果⋯⋯_(´ཀ`」 ∠)_嘔_哂血⋯我真係無諗過結果會是這樣啊⋯淡如水⋯稀亦如水⋯點解可以稀成咁⋯等同我係超市買果啲即沖爛鬼芝麻糊一樣⋯真心。我希望我今次係一個意外，亦希望大家唔會遇上⋯反正我就真係唔敢再試呢間野了⋯(´･_･`)

<舊式糖水鋪一定要支持>舊區既糖水鋪 細細間 向牆食野既格局 得一個老人家煮各式糖水 呢 d鋪買少見少 同埋味道一定唔會差 👍🏻一定要支持下🍴薑汁蕃薯糖水 20 蚊勁抵食 大大件蕃薯 個色澤好靚 個蕃薯肉煲得好淋好香甜 . 薑汁未去到好勁 但都算入味 整體好潤 好正😆🍴腐竹白果糖水 27 蚊🍡薏米 白果落足料 好有咬口 腐竹溶哂喺糖水入面 好有口感 加埋蛋 吸哂糖水 好正👏🏻🍴燒賣12 蚊🔥呢款有魚肉燒賣黎 算大粒 比較煙靭 味道正常 撈 d甜豉油同辣油都 ok 12 蚊8 粒都算抵食#腐竹白果 #烚蛋 #蕃薯糖水 #燒賣Score 平均分< 7.1/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#芳姐糖水小食 太子基隆街37 至47 號 嘉利大廈地鋪

一班好友意猶未盡在附近找飯後甜品，比我發現了這間芳姐糖水小食賣的是老派糖水正合我這位老鬼！ 我選了凍銀果腐竹雞蛋糖水＄28，溶化了的腐竹糖水甜度恰好凍了也沒雪味，吃下超爽很清新。 車爸爸貪心既愛紅豆沙又愛麻糊！一於來個粒雙拼＄26再加兩粒湯圓＄2/粒，雙拼糖水紅豆沙味較為出色，而湯圓內則是黃糖餡但吃到豬油香氣所以質感很滑溜。 還有勁香的蕃薯糖水冬天必要去嘆番碗先！ 臨走前來多張大合照留個紀念下次有機會再聚啦！

天氣轉涼，一天黑就涼浸浸，梗係要啪番碗暖胃糖水保暖又補身芳姐糖水位置隔涉，店仔細細，兩位老人家打理，晏晝先做準備功夫，夜晚先營業，佢地嘅蕃薯糖水令我印象深刻，今晚特登走過去食番碗冇去一段時間，價錢調高唔少，尤其是芝麻糊，凍食$27貴過好多知名糖水舖蕃薯糖水相對上性價比高，蕃薯用上呢排當造嘅雞蛋黃蕃薯，依舊煲得恰到好處，入口即化，薑湯都係好正，濃厚片糖香搭配辣勁足嘅薑味，好快就被我食哂成碗，飲完成身暖哂

帶貓睇醫生時經過見到有糖水鋪，就買左兩碗反去當宵夜食，揀左腐竹薏米白果雞蛋糖水同埋麥米粥，二十幾蚊一碗，用大碗裝，都幾抵食~一開上黎，就咁睇都覺得唔錯，因為佢既腐竹係同糖水完全融合，平時食到多數都係糖水同腐竹煮唔埋咁既，所以呢個好驚喜，食落仲非常滑潤濃郁，薏米白果份量亦好足~雞蛋大隻~另一碗麥米粥，麥米煮得夠腍身，帶點q的口感，花生脆身，仲加左粟米提味增添香甜~兩碗都非常足料又好味，下次會再試其他~

偶爾在太子想食碗傳統糖水，搜尋OpenRice 找到這間小店便決心一試。由於天雨及位置偏僻，花了好一陣才找到。店主十分熱情請我坐下。看看餐牌上只有幾款傳統糖水及小食。叫了一碗紅綠豆兩溝。糖水端上來時冒著煙，正合我意。最怕溫度溫溫吞吞，不是味兒。質感小小稀稀的，不會像漿糊一樣。但豆粒粒又大又軟，用料絕不欺場。也有點蓮子及百合，囗感豐富。而且不會過甜，最值得欣賞。美中不足，欠一點點香草味，否則就非常完美。這碗佳品，才索價17大元。繼續支持本地傳統小店

在太子附近食完晚飯， 發現原來附近有間好傳統嘅糖水小店， 鋪仔細細，唔太起眼。  舖仔一眼睇曬，裏面有兩張枱，外面可以坐兩三個人，越夜越多人。 糖水選擇亦都唔係好，多全部都係傳統嘅糖水， 價格都好平易近人，老闆都好好人。我哋點咗個薑汁湯圓同熱芝麻糊， 湯圓未攞出嚟， 喺外面已經聞到啲薑汁嘅香味。個湯圓好軟熟， 係少有嘅麻蓉湯圓，薑汁好正，食完成個人暖晒。芝麻糊亦好香濃，最緊要唔甜。

第一次發現這間糖水舖係年三十晚, 行完年宵, 走左去興記食雲吞麵, 因為新年, 感覺想團團圓圓, 老公和我就去左隔離舖食糖水, 之前都知有哩間糖水舖既存在, 但一路都冇試, 佢係一間好舊式, 只買中式糖水既舖頭, 由一對已上年紀既夫婦經營, 只賣九款中式糖水+幾款小食, 糖水售價十分十分合理(平)!當晚門口已擺放左四五張枱, 舖內舖外都坐滿人! 第一次我就叫左湯丸, 老公叫左銀果腐竹雞蛋, 第一次我地冇影到相, 因為只顧住吃, 碗銀果腐竹雞蛋啲腐竹係煲到爛晒, 第一關腐竹糖水已過關, 帶有淡淡既腐竹味, 不過我本人覺得稍甜左小許!到前幾日, 我又好想食湯丸, 今次終於記得影相啦! 我都係對佢既湯丸難忘, 所以一坐底唔使考慮已叫湯丸! 講返我第一次對佢既碗湯丸既感覺: 一碗湯丸有六粒, 中型SIZE, 一睇就見到有薑水既顏色, 一聞就聞到淡淡既薑味, 試一啖...嘩左出黎, 從來冇係街試過有咁正既薑湯水, 帶有薑味, 不太辣又不太甜, 飲完一碗後成身暖笠笠再咬一淡湯丸, 係芝麻餡, 初時覺得好奇怪, 點解明明係芝麻餡但係唔係黑色呢, 係帶有小小啡黑色, 再咬下咬下, 覺得有啲粒粒咬口,