花開家傳

营业中

休息中

店員親切友善但又唔過份多口，問多幾句，佢地都會用心回答，好啱我要求😆店舖主打家庭菜，小炒菜式 開業40多年，用心製作呢👍🏻我地兩個人，叫左個二人餐，有飯有菜有湯，都只係170幾，抵食！！

今晚行街經過，入去晚飯3位，叫了一個2人及1人餐因沒有三人餐，三個餸兩碟菜三菜飯加三個湯，食物新鮮好味，只是小店坐位比較狹窄，又只得一位姐姐落單上菜收錢，其間我們叫的一款小菜上錯檯，我們等候久了追單先知去錯檯，還問我們會否要他人的涼瓜炒蛋，我就不要了， 她說要等多一陣，我說堅持等原本我叫。其實小店一間檯數都是六至七檯，真是好考功夫。

如果有邊個話間野無味精，咁應該係個個人既味覺有d 問題。但坦白講佢落味精係落得幾克制。古語有云，想要甜必先落鹽。雖然我成日都講邊間邊間野有味精，但係出到街食野，完全無味精既話其實你都唔會覺得好食。自己落料打既肉餅，大size juicy既雞翼，克制既調味料運用，呢d地方佢無偷到雞。加10蚊有菜飯野飲，呢個價錢，呢個地點，即叫即蒸既出餐時間，佢算好有良心。如果唔係有d位落鹽落重手左，評分可以再好多少少。

抱住一試嘅心態入去，估唔到有意外驚喜🤩▶️環境坐得舒服和坐得耐，讓客人慢慢地就享受食物。雖然午飯時間都有人流，但係未至於要催你食快啲趕你走。▶️食物✔️肉碎蒸水蛋：蛋夠滑，肉碎嘅份量好大方。✔️菜飯：裝得滿滿的，絕不欺場🍚✔️明火靚湯：雖然只係一小碗，但係好足料，唔覺有味精，飲完唔會口渴。一個套餐，唔使加額外小食已經夠飽了✌🏻價錢不能說係親民價，但係睇得出各款食物係用心做，絕對值得支持👍🏻

大家都想食家常餸，所以朋友帶我哋嚟呢度食，我都忘記咗嗰日本身想食其中一款餸⋯可惜佢嗰日好似冇呀！最後我哋點咗糖醋排骨、西蘭花，炒肉片、家傳蒸肉餅（忘記咗影相），之前仲有湯飲！餐廳環境有啲似麵店細細間，食物味道好家常feel ！

由於本身好鍾意食水餃、雲吞，所以一直好想試下屋企附近那間註明‘’傳承四十年，經典鳳城水餃‘’的花開家傳🥰。今日一個人的晚餐，咁就買個外賣返屋企試下啦🤭。鳳城水餃麵 $42不愧為招牌菜式，水餃果然名不虛傳🤗，水餃大大隻而且仲有4️⃣隻之多，全部皮薄餡料多😍；鮮蝦🦐彈牙，而且豬肉🐖新鮮，竹筍、木耳等份量亦剛剛好，整體水平係高質嘅，好好食😋；另外嗰麵無咩鹼水味而且麵條口感非常煙韌🥰，同樣出色😍。總括而言，水餃非常出色，本來真係好想試下佢地嘅雲吞，但...我相信我唔會再幫襯😒，原因係佢地嘅服務，第一，全間店舖只有1️⃣個店員，負責帶位，落單，執枱和收銀，小店面積唔算大，但當日已經爆滿，1️⃣個人當然應付不下；第二，我這碗水餃外賣足足等了2️⃣0️⃣分鐘，如果我唔係要求那唯一的店員入去問廚房，我唔知仲要等幾耐.....出色嘅食物水準，可惜給服務拖垮了。

Great traditional and presentable Cantonese home cooking. Good price for such quality food. One of the few restaurants in the neighbourhood providing healthy takeout options.Staff management needs a lot of work to improve though. First of all, their staff often got the food ordered wrong. Secondly, space is tight there and the staff needs to ensure working safety. One waitress bumped into me today and spilled hot tea on the customers sitting at the next table. Then she apologised to the customer

店面不大,但乾淨企理,都坐得舒服。店員態度親切,加分!食物方面:小菜套餐包飲品或老火湯,老火湯夠足料,讚👍蒸魚唔腥,好味飯可選白飯或菜飯;菜飯清新唔油膩之前試過西檸雞,即炸夠入味😋總括來說,小菜充滿家的感覺,是間值得支持的小店。👍👍

呢間餐廳已經食過3次或以上，每次都係2人餐外賣自取二人餐可以任揀兩款小菜，套餐包油菜、湯/飲品，而飯仲可以揀菜飯/白飯，可以食得健康啲二人餐總價錢$158，相當優惠我地就叫左蔥爆魚腩，菠蘿咕嚕肉，炒芥蘭整體三碟都唔錯，味道夠，有鑊氣，賣相算唔錯，份量都多，肉唔會少過配料，睇張相都知道比起茶餐廳一個小菜嘅份量更加足料，絕對對得住價錢而例湯一啲都唔求其，係足料老火湯，菜乾紅蘿蔔豬骨湯之前仲叫過栗子炆雞，亦都係做得非常入味，呢間小店真係值得一食再食！雖然未試過坐低食，但每次經過都覺得佢門面設計幾特別，而餐廳入面都乾淨企理，係小菜館既感覺之前見佢停業左一排，希望多啲街坊幫襯，小店係疫情先可以繼續支持落去！加油！

一直都好鍾意搵啲小店係食家常小菜，喺大角嘴做完嘢咁啱經過呢間貌似新開嘅餐廳，見個menu入面好多都係我鍾意食嘅嘢，決定試一試！餐廳裝修簡潔，麻雀雖小但都算坐得舒服，落單阿姐態度亦好好。Menu主要有兩頁，主要都係啲即叫即做嘅家常小炒，心大心細一輪後決定叫三款野食：* 一人套餐($88) - 涼瓜開洋蛋套餐包主菜+湯+菜飯+菜心，價錢我就覺得非常合理，味道亦相當唔錯！例湯一啲味精都冇，好足料，亦唔會出現唔夠熱嘅情況；涼瓜開洋蛋嘅蛋香好正，個蛋煮到有輕微老身再配肉碎同涼瓜成件事個口感送飯一流👍🏻 個菜心份量亦唔細，基本上一個人食真係夠晒飽😬* 鮮蝦雲吞 ($34)樓面姐姐推介餐廳嘅雲吞同水餃，我自己本身都好鍾意食不過覺得市面上冇乜邊間真係好食 (麥X記一向垃圾，X仔記亦都退步哂)，決定試吓碗淨雲吞，又真係幾得喎！冇味精+蝦夠爽+皮夠滑👍🏻 所以即刻order三打生雲吞拎走比屋企人試吓😌* 南乳香酥雞球 ($38)南乳味適中，唔會太濃，炸粉亦唔會太多，雞件夠滑，睇得出廚師控制個火候技巧唔錯，食完亦唔會覺得超級頸渴！言談間先知道呢間餐廳原來已經開咗好多年，最近重新裝修，家庭式經營，喺現今香港

叫左個2人餐，肉餅正常，但個薑蔥爆雞上枱已唔算熱，食落d雞仲係生的，唔止一舊 起碼半碟係唔熟，同職員講 佢話：哦 會同廚房反映無換過碟俾我地既打算，亦沒有一句唔好意思希望今晚唔會肚痛。

外賣嗰陣湯同面分開，張相係食前影，所以唔好誤會。雲吞真喺多餡，個湯都足料，飲得出係真材實料同夠味，但個芥蘭未夠冧，差少少，同埋份量少咗啲，要加$20先有個湯加菜，所以整體嚟講最推薦雲吞。

以前喺大角咀住嘅時候都有食過呢間粉面，已經覺得師傅好有心機整嘅雲吞牛腩都好出色，搬走咗之後都冇乜來過，因為近來要喺大角咀返工見到佢新裝修所以入去試吓，師傅仍然係嗰個，試咗lunch同同事嚟食，好好個個都讚，所以今晚來試晚餐。地方環境好清潔好靚，甚至乎醬汁擺設好細緻，成個格局唔同晒坐得好舒服，食物多咗好多款，一定要食炸魷魚鬚，不過唔記得咗影相，但係超好食因為好味所以覺得好抵，員工好有禮貌，冇諗過大角咀阿姐都識用iPad落單，上菜快

唔知個收銀落單阿姨係咪老細個老婆定點 shap shap憨憨咁樣 係出面掛住拉客 真係入去食 等安排位既又唔理 自己入左去簡個位坐 坐完又叫我企起身 咁你一開始唔安排？落個單落十分鐘 人地六個人問有咩套餐推薦 推薦個四人餐 距地o曬嘴 問：「咁剩低個兩個呢？」個阿姨自己都唔識答 真係大佬啊講野之前用下個腦 做野之前都用下腦 安排得好D 爽手D 醒少少 唔使比人* 望改善：）

二人套餐$158，包括揀2個餸，1碟菜，2碗飯(可選菜飯)，2杯飲品或湯白飯魚煎蛋，蛋夠香，煎了脆邊，白飯魚足料。調味剛剛好亦十分均勻。一隻圓碟盛了2塊碟子一樣大小的厚蛋餅，份量好多。😋 美味encore之選！蜜桃沙拉豬扒，豬扒好淋，炸漿薄薄的，食完絕對不會有罪疚感。而且由於豬扒淋，所以不會黏牙。唯一就是沙律醬太多，我會刻意撥走部分醬，但這純粹是我怕肥🤣 最緊要，不要錯過它們的湯！！！就算天氣酷熱，也要一嚐這碗熱湯。真係非常足料，無味精，好好味。我那日喝的是蓮藕紅蘿煲雞腳，我湯渣都食埋。