影片
营业时间
今日营业
12:30 - 21:30
星期一至日
12:30 - 21:30
以上资料只供参考，请与餐厅确认详情
今日嚟到奥海城揾食， 拣咗一间甜品店芋见好圆，里面除咗有甜品食之外，都有其他台湾小食饭面，我就拣咗个仙草2号， 里面有芋圆红豆珍珠， 糖水底可以自由选择， 黑糖鲜奶／桂花茉莉绿茶／ 锡兰奶茶／红豆汤／ 黑糖姜母茶／ 黑糖桂圆红枣茶，我拣咗 黑糖鲜奶 ，比较甜份量都几大碗算足料，仙草带有少少苦味，质感有啲似凉粉😅， 座位唔会好挤迫 环境舒服。
继续阅读
话说行到攰 谂住揾间野坐低食小小野就拣左呢间野我企住在cashier度 2个店员倾住计唔过黎落单到过到黎落单时就西口西面摆野食落枱前我指住张枱话污糟叫佢抹佢扮听唔到 成盘野照摆落黎然后走左去🙄地下又污糟 有野食跌左都唔清洁下食食下 有人想order d职员走哂入去 果个人好大声叫左2声唔该都冇人出黎应机千祈唔好去呢间！
继续阅读
从未食过咁难食嘅烧仙草，成pat嘢咁。话就话系热，嚟到碗嘢好似龟苓膏咁，要用匙羹撩开后先见到啲料。仙草同芋圆都系室温，芋头仲要系冻。中伏！见到都唔开胃🤮唔会再嚟！
继续阅读
员工嬉皮笑脸，同隔篱铺啲员工喺度玩唔做生意，成班去哂后面厨房唔出嚟。一杯嘢饮落单落咗成分钟，好似听唔到人讲嘢咁。叫微糖就出超甜，饮两啖顶唔顺车咗落垃圾桶。奶茶底完全无茶味无奶味，饮咗几啖个甜味系个口轮回，完全唔散。一开始就咁睇个色都知中伏，推荐嘅乌龙奶茶系纯白色，完全无茶色。仙草都奇奇怪怪，似啫喱多过仙草。卖点嘅芋圆好淋，一啲咬口都无。成杯嘢真系揾唔到有咩可以赞吓，见到其他枱都系碗嘢食咗几啖就走咗。
继续阅读
Weekend食完晚饭，八点几去到。呢个时间应该都系甜品店黄金时段。点知店内1/3吉台食完无人执台，地方污糟邋遢。柜面有个男仔好专注咁打紧机。我哋唯有走埋去柜台麻烦佢执台啦⋯⋯执完台佢无理我哋，亦都无比餐牌招呼我哋叫嘢，只系继续专注地打机。几分钟后，连隔离老虎堂个男仔都走埋过嚟，佢哋就好专注地吹水啦。十分钟后，我哋自己行埋去柜台打算叫嘢，佢哋继续专注到我哋企咗系柜台打算叫餐，佢哋都无理我哋，唯有主动打断佢哋嘅话柄啦⋯⋯好啦，排除万难终于点餐啦！佢舖头主打芋圆，咁就紧系叫芋圆食啦！点知个男仔听到，就只答一句「卖晒⋯⋯」。之后就无理我哋继续吹水。。。但系openrice睇返佢哋营业时间系去到十点。即系只系开住舖唔使做生意、打机吹水到十点真心邓佢老板惨，打开门口但唔做生意。即使八点卖晒预备咗材料，都仲有两个钟，都唔打算再整d出嚟卖？所以，我哋唯有去market place 买外卖啦
继续阅读