影片
天水围街坊介绍呢间格仔饼好好食，咁就即管试试。因为坐低食，除左格仔饼仲叫左碗腐竹糖水。嗱，个格仔饼系真系世一，佢系松脆路线唔系烟韧路线，轻力已咬开，多花生酱好满足，暂时未食过其他格仔饼有相同嘅质感。天水围咁远真系都唔知几时再有机会可以食到。但碗糖水就真系麻麻，你见根本就系糖水加腐竹，腐竹都无煮溶，完全无腐竹味，都真系好吃力先食得晒成碗。间舖卫生亦都麻麻，席间见有小昆虫，怕嘅外卖会比较好。好评只系俾格仔饼。
继续阅读
每次去亲天水围都一定会叫呢间甜品舖嘅格仔饼不过近排加咗少少价$20/1份喺出边从来都唔食格仔饼但呢间你唔叫会觉得蚀咗🤣其实佢仲有好多绵绵冰系列新式甜品同埋传统糖水系列亦都有其他熟食小食佢嘅格仔饼做到外脆内软而且真材实料如果住附近唔使担心佢买到返屋企都仲系脆卜卜而且会漏油😋😋排紧队嘅时候隔篱左右都系叫紧格仔饼不过佢得壹个炉系整格仔饼如果你要食就要等等我仲试过佢嘅榴梿特色糖水上边嘅雪糕球系额外分开独立包装返到去再摆上去都未迟仲有佢嘅特级鱼肉烧卖比起出边嘅系有啲贵$12/6不过大大粒鱼肉味亦重好味
继续阅读
🌹12 December 2021去开新北江又即刻会念起呢间小店所以晚市时去叫左几样野食小店不大 入面有三张枱几次黎 都系得一个人负责落单 整野食 同收钱辛苦你了🙏呢段时间 钱都不易赚讲番叫左咩先叫左一份肠粉（4条）$12一份烧卖 （6粒）$10一份格仔饼 $181） 肠粉+烧卖 $22想讲 份量都唔少呢同埋呢间好既地方系佢落既酱都好多令到口感更丰富🌹肠粉黎到系热腾腾的喔食落口系滑的唔会好似其他小店咁 食落系粉的😹😹证明佢地都系好fresh岩岩整起😜烧卖方面食落无肥肉味😜2）格仔饼 $18呢间食格仔饼 唔算平因为旺角食过 12-14$一份都有交易但我觉得呢间系贵得有道理首先佢系即叫即整的黎到系脆卜卜嫁 唔会好似出面咁整到好淋😹中意食脆口野既人一定要黎试除左脆卜卜外佢中间落既酱都好多令到成个饼既味道再提升呢之后再行开新北江 都会黎帮衬🌹
继续阅读
夜晚无聊聊落街行下行下，行咗去新北江商场，平时都系上一楼食其他餐厅，原来楼下有一间开咗好耐嘅糖水舖-芯记甜品…我平时比较钟意食中式糖水，咁啱佢呢度有姜汤汤圆，咁就买咗几碗返屋企同屋企人食😜姜汤糖水（$25）好够味，微辣，饮落去暖粒粒，我钟意一饮落去个心即刻暖哂嘅感觉，而汤圆一碗有六粒，全部都系芝麻汤圆，一咬落去个皮好烟韧，而且入边芝麻馅有流心嘅效果，好好食，细细粒一啖一粒。下次有机会都试吓其他先…
继续阅读
之前已经觉得唔好食，唔会再有冲动去买，今晚屋企人心血来潮想食糖水，买埋返屋企，谂住有人买返唔好嫌三嫌四拣边间糖水舖，点知返到泥，又系失望收场我家老细话以后唔驶旨意再去，咖哩萝卜猪皮、黑椒鸡翼尖同榴连河粉，咖哩无味连盐都嘥返、萝卜无味之余仲要有涩味、榴连河粉入面两旧蚊形榴连系爽嘅，甜味欠奉，河粉系淡嘅无甜味，淡奶俾啲水沟稀晒难食到一个点系唔写食评唔得最正常反而系黑椒鸡翼尖，睇过其他食评，话好食嘅多数系格仔饼，今次似乎系太天真，以为间舖头叫芯记糖水，叫错食物品种
继续阅读
您可能会有兴趣的...