影片
相关文章
呢度啲嘢几多食！我哋2个人叫咗几样嘢，大部分自己煮，几好玩，个waitress会主动过黎帮手，几helpful! 👍🏻 想食好啲，叫咗A5和牛，入口即溶，good!又叫埋美国Angus牛肉薄烧，入面有蒜片同葱，好香，食完仲想再食！😝呢个炒面奄列好似有啲难度，所以叫佢哋煮，啲面俾蛋包住咗，跟住蛋上面加咗啲酱汁好野味，又加埋Mayonnaise，正！卖相唔错，啲面好入味！整体: 几好食，服务唔错，可以自己煮几特别！😊
继续阅读
食物九成喺雪柜拎出嚟，无味道，唯一好啲系交嚟嘅食物如肠仔…炸鸡翼也零味道果度好嘢!所有嘢都等好耐…不换碟不加茶，叫炒饭都要等成半个钟，等咁耐仲唔比人cancel。食物，服务都劣等，请都唔会再嚟
继续阅读
之前朋友大力推介呢间DIY铁板烧同大阪烧餐厅，佢话又好食又好玩，服务又体贴. 今次我的几个朋友聚会，咁就试吓呢间系唔系真系咁正先！订咗枱，所以唔使等！环境几寛敞，感觉都几舒服. 👍🏻不过我朋友个位系风口位，啲冷气吹住好冻! 喺佢想出声之前，个经理原来已经察觉到仲主动出声话会较细啲个冷气，值得一赞！佢哋新出咗个好抵食嘅优惠，6折价钱就可以食到2人份量嘅海鲜盛合，而家只系$298，又有鲍鱼，又有北海道帆立贝大大只，大海虎虾等等，梗系叫咗啦！样样都好新鲜，啲待应又好有耐性咁每样嘢教我哋点煮，仲喺适当时候出手协助我哋煮添，嘢食好好味! 😋 (重点系我自己亲手煮都咁好味，啲Friend又大赞我，真系有啲飘飘然添! 😝) DIY都几过瘾，可以一尝大厨嘅感觉！仲可以半价追加大阪烧同梳乎厘班戟，悭抵食！叫咗个”花见幸福御好烧”，我个朋友煮，无难度，好容易就煮得好靓同好味道！😋😋😋仲叫咗啲小食，推介花见清酒鸡翼(好入味）、味淋鱼干(用黎送啤酒🍻一流）、Wasabi鸡翼! 我哋唔小心跌咗一只鸡翼落地下，职员见到，佢居然话补番俾我哋，最后仲补够两只鸡翼添！😍最后仲玩埋梳乎厘Pancake添，第一次自己做梳乎厘都成功！劲满足！食后感: 我朋友果然无介绍错，呢间餐厅真系几好，概念、食物质素同Service都GOOD，我哋过咗好愉快嘅一晚，我都会推荐俾其他人！
继续阅读
难得周未约齐一班好姊妹出来聚会一定要去试新嘢，分别搜寻尖沙咀几间餐厅，其中睇到厚福街 H8有间自制铁板烧，最正系餐厅名叫 “花见．幸福" ，哗！真系听名都想去潮圣一下～我地提早Book位，6:30pm来到说安排了入座，入到去感觉不错好舒服 ，每个座位上都有一个铁板烧，侍应又有礼貌会问我地想自己烧，还是想师傅烧？我地就一定选择自己煮一行4人叫2 sets 2人海鲜盛合、豚肉御好烧、海鲜炒面、梳梳乎厘、叫4杯饮品(梳打、汽水）首先第一样来到是海鲜盛合，虽然枱上有食谱、计时器、调味料教你煮方法，但侍应都很细心会讲解每个步骤一次想起我上次去门口有一个大公仔的某日本铁板烧餐侍应没有礼貌，只是叫你自己睇食谱服务态度好差相比好好多，真系值得一赞海鲜盛合～好新鲜御好烧～·烧出来唔算多粉，肉同菜分量刚刚好炒面～预期好味不会太油、加御好烧酱炒好香好好食总括来说不错，下次再想食铁板烧一定会想起 "花见。幸福" 先，地点又方便，座位又舒服、食完离开身上又唔太大油烟味、朋友聚会又得玩又得食值得一试
继续阅读
呀女生日，谂住同佢食个新奇、好玩嘅饭，点知好唔开心!首先去到安排坐位而经差!我地5个大人，佢居然俾张四人枱第五人要坐走廊位，而当晚系星期二得3枱客，有好多位置可以安排，点解要我地咁样坐呢？要我地作出投诉侍应生至俾个较宽敞位置!☹到自己动手整食物时，因第一次黎呢种餐厅，唔知道御好烧嘅制作方法，侍应生居然无俾酱汁和木鱼我地令到第一个御好烧无喱味道😫做第二个时另一个侍应生攞黎至知。去到最尾梗要食佢本店讲嘅自己动手做梳乎厘啦！点知😠等得耐唔讲，制作时已经觉得好奇怪，俾个好似厕纸筒嘅长筒纸，栋高佢然后叫呀女放D梳乎厘浆落去铁板烧，问题系筒身高蛋浆小，蛋浆大部份黐住喺张纸度，系铁板嘅好少，搅好耐至推到落铁板(ー_ー)!!都算谂住好食就算啦！点知侍应生话ok啦，可以放生果和其他装饰，然后我地 笔嚟食，简直想吐返出黎，里面仲系水咁样😫根本个蛋浆发唔起好无😠已经食到一肚气，埋单佢仲要收我切饼费!我俾蛋糕侍应生时点解无讲要收费，埋单至黎收钱，如果佢有话我知要收切饼费$50，我一定唔会系𠮶度食蛋糕啦！
继续阅读