花木日本料理 (已結業)

呢度係朋友介紹我過黎既，話呢間日本料理裝修得唔錯，野食又正！所以今日趁路過尖沙咀就約個朋友上黎一齊試下。入到黎發現朋友真係無介紹錯，感覺環境大氣、氣場夠大、加上啲日式音樂，一入黎就彷如置身日本local餐廳。我地order左既野食都上得好快，而且伺應都會詳細解釋返每個菜既名同埋態度好nice！另外個擇蟹好得意呀！好細個搞到食果陣有啲唔捨得食添！😄 另外個鰻魚壽司都好味，一口擺落口啲牛油果🥑同啲鰻魚一齊發生化學反應都好唔錯！最後上既甜品就更加唔錯啦！有呢個水順月餅配黑糖漿同小丸子同抹茶丸子，整體好唔錯，食得好開心！

好耐無食日本料理 個朋友岩好話想食壽司刺身 所以約左黎尼間花木世下巨啲好唔好味 唔試唔知 一試就有surprise 首先講下巨啲刺身 各樣魚都好新鮮 個三文魚係我既至愛 一食就停唔到口 其次係巨啲燒物 雞腎都係我既至愛 鵪鶉蛋都係我鍾意食既! 再黎係個炸蟹仔 好爽脆 另外個天婦羅🍤都係好好味 個蝦好正 啲蔬物都好正 最後講下巨既甜品 非常特別同美味 職員既服務態度都好好 感覺賓至如歸 環境都好舒適 整體好唔錯 可以介介紹啲朋友過黎 好野最重要係要分享

難得今日休息約左朋友係尖沙咀行街，跟住覺得肚餓就一於一齊係尖沙咀食埋野先翻屋企。岩好經過天文台8號，發現呢度新開左間日本料理，叫做花木。上黎openrice睇下啲相，發現都幾吸引，於是就決定撿呢間！上到黎，發現環境闊落，氣氛好好，服務員態度好好，時不時過黎幫我地加水同上菜時都會細心介紹啲野食既名！有個天婦羅拼盤好好味，🦐就唔洗講啦，個南瓜🎃同個菇菇好特別，仲有個好似金針菇既櫻花扇。其他啲刺身拼盤都好唔錯！值得encore！

想吃一個精緻又有情調的晚餐，日本料理絕對是不二之選。發現尖沙咀新開的這間花木，就打算去試試了。看到師傅在開放式廚房工作，更期待接下來的菜式了～餐廳為每枱客人送上前菜，連前菜都精緻萬分有魷魚鬚，櫻花蝦碎和海參，當中我最喜歡海參，質感有像厚身的木耳，但更惹味。松 刺身八點$788現在睇返D相都會食指大動平政魚咬落好彈牙，大吞拿魚油脂甘美，食落齒頰留香~朋友平時唔太鍾意赤貝，難得呢度嘅赤貝都合佢心意左口魚，赤身都勁鮮甜牡丹蝦非常新鮮，完全冇腥味！深海池魚就非常爽口～我最愛的海膽，非常鮮甜，完全冇得彈花木仲買人特選壽司拼盤$398食完刺身意猶未盡，仲有壽司壽司飯已經調味，個人覺得不點芥末更美味～剛才的刺身併盤已經有大吞拿魚、左口魚、赤身、深海池魚同埋牡丹蝦，再吃一次仍然回味無窮令人驚喜的是帆立貝，很少有咁好味的金目鯛都係必食～三文魚子旁邊的竟然不是玉子燒，而是做成玉子燒模樣的海棉蛋糕吃下去那一刻才知道，真的非常有趣，不得不佩服師傅的心思每天都有不同的甜品送給訂座的客人，我很喜歡今天的甜品～水信玄餅很清甜，裡面還有花瓣，很浪漫～巨峰提子是台灣品種，細核，而且很甜。白玉團子配上紅豆茸，甜得來並不膩

朋友一句「辛苦得來自在食」，放工後就來到尖沙咀天文台道的日式餐廳吃飯。 餐廳佔地非常大，環境舒適寛敝，更設有多個開放式間隔，私隱度高。 新張期內致電預約訂座，餐廳會免費贈送前菜，雖然是免費，但擺盤相當精緻，內裏有三款小食，食物的味道由淡到濃，當中以涼拌海參的味道最吸引，口感滑溜得來，又帶幾分爽口，而醃製八爪魚的味道亦同樣不錯，味道不會過鹹，而八瓜魚口感爽脆，有嚼勁。芥辣味生八爪魚粒這個小食的份量挺多，大大碗的裝著生八爪魚粒粒，口感超級煙韌，芥辣的辛辣味亦非常突出。 鮟鱇魚肝豆腐 鮟鱇魚肝一向被視為滋補養生，口感綿密甘香，入口油潤感，沒有重重的魚腥味。 蒽吞拿魚腩 吞拿魚腩就是拖羅，亦是吞拿魚最肥美的部份，口感綿密鮮嫩，帶有清甜魚味，細嚼時油香在口中化開，讚。 什錦天婦羅 天婦羅的內容挺豐富，包括有大蝦、秋葵、香菇、南瓜、炸麵條及蕃薯，而隨天婦羅送上三款醬汁，說實，從來吃天婦羅就只有蘿蔔及醬汁，沒有試過以抹茶鹽調味，感覺份外特別，吃時亦可以有提鮮效果，而個人最愛就是炸蝦天婦羅，口感香脆，而且蝦肉亦夠彈牙。 海膽炒飯 飯炒上放了大大塊的海膽作裝飾，海膽肥美，味道甘香，而炒飯用

餐廳係日式室內設計，採用左大量木既裝修素材，仲播住輕柔既宮崎駿卡通純音樂，令人感到好舒服。目測都有好幾個私隱度較高既包廂，每個包廂只擺放一張枱，方便同朋友傾計。見今晚早黎到無人就影左幾張相閱讀菜單時店員送上可愛既頭盤，盞白色燈係用蘿蔔皮來做的，非常精緻。生拆鱈場蟹腳日式雲吞 $198雲吞面頭舖上鮮甜海膽，裏面啖啖蟹肉，醬汁係用海膽及蟹膏製成，鮮味無比。銀鱈魚西京燒 $188銀鱈魚香軟嫩滑，抹上甜麵豉燒到香味出曬黎。沾少少蛋黃醬一齊食，係絕妙既組合呀鵝肝多士 $228鵝肝都有相當厚度，但鵝肝本身已是高脂肪及油份，再用炸呢個方法烹調就有點油膩。日本和牛炒飯 $288炒飯飯粒分明乾爽，連和牛粒及蔥炒香，和牛粒份口鬆化帶醬油香。海膽醬芝士焗蠔 $198海膽醬香濃，芝士焗至金黃色望落好吸引。可惜蠔上桌時未收乾水，因此有少少腥。甜品最後餐廳送上甜品，擺盤精美。白玉團子煙煙韌韌、味道清淡，配埋甜度較高既紅豆茸一齊食相得益彰。黑糖蕨餅灑了黃豆粉，香甜帶韌性。清甜士多啤梨加忌廉，呢幾款甜品都好美味。

媽咪生日, 咁大件事梗係要食好啲!!! 剛好又撞正係佢同爸B既生日,作為孝順女既一員, 當然係揾間靚靚既日本餐廳去同佢地慶祝!(其實係我自己中意食日本野..哈哈~) 我今次揀左係尖沙咀既花木, 因為之前同老闆來過一次, 覺得新裝修又雅緻又別具氣派! (花木係新開既), 雖然價位有少少高檔, 不過唔緊要啦, 食材超新鮮又好食, 而且坐位好闊落, 坐得好舒服, 地方又乾淨又整潔, 相信媽咪一定滿意! 食物選擇方面都好多, 前菜, 壽司, 刺身, 鍋物, 炸物, 甜品一應俱全, 真係想食乜都有! 不過頭先提過, 花木係走高級日式料理格局, 例如鍋物咁, 我見到有壽喜燒索價千幾蚊!(我都好想試下XD), 不過一樣有平少少既, 豐儉由人~ 點菜之前, 笑容滿容既服務員/經理送上三款前菜比我地食~唔好以為免費就會hea你~呢度一啲都唔會呀, 三款都做得好好, 有着唔同同既味道同口感, 個人特別中意醃八爪魚, 八爪魚好爽脆又夠彈牙, 食完胃口大開! 打頭陣係磯煮鮑魚- 每隻hkd 88, 價位合理, 鮑魚用醬汁煮完再磯燒, 入滿晒味! 而且鮑魚肉質好厚實好彈牙, 群邊爽脆到極, 不過

位於銅鑼灣的花木日本料理，是一間新開的日本料理店。餐廳地方闊落，感覺非常舒適。餐廳服務員大多似新手，上菜略慢，但相信會越來越好，加油哦。築地精選壽司八件$328餐廳的菜式選擇超多，那就先來一人一份我最愛的壽司吧。壽司有八件，包括: 蝦，帆立貝，平靜魚，真鯛，深海池魚，吞拿魚，三文魚，金目鯛，漬蘿蔔卷，雞蛋糕。壽司排列整齊，賣相可觀。蝦壽司肥美腍嫩，啖啖鮮甜。帆立貝放上青檸，令貝肉帶點特別的清新。平鮮魚壽司放上蟹籽，口感特別，爽口魚肉和脆卜卜蟹籽，味道豐富。三文魚肉新鮮嫩腍，好肥美阿。深海池魚爽口鮮美，也非常不錯呢。粟米$28好大條粟米阿，粟米本已非常香甜，放上大片牛油後，油份滲入粟米中，很美味阿。抹茶雪糕$58最後點選一份簡單的甜品，抹茶雪糕。抹茶雪糕茶味充足，重點是配搭著超多的紅豆，超開心呢。

初次到訪花木，地方舒適雅致寬敞，遠看師傅們在壽司吧內工作已覺悅目。食物新鮮之餘，賣相亦非常有心思，侍應態度親切殷勤，食得十分舒適。收費亦合理，二人飽餐只需千多元，尖沙咀來說此等質素可謂相宜。可惜，當晚遇上一枱十多人的客人，他們情緒高漲，頓把當時氣氛破壞，好像身處北角街市上層之小㕑，如果餐廳原意行居酒屋形式，而非中高檔路線，那就罷了，但於我們而言，十分掃興。

一般人對上樓的日式精緻食肆的印象可能是〈又貴又唔飽〉。今日朋友帶我到尖沙咀天文臺道的〈花木日本料理〉說要請客，我真有點替他的荷包擔心呢！上到三樓見到〈花木〉嘅門面非常漂亮，十分有氣派。內裏裝修簡潔得來不失貴氣，可説夠曬體面。日本餐廳當然不少得開放式廁所廚房，〈花木〉亦不例外，最特別是用冰放了幾條新鮮日本直送鮮魚在案頭，亦標明價錢（價錢非常合理），有興趣的客人可以即點即吃。先來附送的餐前小吃，有小魚乾，炸擇蟹和醃蘿蔔。小小的炸擇蟹就好像迷你軟殼蟹一樣，樣子很可愛。對不起，姐要吃你了。〈酥炸軟殼蟹卷〉我經常覺得軟殼蟹卷是一樣很難做得好的食物。首先要軟殼蟹炸得乾爽不油膩，絕對不能吸取飯粒的濕氣，但飯的部分又不能太乾太硬。兩者之間是很難取一個平衡。但是這個軟殼蟹卷非常好吃！！軟殼蟹炸得酥脆不過火，質感不會硬巴巴的，最重要的是不油膩，能吃到軟殼蟹味道。配上濕度和溫度都剛好的飯糰及蟹子一起吃，口感和味道都很有層次。〈花木仲買人特選壽司拼盤〉這個絕對是令我喜出望外的壽司拼盤！！❤❤❤猶記得大約一年前曾經到另一間主打〈廚師發辦〉的壽司店吃同樣造型的壽司拼盤，有個不太愉快的記憶，所以第一眼見到這個造型

天文台道8號3樓2018年8月15日21:00環境：全新裝修！簡潔！坐位舒適！適合三五知己gathering👍🏻前菜：櫻花蝦配豆腐，味道尚可醃蘿蔔味道甘甜，易入口海芯新鮮爽口主菜：蘇炸軟殼蟹推介！炸得剛剛好！不會太多粉都不會太多油，有蟹味👍🏻禾牛刺身入口即溶夠新鮮，部位靚👍🏻脂肪及筋的比例剛剛好！8本壽司拼盤壽司飯用漬飯，較一盤的有口感，魚生有三文魚，拖羅，玉子等，水準合格，當中拖羅是入口即溶！串燒拼盤8本燒大蔥，禾牛串燒，雞翼，洋蔥，雞腎，雞軟骨，鵪鶉蛋，燒得出色，味道剛剛好，入味而不會太濃！當中推介雞軟骨及牛舌👍🏻甜品蜜桃雪糕！清甜可口！好味👍🏻性價比：食材新鮮！服務態度專業有禮👍🏻值得一試！

花木位於尖沙咀天文台道8號, 無論從佐敦、 紅磡或是尖沙咀來也不算太遠, 旺中帶靜,環境以淺木色做主調, 非常怡人, 有廂房, 也有卡位, 座位之間不會太逼, 而且空間感十足, 用膳環境非常一流。妹妹剛升了職, 當然要要脅她treat us something good 吧!因為餐廳新開張的關係, book 檯就會送頭盤, 而頭盤分別有螢光魷魚、炸蟹仔 、醃蘿蔔, 賣相美觀, 讓人不只胃口要準備一頓豐富的晚餐, 連眼睛也準備get ready 了!!炸澤蟹仔係新鮮即炸, 看著還活生生的蟹仔舜即變成桌上的食物, 雖然有點殘忍, 但的確炸得香口又好吃。螢光魷魚入口有鮮味之餘又帶嚼勁, 非常開胃。三文魚子海草沙律 一道開胃的涼拌沙律，除了有獨特的umami鮮味外，餐廳獨調的醬汁讓整道菜生色不少，最重要是三文魚子粒粒晶瑩通透，脹卜卜又飽滿，唯一美中不足的是海帶本身有點偏咸呢。花木卷最喜歡吃餐廳的特色創作料理, 這代表著餐廳的誠意與獨特, 花木卷是其中之一。花木卷的配料有kimchi 醬, 大蔥絲, 炸蝦碎等等, 味道咸咸又夠新鮮。還有值得一提的是壽司飯帶有米香之餘, 餐廳更特地以赤醋調味成赤醋

返工忙到一個點，難得可以早少少收工當然要食啲好野補數啦！適逢友人話呢間新開既日本料理質素唔錯，一於黎試試啦！花木日本料理位於尖東天文台道，喺尖東站P3出口沿漆咸道南行上黎都算方便。呢度環境以木材裝潢設計為主，甚有日本特色之餘，亦帶出高尚感覺我地最後分別叫左以下食物:枝豆將枝豆烚熟再將微微薄鹽鋪面，食落有微微鹽香，夠哂天然三文魚子軍艦三文魚子一啲都唔腥，食落亦好有鮮味，軍艦有微量芥末點綴亦顯細心三文魚刺身即叫即切夠哂新鮮，脂肪比例均勻，食落亦好有油香黑松露鰻魚卷我的至愛！賣相一流！用了肥美厚身的原條長長鰻魚製作，卷內包住牛油果，口感豐富，面頭鋪上黑松露一齊食簡直係Perfect Match！酥炸軟殼蟹卷軟殼蟹即炸即卷，上枱時微溫且香脆，同樣卷內包住牛油果，面頭鋪上同類的蟹籽一齊食亦好夾！自家製免治雞肉串本身淋上燒汁去燒已經好有香氣，而且啖啖肉食落亦唔油膩，配上日本鮮雞蛋同醬油帶出雞肉鮮味煎餃子餃子皮唔會太厚身，而且包得夠靚唔會一夾即散，菜肉餡脂肪比例均勻唔會太鹹，食落唔會話太油銀鱈魚西京燒銀鱈魚煎得夠香唔會話太燶，而且有微微鹽香，配沙律醬一齊食好滋味啊沖繩風味炸雞即叫即炸夠哂香脆新鮮，好