花花廚房 (已結業)

去左食晚餐，人流唔多，成晚得3枱客。我地兩個人叫咗煙鴨胸沙律及海鮮意粉，個餐包嘢飲包湯，大大份，好抵食。味道唔錯，值得一試，最後食唔曬要拎住走支持小店，花花廚房加油…查看更多

呢間係荃灣海濱花園既新店叫花花廚房，見佢新開張就試左個午餐，嗌咗進擊之漢堡扒飯，跟餐包一杯飲品，嗌咗凍伯爵奶茶。雖然係午餐時間，係屋苑餐廳黎講人流唔算好多，但都等咗25分鐘先有野食，上菜速度算慢，不過應該係因為新開張既關係，所以都有包容同體諒。碗飯既份量唔算大，但餸有3塊漢堡扒加隻太陽蛋，d飯既口感一般，漢堡扒食落無乜雪藏味，個燒汁都唔算太鹹，拮爛隻太陽蛋之後d蛋汁流出黎，撈埋d飯一齊食都幾好食。杯伯爵奶茶嗌咗少甜但都係偏甜，飲落無乜伯爵茶味，有少少似飲糖水咁。整體黎講，係質素普通既新開小店。📍荃灣怡康街1-7號海濱花園D平台街市1樓1A號舖位置就腳：🍊🍊🍊餐廳環境：🍊🍊🍊食物味道：🍊🍊整體CP值：🍊🍊…查看更多

今日收工夜左 海濱附近冇咩餐廳去左花花廚房食不過去到佢地都準備收野但佢地話黎緊會推個新ga焗飯所以試緊菜 就賣左俾我食😂禁呢個未推出 唔特別講 不過係好食ga另外點左個小食 炸冬甩蝦餅呢個就真係好食 入面好足料 絕對值得一試總括 佢地禮貌幾好 睇得出用心做生意 加油☺️ …查看更多

#19072023呢個舖位之前都係做西餐廳但搬走咗🥲依加開返間新，屋企附近又多個選擇👏🏻👏🏻👏🏻除咗以下既食評都想講下間餐廳，我食既日子都算新開，人手都係偏向慢工出細貨～ 時間上可能要等等，但feel到餐廳員工/老闆都係用心同細心。menu既款式都睇得出想做啲啲特別mix and match。個人覺得唔洗咁harsh可以比多啲機會自己試下新野。兩個人食咗兩個晚餐set $110 都算抵食😋飲品全部都少甜，好岩飲👍🏻👍🏻👍🏻 要甜既可以自己另外落糖漿主食-鹹蛋黃卡邦尼：真係好濃鹹蛋黃味，但唔知點解又唔太鹹/唔算好惹味，正正常常-脆皮燒豬法包：個包好脆，配料同醬料充足唔會太乾，個燒豬真係食到脆卜卜既豬皮，係個豬肉硬左啲，不過正體好食😋另外新開其間follow FB/IG 送杯椰汁西米露甜品，都係唔會太甜！啲料都好多，如果要比錢嗌都值得🤣🤣🤣…查看更多

作為海濱居民，開左新餐廳梗係要試下星期六下午茶時間黎，唔洗等位，地地亦算闊落，坐得舒服同老公一人叫左一個意粉同兩杯飲品南瓜奶油扁意粉-意粉份量多，但雞肉少，味道方面偏清淡，只有小小cream味同埋小小南瓜既甜味，而且醬汁唔夠多，所以意粉食落偏乾。好在餐廳有芝士粉可以加，加左之後鹹淡適中返，至於雞扒雖然煎得唔係好香，但味道正常算合格辣炒蒜香煙燻雞胸意粉-呢個第一啖食落口除咗辣之外冇其他味，好失望😮‍💨好想叫侍應拎啲鹽加落去，同樣地個鴨胸係好味嘅最好味既係杯鴨屎香檸檬茶😅係比較特別嘅檸檬綠茶，有種特別嘅香味…查看更多

今日中午嚟到呢間新轉手嘅花花廚房，咁就入去試一試佢嘅午餐先。去到門口餐廳還未坐滿人，好快我便坐低看看餐牌我點了溏心蛋脆雞扒蘑菇飯，凍檸樂。雖然人流不多但我仍等了20分鐘左右先把餸菜傳道上枱，你都看看賣相很一般，而且看看份量也只得一半看似很少，不過唔緊要如果好食嘅份量少也可以，先試一試溏心蛋，糖心蛋蛋黃看來煮得過熟，而外層的味道比較偏淡，再試試雞扒，雞扒皮很脆但可惜皮和肉是分開上肉質不算嫩滑可惜，至於蘑菇味道就不過不失，米飯沒有用上珍珠米就比較可惜，而且今次價錢為68蚊，最後我還沒有吃曬這個份量非常之少啲飯。至於凍檸樂算是最好的飲品。…查看更多