花花廚房 (已結業)

去左食晚餐，人流唔多，成晚得3枱客。我地两个人叫咗烟鸭胸沙律及海鲜意粉，个餐包嘢饮包汤，大大份，好抵食。味道唔错，值得一试，最后食唔晒要拎住走支持小店，花花厨房加油…查看更多

呢间系荃湾海滨花园既新店叫花花厨房，见佢新开张就试左个午餐，嗌咗进击之汉堡扒饭，跟餐包一杯饮品，嗌咗冻伯爵奶茶。虽然系午餐时间，系屋苑餐厅黎讲人流唔算好多，但都等咗25分钟先有野食，上菜速度算慢，不过应该系因为新开张既关系，所以都有包容同体谅。碗饭既份量唔算大，但𩠌有3块汉堡扒加只太阳蛋，d饭既口感一般，汉堡扒食落无乜雪藏味，个烧汁都唔算太咸，拮烂只太阳蛋之后d蛋汁流出黎，捞埋d饭一齐食都几好食。杯伯爵奶茶嗌咗少甜但都系偏甜，饮落无乜伯爵茶味，有少少似饮糖水咁。整体黎讲，系质素普通既新开小店。📍荃湾怡康街1-7号海滨花园D平台街市1楼1A号舖位置就脚：🍊🍊🍊餐厅环境：🍊🍊🍊食物味道：🍊🍊整体CP值：🍊🍊…查看更多

今日收工夜左 海滨附近冇咩餐厅去左花花厨房食不过去到佢地都准备收野但佢地话黎紧会推个新ga焗饭所以试紧菜 就卖左俾我食😂禁呢个未推出 唔特别讲 不过系好食ga另外点左个小食 炸冬甩虾饼呢个就真系好食 入面好足料 绝对值得一试总括 佢地礼貌几好 睇得出用心做生意 加油☺️ …查看更多

#19072023呢个舖位之前都系做西餐厅但搬走咗🥲依加开返间新，屋企附近又多个选择👏🏻👏🏻👏🏻除咗以下既食评都想讲下间餐厅，我食既日子都算新开，人手都系偏向慢工出细货～ 时间上可能要等等，但feel到餐厅员工/老板都系用心同细心。menu既款式都睇得出想做啲啲特别mix and match。个人觉得唔洗咁harsh可以比多啲机会自己试下新野。两个人食咗两个晚餐set $110 都算抵食😋饮品全部都少甜，好岩饮👍🏻👍🏻👍🏻 要甜既可以自己另外落糖浆主食-咸蛋黄卡邦尼：真系好浓咸蛋黄味，但唔知点解又唔太咸/唔算好惹味，正正常常-脆皮烧猪法包：个包好脆，配料同酱料充足唔会太干，个烧猪真系食到脆卜卜既猪皮，系个猪肉硬左啲，不过正体好食😋另外新开其间follow FB/IG 送杯椰汁西米露甜品，都系唔会太甜！啲料都好多，如果要比钱嗌都值得🤣🤣🤣…查看更多

作为海滨居民，开左新餐厅梗系要试下星期六下午茶时间黎，唔洗等位，地地亦算阔落，坐得舒服同老公一人叫左一个意粉同两杯饮品南瓜奶油扁意粉-意粉份量多，但鸡肉少，味道方面偏清淡，只有小小cream味同埋小小南瓜既甜味，而且酱汁唔够多，所以意粉食落偏干。好在餐厅有芝士粉可以加，加左之后咸淡适中返，至于鸡扒虽然煎得唔系好香，但味道正常算合格辣炒蒜香烟熏鸡胸意粉-呢个第一啖食落口除咗辣之外冇其他味，好失望😮‍💨好想叫侍应拎啲盐加落去，同样地个鸭胸系好味嘅最好味既系杯鸭屎香柠檬茶😅系比较特别嘅柠檬绿茶，有种特别嘅香味…查看更多