影片
我同几位旧同事一向有每月一聚之约，今次就黎其中一个旧同事住既地方附近揾食。见到Megabox呢间花川湘荟门面咁有气派又古雅， 就即刻拣左呢间开餐啦! 虽然呢间餐厅开左无几耐，暂时未算好多客，但系服务态度令人惊艳。坐低左无耐，侍应已经好热心咁介绍食物，又帮手斟茶，值得一提既系茶壶底部配有小蜡烛，咁就唔怕茶之后会冻，呢个咁贴心的举动，令我地系未食野之前已经对呢间餐厅好加分! 朋友无蒜不欢，一黎就钦点左呢碟蒜泥白肉($98)，我地唯有照落单啦。本身都无咩期待，但系上菜个阵除左见到每片白肉都铺满晒蒜香四溢的蒜泥之外，每块白肉更夹住一块青瓜，食起上黎油而不腻，既有蒜泥同白肉的味蕾冲击，但又不乏青瓜带来的满口清香，绝对值得一试。 张飞牛肉($128)呢个名咁霸气，无理由唔叫黎试试佢，一开始见到个卖相，感觉牛肉好似好干咁，但系试落去原来另有干坤。咬落去质感爽口，将牛肉里面既肉汁同味道完全释放出黎，再加埋铺系上面既麻辣香料，同埋其他配菜，例如青瓜、蒜片等，口感丰富饱满，真系同呢碟菜既名一样咁霸气! 跟住呢碟干锅BB八爪鱼($158)里面既八爪鱼份量都唔少，完全唔hea，火候十足，口感鲜嫩爽口，再加埋其他配菜一齐食，例如芫茜、莲藕片，完全系一绝。 重头戏终于出场，我自己就最期待呢个老坛酸菜桂花鱼($468)，虽然价钱少少贵，但系见到佢个份量同质素，就知真系一分钱一分货。酸菜味闻起上黎已经浓郁诱人，令人食欲大开，食起上黎鱼肉鲜嫩，下面的粉丝味道滑而不腻，但又充满左汤既咸鲜酸辣，真系令人一试难忘。 再黎呢个重庆麻辣烤鸭($168/半只)，食落去鸭肉口感细嫩，鸭皮酥脆，配埋少少麻辣增加口感层次，更加滋味无穷，而烤鸭盘底都配有小蜡烛，令鸭肉唔会因为摆得耐唔热而变韧，真系要赞赏餐厅既用心。 虽然叫左咁多野食都已经好饱，但系有朋友就米气王，一定要有粉面饭先肯收货，咁唯有叫两款试下啦。麻辣小面($38)同担担面($48)既份量比想像中既多，两款面面质同样Q弹有嚼劲，而麻辣小面既辣味同汤经调和后令面既味道更加浓厚突出。至于担担面系配埋肉碎同葱花之后都令整体口感丰富左，十分惹味。 港女gathering最后梗系要叫埋甜品野饮先够完满，呢个红糖糍粑($58)入口时些微酥脆，然后就试到糍粑最根本既软糯口感，配埋浓郁既红糖汁，真系欲罢不能，再加埋杯青柠柚子冰($29)，感觉柔
继续阅读
九龙湾mega box 13楼有好几间酒楼 见到今日想介绍嘅餐厅系食四川菜🌶 又口痕 想食吓辣野过下瘾🫢 打开menu 分类清晰 每样都想叫啲嚟试吓无骨口水鸡呢碟鸡 肉质比较瘦 见到鸡皮下层脂肪都好薄身 而且呢碟系冷盘 冰凉嘅鸡皮更加有口感 好爽口🐥 底层仲有啲拍青瓜伴碟 怕辣嘅朋友可以食返件解辣柠檬泡椒凤爪呢碟并唔系普通嘅白云凤爪 佢仲有骨喺入面 味道酸酸辣辣 几开胃😗老坛酸菜桂花鱼呢个真系十分推介 首先好大盘酸菜鱼 入面有原条桂花鱼 莴笋 粉丝 酸菜系入面 每块鱼肉都好嫩滑🥰 仲有我钟意嘅鱼鳍部分 近骨嘅肉比较有油香 食落口真系每一啖都系满足重庆麻辣烤鸭半只摆盘都特别嘅 有蜡烛喺底 令烤鸭嘅肉保持微暖 主要辣味都系嚟自鸭皮😮 但可能系因为我地嗌咗小辣 所以都唔系话太辣食唔到嘅 鸭肉结实 鸭皮松化🦆汗蒸回锅肉呢碟望落好辣 但食落口唔会太辣🫢 回锅肉系预先腌制过 就咁食都会有咸香 个人几钟意呢啲因为都几多蔬菜喺入面 又有豆干 感觉更加健康平衡😝担担面、麻辣小面面质好食 有少少似上海面 但系比较有咬口嘅🍜 麻辣小面嘅调味就有少少似只系加咗麻辣味嘅辣椒油 相对之下 我就觉得担担面比较出色 都有少少辣味 但系仲有肉碎喺面 不过就唔系重花生味果种担担面🧆红糖糍粑入面嘅糯米团好烟韧 外层用高温油炸过 非常脆口 配上红糖酱汁再加面头嘅黄豆粉味道都好好食😋生津梅子冰解辣一流😉 梅味唔会太酸黑糖竹蔗冰黑糖唔会太甜 竹蔗味好香😍大荔枝番石榴本来冇谂过佢系沙冰咁嘅状态 所以都好惊喜 味道好香荔枝味 好似冇乜番石榴 不过呢个沙冰都好好饮🧋热柚子蜜柚子蜜正正常常 甜蜜润喉🍯整体来讲呢度环境舒适 而且川菜都好啱口味😝 店员又特登帮我哋调校做小辣 服务又有高水准☺️ 都几推介大家过嚟试吓 而家仲做紧消费券优惠 满$300有九折
继续阅读
之前喺机缘巧合嘅情况底下 第一次食酸菜鱼呢款菜式 令我一试难忘☺️ 于是又心思思约埋朋友一齐食酸菜鱼 嚟咗位于MegaBox 13楼嘅呢间精品川沪菜馆食晚饭🥣我哋叫咗两款冷盘类 三款主菜 两款主食 四杯饮品 同一份甜品 真系好丰富嘅一餐啊😊柠檬泡椒凤爪呢碟凤爪份量唔多 但系够晒精致 第一啖食落口先系比较酸 然后开始有啲辣 凤爪好入味 加上要吮骨 所以成个口都系酸辣嘅感觉😚无骨口水鸡有好多花生碎喺口水鸡面🥜 食落口嘅味道系比较麻辣 鸡丝都仲几有口感 老坛酸菜桂花鱼呢个酸菜鱼一上台嘅时候真系哗咗一声呀🐟 呢条鱼都几大条 除咗有嫩滑嘅鱼片部分之外 仲有鱼骨腩 鱼头 鱼尾 好丰盛㗎🥰 酸菜鱼嘅底都有粉丝同莴荀 连埋汤食都唔会辣 几有鲜味重庆麻辣烤鸭半只店员特别提醒我地呢个烤鸭唔系片皮鸭嘅形式 而系半只鸭斩件上😮 有埋鸭肉嘅 辣辣地嘅烤鸭真系好少食 鸭皮都有少少鸭油鸭香🦆汗蒸回锅肉呢个系渝风篇入面其中一个𩠌 伴随住肉片有椰菜 豆干 如果有白饭 一定好快清晒😎坦坦面 麻辣小面坦坦面会多少少肉碎 辣味就比较偏向豆瓣酱嘅味道😉 麻辣小面就真系比较麻 自己钟意坦坦面多啲大荔枝番石榴估唔到呢个饮品系沙冰 入口好浓嘅荔枝味🍧热柚子蜜呢个好足料 好香嘅柚子味 好润喉嘅感觉🍯生津梅子冰呢个酸酸地 系正常嘅味道🧋黑糖竹蔗冰呢个好下火 食咗咁多辣野 都系饮竹蔗冰令到个人冇咁热气 味道清清地都唔错🎋红糖糍粑糍粑好软糯 外层炸过所以唔会好黐牙 烟烟韧韧咁几好食😙由于成餐所有嘅菜式都系叫咗小辣 所以辣度方面我地都接受到😍 算系可以感受到四川风味之余 又唔会食到太辛苦 如果钟意四川菜嘅朋友 可以嚟食吓呀😌
继续阅读
MegaBox有唔同店舖，仲有戏院同溜冰场，以食店亦不少，分布于商场不同楼层，今晚和朋友去13楼的「花川湘荟」食四川嘢，一谂起当地嘅麻辣食物已经舌头分泌口水，急不及待。因为朋友呢区返工所以午餐有去呢间饭店食饭，感觉唔错所以约我今晚嚟呢度晚膳。饭店装修几骨子，红却不落俗套，还有装修很别致。最深印像是一入门口位置有个冷风柜，将啲鸭同腩肉风干，侍应见我望住个柜，就同我介绍而家风干方式较卫生方便，呢啲肉类主要系为明日开市准备嘅。《卜卜脆五花腩肉》既然侍应讲到腩肉风干咁特别，就叫了这道菜，果然如其名，皮脆咬落卜卜声，肉带咸香，还配备特制酱料，点一些食落微辣带沙爹口感，不错。《老坛酸菜桂花鱼(原条)》侍应捧来一个大圆碟，即时将台面嘅面积占了很大空间。见到汤上满满的鱼肉、咸菜、莴笋、粉丝，还有桂花鱼头，确实很大阵仗，材料是充足有余，味道亦很惹味，尤其是桂花鱼原条切片，每一嚿鱼肉也很嫩滑，而且也很入味，这道菜足可四人食用，送几碗白饭也不过份。《大茘枝番石榴沙冰》虽然我食中菜很少叫冻饮品，不过食川菜嘅时候叫一杯冻饮傍身以避免食到鼻涕口水流得尴尬样子，这般沙冰几好味，两种水果味道捞埋几夹，沙冰嘅好处就系一路饮而冰一路溶，饮极都仲有，很抵饮吧。呢餐川湘菜确实印象难忘，尤其系那个酸菜桂花鱼肉质鲜甜，另外亦赞一赞侍应服务几周到，换碟、加水都很快手，所以整体感觉不错，食过今餐后，我又可以约其他「无辣不欢」嘅朋友再擦一餐。
继续阅读
与朋友相约聚旧，朋友知我心意钟意吃辣特登约我此食店食川湘菜。入到食店感觉几优雅，而且带有中国特色的装饰，渗透古典美。茶杯几靓！餐单上有唔同风味选择，有渝风篇、花湘篇、泡椒篇、干锅篇、水煮篇、酸菜篇等，似乎就算系「辣」都可以有唔同嘅烹调方法，确实很吸引。柠檬泡椒凤爪~呢一个系小食类别，见到呢个菜名就估到辣辣地又带点酸酸地。我都忍唔住用手攞嚟食，凤爪肉实不稔，食下一只、食下又一只，滋味。桥边陈麻婆豆腐~平时系其他餐馆都有食麻婆豆腐，而呢碟麻婆豆腐喺辣还带香同麻。豆腐幼滑，绝对系伴饭佳品。张飞牛肉何谓张飞牛肉？原来是其“表面墨黑内心红亮”就似张飞，味道方面，食落有点似牛肉干的韧度，而肉上面已有一些香料，食落带少少咸香也有少少辣，适合用来佐酒。还有些红萝卜丝、青瓜丝、芫茜、蒜头，可以连牛肉一齐放入口，口感层次很丰富。担担面~面身幼细，面上铺有肉碎同葱花，汤头不算辣，唔想食饭可以食面也不错。桂花杞子冰粉~有趣的一道甜品，每粒冰粉都咁晶莹通透，就好似水晶咁一闪一闪，口感似黑色嘅凉粉，加上一啲黑糖桨，好味㖞。呢餐川湘风味唔错，「辣」得有心思。
继续阅读