影片
将军澳海旁一带满满的餐厅，起初周围一片宁静未开发嘅时候我成日喺度讲会唔会有茶饮店呢，附近又咁多学校住宅一定好好赚😍点知真系开咗间！本身佢叫做花想茶，不过最近店主有啲事所以同另一间同路店-茶匠合作主理，新增咗一系列嘅茶匠饮品系列之外仲有千层蛋糕卖😇👓匠人果茶 $30系店舖其中一个招牌饮品，唔算系水果茶𠮶种果茶因为佢主要系橙柠檬百香果，偏酸甜嘅生果，叫咗少甜的确好好多唔会太甜漏，但佢嘅水果味其实唔算非常重，偏多橙汁而茶底唔算好香，如果以果茶对比下附近𠮶间无所事事茶饮店嘅味道比较精致🤣评分：6.5/10👓百香果茶 $26选择左红茶底，30%甜度🤣虽然几乎走甜，不过又接受到㖞，可能因为佢落咗好多百香果所以有足够果甜，又唔算非常酸，但系个茶底比较普通，唔算好重茶味好靓茶叶，如果以茶底来讲都系天仁好啲🤣但如果夏天系街出晒汗好颈渴以呢个价钱我都会照买番杯横掂拣微糖唔太邪恶🤣评分：7/10
继续阅读
今日同事话happy Friday ，一齐买珍珠奶茶，谂住试吓附近个间花想茶，见到佢近排开，都有人买，所以大家都好兴奋咁叫外卖。我就点咗一杯芋香奶茶，少甜少冰。都有d期待，但系见到实物个阵，OMG，系一杯紫色嘅嘢，一饮落去，水一般的味道，又稀，想点呀，冇茶味，冇芋头味，个颜色好明显系用粉冲出嚟嘅，好心就比多少少heart啦。我饮咁多年珍珠奶茶，真系未试过衰到咁！讲真呢啲嘢好难唔好饮，咁都搅成咁真系恭喜晒！
继续阅读
千层蛋糕真的好难食，买咗两种味：芝麻和朱古力味，仲话手造80层，真系唔敢想信，死死实实咁👎，cream又唔够松软，D皮加埋cream食落去有Q弹嘅感觉，完全唔似食紧千层蛋糕咁，两种口味食落去都好假咁，令人非常失望！
继续阅读
见天气酷热。就买杯嘢饮下啦！见呢间舖头冇乜人就谂住试试啦！买左杯白桃乌龙茶解下暑，份量就真系大份都可以算系抵饮！至于个茶底方面。就系唔够突出！唔系好觉系乌龙茶。但系都接受嘅！同佢讲话加有啲蜜糖，都有返啲甜味！可以接受嘅！至于冰嘅比例方面，亦都系有按比例咁增加减少！可以话系合格！整体来讲杯嘢饮系过得去嘅！但未至于话系好饮，仲有好多进步嘅空间！希望可以继续努力！以服务方面，都算有效率嘅，亦都系整洁。环境都系阔落嘅。👍👍
继续阅读
就算系独市生意卖饮品，都唔系做到咁求其挂，大佬呀？？？？朱古力奶茶成杯野饮根本就系冰水沟朱古力奶！（仲要系淡到水咁既味）⋯ 收银态度奇差，落单无礼貌⋯ 榛子朱古力佢话冇榛子，咁我话就咁朱古力，佢又话：无呢个选择㖞个牌系明明写左有朱古力？⋯ 好，咁都算。咁我话朱古力奶茶佢又有既⋯ （佢个时净系答我冇呢个选择嘅时候系冇推介过我任何，等你企喺度自己慢慢睇）好啦，野饮整好左又唔拎出黎，拎出黎叫错号码又唔理，摆系台面就算，由得一堆客人自己任简任摸（疫情呀大佬）收银懒懒行坐系到，除左收钱快无优点噜⋯绝对唔会有下次😅😅😅😅😅
继续阅读