22
14
3
以上资料只供参考，请与餐厅确认详情
食家推介
夏天真係一日一杯凍飲無難度，然後就係肥廿磅都不是夢……………………明知唔係d咩健康野,亦知糖份相當高，但經過見到又硬係會心思思忍唔住………………！！！呢次見到間門面都幾靚既新店，見到一杯叫 火龍波覇 好似幾特别咁啵~~~~~~~佢仲要寫住係限定啵！！！！咁就擺到明要我買佢黎drink drink and try try 啦！！！！！（女性貪吃時 總會有千個萬個的借口）-不過呢杯無我想像中咁特別……原來只係一般既黑糖珍奶，但個奶蓋面就加左糖再燒焦過，多左層薄薄既焦糖面...但個焦糖面真係好薄好薄，而且黑糖珍珠太腍同落得太多，而冰塊太少，所以搞匀後飲都好甜同唔夠凍，都真係有少少失望
继续阅读
星期六下午時段全店只有一位年輕員工，點了一杯$33芒果沙冰，見到有很多外賣單，其實位年輕員工都算快手，等了約十五分鐘先整好沙冰，望黎望去，飲品跟店前擺放的易搵架圖片差好遠，沙冰上的芒果肉無曬，問翻員工原因，竟然答我：「店舖無曬芒果」，之後繼續默默整外賣飲品，諗住等佢忙埋先，等左幾分鐘都仲未停手，於是我們便提出可否退款，員工不懂反應只是笑了一下，便轉身去雪櫃度拿出左一個膠盒，好盡力咁倒出一些芒果粒，但真係得三四小粒，為免為難為員工，便離開了。芒果沙冰並不是由真芒果肉打，而家芒果味的用料，飲落是芒果布丁味（？！）但卻賣$33，真是值這個價錢？完全令人費解！發現問題有以下三：1）星期六只有一名員工，人手是否足夠2）若員工發現店內製作材料不足，是否應跟客人先提出，並不是「搏大冒」，我並不是怪責員工，反而認為是公司管理問題3）可加強提供員工培訓，即使是基本反應總結，不會再光顧。
继续阅读
黑糖波霸奶蓋！路過一試奶蓋好creamy!! 用左4.3牛乳，奶味好濃，黑糖珍珠好入味，糖糖都有黑糖味，珍珠煙煙韌韌好有咬口，配埋黑糖味道好夾！成杯唔會太甜，一個人都好快飲哂成杯！
继续阅读
首先我真系唔知佢地既奶蓋系用咩野整出黎 1.冇奶味得甜味 完全完全唔香2. 完全完全冇任何一粒草莓系裡面 成杯系化學味精 22蚊真的極度垃圾!!!!!!!!!!!!我朋友仲慘 叫左28蚊既草莓牛奶奶仲淡過水完全冇味又冇甜味 裡面又冇果肉 真系化學味精+奶水 杯上面有粒士多啤梨????有病呢間野 粒士多啤梨熟晒又好似冇洗咁 伏到一等一
继续阅读
吃過晚飯後與友人點了一杯黑糖波霸奶蓋分享。奶蓋夠creamy且味道濃厚，黑糖波霸夠Q彈軟身，有口感，微熱的黑糖漿撞上凍勁十足的鮮奶，喝起來挺順口的。可是固定甜度的台式飲品對我來說還是有點甜，因為有奶蓋的緣故，多喝會有點膩，兩人分享一杯就剛好。
继续阅读