花果山小食店

营业中

休息中

來到大埔，今日我Mother行行吓話好hungry，so 就搵啲嘢eat eat la! And than 呢就嚟咗呢度啦！咁就叫咗啲腸粉魚蛋粉果啦！腸粉就都算大碟既但就係比較多汁！魚蛋俾我想像中大粒！粉果都大件嘅，有個蒸籠裝住左！拎出黎都熱辣辣嘅！食嘢嘅環境就真係唔係太好啦！又係玩立食，要食得快快手交返張枱俾人！嘢食質素方面就普普通通啦！唔會話太難食嘅！個魚蛋嘅咖喱汁都可以接受！但如果咖喱汁濃惇少少會更好！整體來講可以合格！

之前食過花果山 , 覺得好食 , 所以咁岩行過 , 有 d 肚餓就再黎幫襯但今次再食 ... 點解差左咁多 ...叫左 4 條腸粉 + 1 串辣魚蛋 (5 粒) ($18)辣魚蛋屬正常 size , 唔係好入味 , 只有表面有辣味 ...腸粉 質素正常 但個醬汁出事 ... 加左甜醬 , 麻醬 , 甜鼓油 ... 個汁太稀 ... 完全掛唔到上腸粉 ...  腸粉冇醬汁 ... 就會無味 😅 ... 呢 2 款食物冇下次喇 🙅

呢間魚蛋腸粉燒賣真係由細食到大，好記得早幾年開始流行果皮魚蛋，間間小食店都轉晒用果皮魚蛋咁滯，佢仲保持住佢既風格用大大粒魚蛋！反而成為左清泉魚蛋大粒好味，燒賣新鮮熱辣簡單就是美😋😋

久違經過大埔廣場見到由細食到大既花菓山，就想入去吉返兩串🍢。由於有啲肚餓，所以就叫咗一份腸粉同一份辣魚蛋，而我嘅習慣係多麻醬，老闆都唔客氣好重手落醬。咁多年黎都係老闆同老闆娘支持成間鋪頭，感覺好懷念👅。講返正題，腸粉好滑，魚蛋雖然唔係陳皮魚蛋，但都充滿咖喱🍛嘅香味同彈牙爽口。不過唯一我覺得同以前味道唔同咗既就係醬汁越嚟越稀，雖然係多麻醬，但係一啲都沾唔上係腸粉上邊，完全失去左麻醬嘅味道，只得個香味。雖然味道可能唔同左，但仍然充滿着細細個嘅回憶。❤️完

花果山係大埔已經做左好多年，佢哋嘅腸粉係整得好好食，唔會好痴。而咖哩魚蛋嘅咖哩味好正，魚蛋好入味。而燒賣亦都好好味。醬料方面可以叫多甜醬又得，多麻醬又得，正呀。

呢間野都算係由細食到大架啦！！偶爾經過都會買下佢啲腸粉食，而家就會鍾意食佢嘅牛肉球多啲，加埋喼汁真係好好食🤤🤤牛肉球近乎係必叫嘅小食！燒賣加辣油都係好正！但魚蛋我就比較少叫啲，因為佢唔係用陳皮魚蛋，我自己就冇咁喜歡啦🙈🙈蘿蔔就要睇下運氣， 食過幾次，有時啲蘿蔔會比較多渣，不過今日份蘿蔔唔錯，幾清甜，加埋辣油又真係一絕🤤🤤我哋今日仲叫咗貢丸添，都好爽口架🤤佢仲有鮮榨嘅果汁賣，見到都有好多人買不過我自己通常都係叫小食多啲啦一定唔會差🤤

夜晚9點先幫人補完習，要搵晚餐食，都係一件難事，因為好多舖頭都9點鐘last order。咁只好周圍搵下，咁經過花果山，仲有得食腸粉。我叫左咖哩魚蛋配腸粉。叫佢多麻醬真係多左一勺。夜晚食呢個唔太heavy幾好。

我地由細食到大，妮大埔一定要試佢！燒賣好好食，但因為我食左lunch傢關係，只係叫咗豬腸粉同埋咖喱魚蛋。而我爸就叫齋豬腸粉，佢d豬腸粉唔會爛蓉蓉咁，配埋醬汁真係無得輸！

花果山平時食開燒賣配辣椒油 今晚嘗嘗新野咖哩魚蛋腸粉 點知令人失望 魚蛋似烚左好耐又無魚味 一點彈力感覺都無 腸粉亦無麻香 普普通通 真係是但一間都好食過佢唔明咁多人買 勝在地點就腳

今日天時暑熱， 經過花果山立即買番杯消暑冰凍嘅西瓜汁， 西瓜同冰嘅分量剛剛好又唔太甜，飲落去D冰打得去碎，非常好飲令我立即降溫，當然唔少得買下呢到D小食，買左個蘿蔔同燒賣， 蘿蔔煮得好入味同好淋，D蘿蔔湯都好甜， 燒賣蒸得剛剛好，一定要落佢地D有渣辣椒油

好耐冇去過花果山買小食食啦，今日經過就買番個最鍾意食既粉果還有燒賣， 粉果同以前一樣好好食，蒸得剛剛好， 外面過疲軟淋淋， 加埋入面D料小小咸一齊食非常之好食， 唔同出面有D地方都蒸好，個皮還有點點硬就擺出來賣， 燒賣還是大大粒，食落好有質感， 不過食呢兩樣野最精髓既就係佢地個辣椒油，一定要叫老細比D渣，超級好食， 今日好熱當然唔少得係呢度買返杯消暑的西瓜汁， 飲落去唔會太甜， 個人即刻降左溫

8蚊買左一份粉果，淋上豉油同埋辣油，本身我幾鍾意粉果既，不過尼一間粉果就ok，麻麻地，粉果外皮厚左小小，其中一個皮仲裂開左，見到入邊陷得小小一舊，陷味道就ok，因為淋左豉油同埋辣油，重口味可以掩蓋皮太厚既缺點，所以總體ok，不過下次我都會試其他店舖既粉果

等緊屋企人食晚飯， 但有少少肚餓， 就行去花果山買d小食，買左蘿蔔同燒賣， 蘿蔔煮得好淋好入味，飲埋D蘿蔔湯好， 燒賣都係大大粒加埋佢d有渣辣椒油，好香口好好食， 食完辣辣地買多杯西瓜汁， 好清甜同可以解辣

有一排都無食過花果山腸粉 今日返工經過可以食下啦買左8蚊 4條 相比係之前加左價 咁無所謂啦 仲買左2隻粉果 加辣油佢地啲辣油 好香咖返到公司 食完粉果再食腸粉 ……噢 腸粉已經無之前食咁軟棉棉 仲有啲位係硬 退步左 粉果 雖然都係陳記點心 但我個心營住佢地蒸得軟棉棉啲 唔似其他(例) 酒樓 個皮又厚又唔淋 好鬼難食咖嘛！辣油 同佢講要有渣個隻先好味如果唔係佢會俾無渣個住辣油 真係得辣 無香味咖

一路都覺得花果山係一間唔錯的魚蛋店比起萬利為佳但久別重食 水準下降魚蛋比以前細左影響口感蘿蔔唔錯 甜冇根燒賣我知係來貨但感覺越來越粉最失望係朱腸粉是旦剪 剪到好長 三啖先食完一條下次唔使特登行去食