花甲年華

营业中

休息中

今次來訪位於銅鑼灣嘅花甲年華，品嚐了幾道令人垂涎的佳餚，每一道都展現了獨特的風味與口感👍 卜卜蜆魚湯鍋米線魚湯湯底清甜👍 蜆的鮮味與魚的香氣交織，讓人一口接一口😋 米線吸收了湯汁的精華，滑順的質感使整碗湯鍋更添風味🥰 胡椒蠔仔魚湯泡飯泡飯的湯底相當濃郁😋 胡椒的香氣與蠔仔的鮮味完美結合❤️ 米飯吸收了湯汁，粒粒分明且飽滿，讓人感受到滿滿的幸福感😍 酥炸黑松露薯仔粒外脆內軟的薯仔粒，搭配黑松露的獨特香氣，讓每一口都充滿驚喜🤗 黑松露的風味不會過於強烈，而是巧妙地提升了薯仔的味道，讓人欲罷不能😘 紅糖糍粑糍粑外層香脆可口，內餡甜而不膩，紅糖的香氣更是引人入勝🤭 食落每一口都能感受到糍粑的軟糯與紅糖的濃郁，簡直是完美的搭配，令人心情愉悅🤩 紅糖冰粉冰粉清爽滑溜，特別適合夏天享用👍 紅糖的甜香與冰粉的滑爽交織，讓人感到清涼無比🤩 這道甜品解渴又涼快，夏日必選😚 這次的美食體驗令人難忘，每一道菜都展現了廚師的用心與創意。無論是湯鍋還是甜品，每一口都讓我們感受到食物的魅力。期待下次再次光顧，品嚐更多美味！

收工銅鑼灣醫肚肚，想食得快靚正，吾洗一定去餐廳，希慎廣場11 樓food court 就有好多好野食，行完廣場來食野都係一個方便選擇🤭對花甲粉情有獨鍾既我，今次就嘗試花甲年華專門店，食下我最鍾意食既花甲粉😋呢度既花甲粉真系好的選擇，同同事一人一碗，點左：酸菜魚花甲鍋米線🍜 $80 鮮蠔仔🦪花甲粉 $79熱辣辣的花甲粉鍋，打開錫紙發現花甲全部肥嘟嘟，湯底也夠香濃，酸菜魚偏辣🌶️就比較合適鍾意食辣的朋友仔另外小食蒜泥白肉$39 麻辣土豆絲 $29孜然蒜蓉焗茄子🍆 $39全部都好惹味，好有特色的小食🤭最後必食甜品/爆漿紅糖糍粑$39 有4 件，裡面餡真的爆漿阿。飲品都有不同選擇，簡單養生飲下甜豆漿$15和黑甜豆漿$15，正常價錢吾算貴😂

🌟 花甲年華 🌟珍寶肥牛花甲粉🍲少少辣🌶️肥牛大大件,一啲都唔韌,好好食🤤花甲蜆,一鍋都有10隻😳大大隻每隻蜆都有肉的😳絕對冇揸流攤👍🏻👍🏻內裏有我至愛的金菇,正丫😊麻辣鴨血花甲粉🍲少少辣🌶️鴨血大大大件,好滑嫩,好好食🤤花甲蜆鮮美,大大件,每隻都有肉,有十隻蜆😳內裏有金菇,豆卜,將豆卜滲入湯底更加入味😋兩款花甲粉份量都好多好多,內裏配料好足料,粉絲吸收湯底精華更加入味,少少辣都香辣惹味🤤如果小辣會更加正😋😋最令我估唔到竟然係煲仔飯嘅瓦煲包住錫紙裝著成碗粉都係熱辣辣的😁😁#好食到停不了🤤#最愛食肥牛鴨血花甲真係好好食😋孜然蒜蓉焗茄子🍆超級爆爆爆多蒜😳未食都已經聞到好香😋茄子🍆好腍,加上蒜蓉好惹味🤤茄子🍆大大件,仲大過我隻手😳泡椒魚皮絲魚皮絲好煙靭,如果再脆一點會更好😊內裹有青瓜🥒好爽脆冰涼涼的,夏天☀️食好合適紅糖糍粑吃落去😳熱辣辣,好脆口咬一口,入面嘅紅糖醬爆曬出嚟🤤好正丫如果個餡係紅豆蓉🫘就會更好愛🤤食辣野緊係要飲可口可樂🥤好爽好鋸🤤芝麻黑豆漿,唔會好甜,好飲🤤份量真係好多,絕對足夠兩個人食😊價錢又合理😊銅鑼灣來講一啲都唔貴🙂而且員工們態度好好👍🏻好細心地為客人服務👍🏻環境又舒適,等待領

最近去咗希慎food court 嗰日試咗間新開嘅花甲粉😚👅酸菜魚花甲鍋米線 $80呢個都唔錯 酸菜魚份量都幾多😋 魚食落都幾滑冇骨 花甲食落全部都冇沙 好食😆👅水煮肥牛花甲鍋米線 $80呢個食落都幾辣🤣湯底都幾惹味 同埋都有幾多肥牛加花甲😝米線麵質嘅正常👅麻辣土豆絲 $36麻辣味幾出😗👅手拍青瓜 $32青瓜食落都幾爽脆 都係用麻辣做調味😛👅紅糖冰粉 $22呢個冰粉可以解辣😌食落都唔會好甜總括嚟講 呢間花甲粉都唔錯 可以一試🥰😋 好味：8.22/10🤑 價錢：7.76/10😚 衞生：7.47/10🤩 整體：8.15/10

✨烤原條倉魚花甲粉 $87花甲數埋都有十幾隻隻隻都厚肉冇砂 幾鮮甜倉魚炸過外面脆卜卜但魚肉仲好嫩湯底揀左唔辣嘅蕃茄湯配粉絲粉絲索晒湯好入味湯底酸酸甜甜最後連湯都飲埋🤣✨招牌惹味雞煲配白飯 $80雞件幾厚肉唔會全部骨配料都有好多洋蔥、蔥頭，木耳調味辣得好惹味一人雞煲份量岩岩好配飯都好夾！✨酥炸黑松露薯仔粒 $29薯仔炸過外皮酥脆裏面軟綿綿有揀淡淡黑松露香✨蒜泥白肉 $39蒜泥白肉夠多蒜白肉肥瘦相間連埋好多蒜一齊食好滿足愈食愈惹味花甲粉同飯都會送紙包飲品加$8 仲有豆漿幾抵食～👛人均消費 ~$120(冇加一)⏱冇限時

今日走去希慎food court諗住食個快飯，一上到去聞到好香嘅麻辣味就俾佢吸引咗，原來係有間舖賣花甲粉～-今日試咗酸菜魚花甲鍋米線（$80），酸辣味做得幾平衡，魚夠滑冇魚腥味，花甲份量又多同無沙👍🏻不過我就更加鍾意水煮肥牛花甲鍋米線（$80），夠晒麻同辣，好彩包嘢飲，一路食個嘴唇都痹晒，好過癮🤭-另外仲可以用優惠價加小食同甜品，我哋就叫咗手拍青瓜同麻辣土豆絲，土豆絲同青瓜都好爽口～-好彩有叫埋紅糖冰粉，食到成口痹晒整啖冰粉即刻解哂辣😆

冇諗過喺銅鑼灣都可以食到花甲粉，早前喺希慎個food court見到有花甲粉食，二話不說就沖咗去食，首先我覺得味道OK嘅，如果可以辣多少少就更好啦，唔知係咪太好食覺得份量有啲少，如果份量可以多番啲就好。

希慎food court花甲粉～見到廣場好多人食，有個錫紙包住，好奇心驅使之下叫左兩個粉絲食。本身諗住黎個快午餐，居然唔太差？🤔上網有睇到評價，但實測後除左有啲辣同濃味，份量適中，兩個粉湯底唔算好重胡椒味，但有鮮味。珍寶肥牛花甲粉：肥牛大概有3-4大塊，花甲冇沙，全部都有開口。味道鮮甜唔腥。麻辣鴨血花甲粉：麻辣味好惹味，有啲蒜味係湯底。記得要趁熱食，凍左既粉絲會慢慢吸左啲湯。泡椒魚皮：呢個我好鍾意😂屬於後勁辣，忍唔住食完一舊接一舊。有啲過癮焗茄子：茄子面頭爆蒜，鍾意蒜味嘅朋友唔好錯過。我個人偏好可以少啲🤣另外茄子好厚肉地，夠兩個人分追加：爆餡紅糖糍粑同平時糍粑唔同。紅糖作為軟心，啖啖都食到紅糖🤣好食！整體：價格雖然偏昂貴，但係位於銅鑼灣心臟地帶，其他食個飯都60-70走唔甩。味道唔差，份量ok～可以間唔中試下新口味都唔差。

行希慎foodcourt揾食嘅時候，見到依間🍲花甲年華🍲好多人order左🦪烤蠔，又幾烤得靚仔😍睇完個餐牌之後我Order左🍲烤原條倉魚花甲粉 $87石紙包住花甲粉我叫左豬骨湯食落就不覺不失普普通通花甲都有10粒左右重有啲金菇同芽菜同蒜粒但個烤魚就幾出色！😋熱辣辣，倉魚個皮烤到好脆，同埋燒過線應該有啲鹽係個魚生度，所以咸咸地又好香口🤩（脆到條魚有部分骨同旗嘅位置都咬到好似食薯片咁！）而魚肉好滑😋😋出色出色👍🏻👍🏻回想返佢出聲嗰度，碟碟都係烤蠔🤔懷疑烤嘅食物係好過花甲湯🤔下次try埋先！

諗住靜靜地行陣銅鑼灣 搵d唔多人嘅地方靜下所以嚟希慎走轉見11樓有food court 上去試吓啦見到花甲年華成個煲上 幾盞鬼又有lunch set 又可以加小食但係…原來唔可以太多期望肥牛花甲粉絲 我淨係食到好多蒜蓉味肥牛得4小片 花甲得7粒(指甲咁大粒)粉絲爛到一Pat Pat 🙈🥲沙嗲薯仔雞 薯仔多過雞個味可以接受嘅小食嘅豆腐同薯仔絲 係可以嘅但係 我唔係嚟食素架嘛如果一間餐廳 得薯仔、豆腐同白飯係比較食得落口咁我去買兩餸飯都得啦🙈🙈希望可以喺肉類方面 留意番個比例份量定係lunch set就係得咁少？正價就可以多啲？大家都係香港人 將心比心吧

無下次 叫咗鮮甜花甲粉 豬骨湯底花甲得幾隻 仲要超細隻 餸得幾條金菇芽菜之後乜都無 粉絲就好多湯底 一啲豬骨味都冇 以為係清湯自己煮麵都冇咁嬲$65 可以有大把選擇唔使揀呢間。

食得food court都係貪平貪快，都冇乜特別要求🤣🤣咁呢間喺銅鑼灣hysan裏面嘅food court嘅餐廳，我覺得都算有誠意，佢會用錫紙包住啲蜆肉啊或者係金菇等等，再放去火上面燒，然後原煱咁樣上我就幾鍾意食佢嘅鯇魚，又真係無骨喎，每一片都幾滑，我係一個追求儀式感嘅人，喺food court都做到呢個，我會加分俾佢😀😀不過依個food court長期都勁多人，🤯🤯🤯都幾難搵位，都預咗坐得唔耐

行完街唔知食乜好於是上左Hysan 11樓一到左就聞到好香蒜味又見到好多人食緊佢於是一於試吓呢間花甲粉我叫咗花甲粉絲微辣味道幾好 唔咸！花甲鮮甜無沙，如果多少少會更好粉絲份量都幾多 仲跟埋一包飲品 呢個價錢喺呢個地區，算抵啦！

今日行過銅鑼灣咁岩去開希慎到食野9:09pm 去到呢間花甲粉叫野食收銀個阿姐已經夾住啲口音問野自己落野落錯單叫佢幫我換返仲話返我轉頭話我自己話唔要原本個餐換佢話果個我聽到黑人問號之後問佢個花甲粉係咪有茄子送佢發我老脾話頭先你話唔食茄子嘛我即刻火都黎話你無問過我囉之後仲勁大聲話宜家叫師父開爐整佢地臨收檔前問我做錯左果個有無食過唔知佢係咪會買返俾人想有機會食二手野同受阿姐氣既各位可以試下呢間花甲年華唔會有下次

今日下午去買外賣，本身以為至少都有十幾隻花甲，點知最後得8隻，仲要有一隻唔開。啲粉絲又少，普通一個女仔當lunch都完全唔夠食。外賣又要加$3買個保温袋，真係唔會再食！