芊味屋 (已結業)

大角咀富多來新邨，食肆林立，各適其適，已經成為區入食午飯買外賣熱點，當中有一間門面毫不起眼，只做外賣沒有堂食的小店。多年前曾冒名而來，但得知堂食欠奉，最後只好望門輕嘆。適逢受禁堂食令影響，外帶成為新常態，令我重燃幫襯芊味屋的衝動。小小的門面，貼出多達三十款美食，絕非「交行貨」式的選擇，中式小炒即叫即做，西式焗飯也是on demand，款款配搭新穎，即使日日幫襯也不乏新鮮感。所謂不入虎穴焉得虎子，本人三番四次、反反覆覆試均餐牌上的中、西、港式外帶盒飯，才敢出這個食評，可以非常負責任話比大家知道，呢度每樣放得上餐牌的，都有水準，唔會令大家失望。今日氣溫驟降，介紹返我的午餐係熱辣辣的粟米魚柳焗飯，行返公司步程大約12分鐘，個焗飯仍然熱辣辣、香噴噴。你睇焗飯上面不惜工本鋪滿芝士，仲烤到岩岩好，面頭有少少燶。一啖食落肚，即時暖笠笠，大幸福啦！唔講咁多，我要慢慢嘆我個焗飯啦！大家不妨試下。…查看更多

第一次幫襯，非常好的經驗。價錢經濟，份量十足。食物準時送到。食物到達時，仲係熱辣辣嘅。真係無得頂呀！！特別推介咖哩雜錦，非常入味大人細路都食到停唔到口如果要再訂Party Food都一定會再幫襯。…查看更多

小店始終係有人情味，今天在新界到九龍奧運站工作工作後回程經過富多來商場附近小店，已經有一兩個學生在門前，進店後老闆及老闆娘笑容滿面問我食啲乜？我睇睇餐牌有很多選！例如有麵食，包類，炸雞脾，炸魚柳，煎雞扒，肉操飯，滷水類別各式各樣，我思考了一會兒😭選擇了炸魚柳台式肉操飯！當時又有另一班學生衝入來叫餐，我心想好彩已經叫餐😋 不到5分鐘完完整整的台式肉操飯放在面前，老闆你仲送多隻滷水雞翼我食味道很好💯份量尚算可以👍小店加油💪下次一定會再來。…查看更多

邪惡炸雞脾下午茶餐$30，不是平時食開的普通炸雞脾，佢唔知用咩炸粉做，味道係ok好食，最緊要係即叫即炸，下午茶餐包沙律和一盒飲品，我建議加多$3轉罐裝汽水支持大角咀街坊小店，老細2公婆好好禮貌，d野食又唔差，基本上你唔會揾到一款食物係難食的。…查看更多

樓下開了一間新食肆芊味屋,周邊的食肆都食到開始有點厭倦了,這家的店子很小,只有2張枱仔,來到時見到都有堂食客和等取外賣的人,我個人比較喜歡堂食,因外賣的食物大多會放涼,雖然要等位,等了不太久就有位了。試了這間的下午茶餐芊味三文治,28元包盒紙包飲品仲跟薯條,味道唔錯份量足,店員有禮,態度親切。臨走時見對面客人叫了客吉列豬扒飯,豬扒炸得好靚又大塊,還有煎蛋和肉燥,個賣相幾吸引,已鎖定目標下次要試這款。…查看更多

今日去了試業中的芊味屋食lunch，真係抵食又好味！首先叫咗個香茅豬扒肉燥飯，估唔到d豬扒多到舖滿咗半個碟，鬆脆又juicy!!!而紅燒牛肉湯麵d牛好入味，不過不失。特別推介芊味三文治，真係超足料！個瑞士雞翼又好入味，值得一讚！舖頭細細，好有人情味，真心支持小店！…查看更多

已經很長時間沒有心情四處找新食店了，今日難得午飯時間想食好點，就來大角咀尋找目標。一心來尋找新食店，一個"試業中"的牌子，就把我吸引到了芊味屋。店子很小，只有兩張小檯子，最多坐四個人。有幸今天有位置坐。點了水餃撈麵(要辣)。點餐時才發現是雙拼，再加點紅燒牛肉。水餃太細隻，唔夠喉。紅燒牛肉超多，我覺得比本身的麵底更多，好抵食！撈麵的麻辣醬汁味道有點濃，不過我就是喜歡食濃味的人，正合我意！$35包一盒紙包飲品，雖然麵底及水餃有點唔夠喉，但單是牛肉的份量已經值回票價。…查看更多