花田和食屋 (已結業)

早排黎過食, 前晚又再黎食真係幾好食!!!(1)泡菜豬肉石鍋飯: 佢既泡菜唔太夠, 但整體好好食!! 又夠暖 d料都好足! d飯都出奇地好食, 哈哈(上次無咁好食) 如果黎食記得叫呢個!!(2)藍青口:呢個青口係真既, 又唔太貴, 都無咩特別啦, 味道幾好, 幾新鮮既成間店都整整齊齊,又有歌聽下咁.上餐都唔洗等太耐又抵, 又好食, 又足料得閒會再黎但有樣唔好, d員工太hea, 成日無所事事咁

下午一點, 一家五口拜完山, 就去山下既屋村食野, 但行黎行去都冇乜地方坐得舒服, 就只有呢間有位坐下, 休息下有啲飯餐星期日係冇得叫, 都算, 叫左另外一啲好食既我就叫左個壽司拼盤, 可以加汽水唔太好食, 因為一啲都唔鮮甜, 想話加啲芥末, 但啲芥末係太嗆, 嗆到完全食唔出食物既原味, 失敗父母都唔太鍾意食日式, 生野既, 叫左個豬扒飯, 兩人分再食下我啲壽司, 都飽細佬食雞扒拉面, 我試過件雞扒, 啲醬冇乜味大佬都係食壽司拼盤, 都係食唔哂, 太多飯啲職員都唔太醒目, 唔會主動加茶, 都唔會問下要唔要加碗仔, 可以五人分四人餐不過一人四十食到日式野, 都算係咁但同女朋友食, 我一定畀佢鬧死...

一次非常差的體驗。這不是我第一次到這間店吃飯，一直認為這一間是質素偏中下的食肆，用料選材差但份量足，既然是屋邨中的小經營，我對它要求沒有多高。今次真的非常令人不滿！餐牌十年如一日，我同家人如常叫返價格普通的刺身餐。那個胡麻什錦魚生飯，過去吃過知道是少量的角切魚生在飯上面然後再添上勁量的沙津醬，一點都不好吃但仍能接受。今次竟然是極少、接近沒有角切魚生，大概累積起來不及一平匙的份量，而每粒角切魚生體積，不，面積大概只有4或5mm，然後就是胡麻醬浸飯。我知道食材價漲，但魚生份量少到如此地步，實在非常過份！還有那個關東醬油甚麼燒赤三文魚飯，我不預計師傅的技術能把三文魚燒至半生熟，但把三文魚燒至全熟，一邊還燒成深啡色，吃下去還帶苦澀味是何故？初初看我以為是牛肉！每塊更是薄如紙！我一直對它要求不高，但這次令人氣憤的經歷讓我一定要開帳號上來告訴大家！食物價格是便宜，但給了錢請給我應得的東西。完全是貨不對辦，亦不對價。我以後不會再去這間店了！

貨不對辦今晚光顧此食店，一心想試佢地嘅二人套餐，因為睇menu食物賣相好似幾吸引，價錢也相宜，有６樣食物只係$218，但係只有一樣係好食嘅，我發誓以後一定一定一定唔會再幫襯雜錦刺身：蝦5隻：OK 三文魚3塊K 帶子８塊: 我, 同阿媽(一個煮咗幾十年飯嘅專業家庭主婦)都食出全部係素帶子, 賣相完全睇唔出，食落仲有條白色嘅帶子裙邊，其實咬落就知係Ｄ唔知咩鬼植物做嘅！我地無出聲，因為知道呢餐好平，但係一間日式食肆居然諗出Ｄ咁嘅詭計呢呃人，實在枉喺呢個食界生存！我地唔介意要比多Ｄ＄食一餐，個餐嘅價錢係你地set嘅，你做唔到咁平可以唔做，但比假嘢呃人就真係衰到貼地雜錦沙律：幾件炸雞＋生菜，不過不失，但無特別泡菜豬肉石鍋飯：泡菜好貴咩？全個唔熱嘅石鍋只係得泡菜－－－汁，係只得汁；而且其他料只得好少好少，只得無味嘅芽菜，幾條紅蘿蔔，幾塊豬肉，紫菜碎，泡菜汁，同唔熱嘅飯，阿媽話都唔知食咗MUG嘢落肚藍青口：幾隻藍青口係真嘅，不過無味同唔熱牛油炒雜菇帶子：完全無牛油味，主角係雜菇，有好多；帶子係百佳賣＄２０唔使一大包嘅細細粒元貝仔－－仲要係只得４大粒，我地好似尋寶咁仔細搜尋先搵到極珍貴嘅４粒狀

去完明愛樂晴軒問司徒姑娘拿要打的手搞後，便到花都附近找有沒有好東西吃，我忽然見到有日本店，於是便進去吃。我叫了一個海蝦野菜天婦羅手打烏冬。好好味，而手打烏冬亦好彈牙！個天婦羅海蝦好好味，好甜，而個天婦羅鮮冬菇亦好好吃。而個湯底亦好味！可惜，食物幾好吃都沒有用！因為．．．．．．在我等候期間我見到令人不安的情景：一．個女老闆好惡，我好幾次見到她用粗口鬧ｄ伙記！二．有伙記”打噴次”時，用手蓋著鼻子，但之後她是沒有洗手的！這樣不衛生的情況之下，我是絕對不會再來的！

與友人聚舊選址於花田和食屋，試了壽司、素菜鍋及薄餅。三文魚壽司用料新鮮，魚肉甜度達標；素菜鍋所用蔬菜煮得清甜爽口，吃下健康清新；而薄餅則令本人留下深刻的印象，餅底脆口之餘，用料豐富亦新鮮，非常值得回味。與友人閒聊談天，坐久了也沒催促結賬，同時服務員按時留意情況收碟，並按食客的需要加水。整體而言，是很滿意的一頓晚餐。

小弟起標題所指既係因為之前起呢度食過dinner,所以對比好大!放假訓到晏一晏，出街前, 去花田，high 個tea, 食壽司依家做緊下午茶時段壽司半價優惠2個人一叫就叫左30 幾件，太平了叫左個set $58 - 16件，當中不乏中貴價壽司如帶子翡翠螺最喜愛既三文魚壽司都係3蚊件價錢同最抵既外賣壽司一樣不過質數高兩班黎到既時候份量仲比想像中大兩倍真係估佢吾到！食到後期要夾走半舊飯, 實在太大舊啦,雖然埋單百幾蚊, 不過純粹係小弟大食, 而唔係佢唔抵食不過有樣好奇怪，呢間野好吾環保筷子用即棄，wasabi係獨立包裝，真浪費另外員工態度都麻麻，無咩禮貌，完。

星期日，訓到12:00PM，又趕住約老人家出城，選擇屋企附近的花田。以前很不喜歡來，因為覺得壽司飯味道不好。但最近經常來，因為假期定食/套餐，沒有加價，而且份量不少的。我很喜歡叫J2，泠麵+炸蝦壽司，壽司切開有6件，另有麵豉湯1碗，前菜1碟，另有餐飲，如要紙包飲品，就唔駛加錢，要檸檬茶等餐飲，就要加$2，做法很特別。我每次也選擇要地道綠茶1包。今日的麵豉湯1碗不夠熱，炸蝦壽司味道也不錯，蝦熱且脆。近來我經常光顧。有機會試下晩餐。

預先訂位 , 唔駛等位, 食物由冷盆-刺身-沙律-壽司/ 小食- 一口牛, 天婦羅, 海鮮薄餅, 煎餃子 / 熱食- 湯拉麪 , 炒烏冬+ 炒飯, 每位$100.00 , 抵食好食夾大件 ..........

我，為食妹，今次同屋企人去咗粉嶺花都廣場既＂花田和食屋＂食日本菜。它位於商場停車場出口附近，轉角位地鋪，地方寬敞舒適，適合二至十人聚會，見它還設有一間VIP房。到達時已經九點，不用等位，我在門外已經見到有客人正在品嚐日式火鍋，安坐後便點了＂北海道牛乳海鮮特盛鍋、鐵板牛油帶子、紫蕃薯蟹子沙律、三文魚、甜蝦、翡翠螺剌身、巨大帶子壽司、雞翼串＂。～北海道牛乳海鮮特盛鍋～呢個火鍋用既湯底真的有很濃郁既牛乳味，配埋Ｄ海鮮配料真係好好味，而且Ｄ蔬菜好似吸收咗牛乳精華咁，感覺滑滑暖笠笠、好正！～鐵板牛油帶子～用鐵板上，好惹味，仲一Ｄ都唔ＵＮ。～紫蕃薯蟹籽沙律～平時食蟹籽沙律通常會用青瓜底，但呢個係用帶有甜味既紫蕃薯，加埋沙律醬，好味。～巨大帶子壽司～隻帶子好大隻，完全覆蓋舊壽司飯，而且好鮮甜。～三文魚、甜蝦、翡翠螺剌身～好新鮮，鮮甜好味。～雞翼串～呢個串串係夜晚特價之一，有好多種類，我地叫咗雞翼，味道不錯。整體表現不俗，有下次再幫襯既意欲。

其實我真係已經好耐冇再去呢間野食, 因為真係一次又一次咁失望, 但係岩岩係度開左個會員既account又見到呢間野, 不得不講下我不愉快既經歷話說呢間野新開冇耐我就已經去試啦, 等左一陣位, 都幾耐下, 因為新開比較多人, 坐低點左d壽司, d野食未到就突然間停電, 但係佢地都有照上菜既d壽司黎到係暖既, 感覺真係好差d魚生腥到不得了, 我係比較怕腥, 我老公都冇咁怕, 但係我地兩個食左兩碟都已經頂唔順, 要走咁諗住佢可能係岩岩開d野未settle, 過左一排去多次啦, 係一次又一次既失望, 同之前一樣, 又係腥到不得了, 又係冇食晒就走啦, 走左我諗都有5分鐘啦, 個口仲感覺到個d腥味, 真係好想嘔, 係我地兩公婆都想嘔, 以後都冇再去食, 亦都唔會再考慮去食

見到門外有生蠔推廣, 19蚊一隻, 便入去一試入門口前, 已經問定待應小姐, 生蠔賣晒未, 佢話仲有, 我先坐低因為啲生蠔有分大, 中, 細三隻, 細由$19起, 大好似都係$29我就問待應小姐, 大, 中同細size實際上爭幾多待應小姐話, 美蠔 (即美國生蠔) 賣哂, 得珍珠蠔, $19一隻, $39三隻咁好啦, 我話要6隻啦, 跟住第二個待應小姐又話 "唔好意思, 生蠔賣哂"我話 "咁我走喇, 係你話仲有生蠔賣我先入嚟, 冇理由到坐低你同我講賣哂"跟住個待應又話 "珍珠蠔賣哂, 美蠔仲有, 都幾肥架"咁好啦, 我又聽佢講order咗4隻, 我同個男待應講要4隻1分鐘後, 另一個待應小姐同我講, "唔好意思, 珍珠蠔賣哂喇喎"我同佢講 "我冇叫珍珠蠔喎, 我叫$19一隻嗰啲喎"跟住佢話我叫咗3隻珍珠蠔, 但係珍珠蠔買哂, 得番美蠔我再同佢講我係叫左4隻$19嗰隻蠔, 跟住叫佢覆一次單俾我聽結果原來係落咗3隻珍珠蠔同一隻美國蠔我問佢 "你位同事係咪發緊夢? 總之我係要$19一隻嗰啲啦"跟住位待應姐姐問 "咁啲珍珠蠔仲要唔要?"我嗰刻真係想xyz佢, 小姐, 你15秒前話我知珍珠蠔買哂

因為做緊壽司半價，所以好多人，等左２０分幾鐘，都算咁啦！環境幾闊落，坐得都幾舒服首先叫左個拉麵，湯底好濃郁（味精），唔係太鹹，麵唔錯！三文魚：比開舖時好好多，厚番ｄ最中意：韓風三文魚壽司，好特別，辣辣地北寄貝：細細舊，又ｕｎ黃金魷魚：好鮮甜！！茶：淡，又冇得自己落茶包記憶模糊，係咁啦，８８！

花田設有好多款小食。坐下店員拿來一壺麥茶，供客人自助添，另外醬油和wasabi都是讓客人自理更有附設特強wasabi超刺鼻、但好味。我最欣賞就係海鮮pizza，皮薄鬆脆餡料多，有脆，有爽，有甜，美味！價錢合理$42元，我哋四人都order兩個海鮮pizza食晒。另外仲有炸墨魚咀鬆脆！$32元。牛仔骨更有特別，醬汁中仲帶有柚子蜜的甜！柚子蜜的加入是非常好，感覺清新，$36元。炸蟹肉薯餅熱辣辣好好味！$28元。鰻魚手卷，醬汁好多沾滿入飯內好好味！$22元。鹽燒秋刀魚，好入味，魚鮮味亦能保留，order了兩個同樣食晒$32元。炸蠔壽司好味，三件$28元。三文魚刺身，好新鮮、油脂平均，不薄反而頗厚，咬下更有點爽，吃下令我大滿足！6件$45元。芝麻八爪魚壽司，八爪魚及醬汁多，附在飯上好好味。二件都係$8元。

平日光顧的總是離不開那兩、三間，連菜名我也可倒背如流，今天突然想吃日本菜，剛好又好久沒吃，故我和爸媽就一起去花田了。幸好我們在7:20pm就到了，之後的五分鐘內突然出現了超~~多人(約10多個)，我們等了約5分鐘就能入座，之後被帶到一個卡位，店員拿來一壺麥茶，供客人自助添，另外醬油和wasabi都是讓客人自理的。我和老爸在菜單上劃完又劃，最後就將紙交給店員，料理很快就來到了！最先來的是加洲反卷，一客四小件的放在一隻碟子上，每一件的周圍都被滿滿的蟹籽沾滿，當中的餡料是大家耳熟能詳的玉子、蟹柳、青瓜和昆布，故不作多評了。他們的厚薄適中，不會令人吃得太辛苦。特別的是在這四件加洲卷下，有適量的辣醬汁，吃時把辣醬沾在卷上，相當配合，冷冷的卷物和微辣的醬汁，產生冰火的口感，加上辣醬又帶點甜，味道變得多元不單一。好吃！緊接的是三文魚和赤貝壽司，三文魚頗長，蓋著壽司飯上還有餘，他的油脂分布平均，相當肥美，配上日武醬油來吃的話，鮮味無比；而赤貝則比較小，但點了醬汁後，能將其鮮味提升，變得非常美味。但這裡的壽司飯都有幾個共通點，就是很多飯，而且握得不緊，用筷子一夾就會開始散，放入口內時更不會嚐到壽司飯應有