良景大酒樓 (京都飲食集團) (已結業)

週日到良景買餸,跟大人順道閒逛一下商場另一邊,今次才發現這間佔地頗大的屋邨酒樓。地下外賣部有著種類不少的家常小菜, 看來也蠻像樣;旁邊就是掛滿燒味的燒味檔,大人看中那件靚靚燒肉就決定斬一條骨, 再買一盒鹹菜煮豬雜佐饍。燒肉吃來不算脆皮,還未至於軟皮程度,可以脆一點當會更可口,肉質頗柔軟而且有點肉汁, 鹹味不高, 一條骨取價$55 不算便宜。師傅斬得大小不一,以外觀來說就不夠仔細了。咸菜豬雜有新鮮粉腸和豬肚,前者沒苦味後者不韌,而且份量很多,化算!炸支竹吸滿湯汁,好吃!鹹菜份量比豬雜還少, 淡淡的味道不太過酸或過鹹,多口呷一口湯,原來有丁點黑胡椒味,這味原來是胡椒鹹菜豬雜,失敬失敬!! 只是胡椒味道輕手得很,要是可重味一些,味道應會更佳。燒味檔押上師傅石哥名字, 大大張彩色橫額很有氣勢,石哥對著這兩個生客不苟言笑, 跟熟客就口沫橫飛,幸好那盒燒肉早已包好,不然燒豬皮可能更軟身。

響果邊大，以前酒樓都唔係叫好食，但都過得去啦，日日都好爆！點知換左手（上一手）之後，頂．．．去打邊爐，Ｄ野又慢又唔好食，咁唔再去果邊打邊爐，咁有日星期六下午去飲下午茶，慘～果日人唔係多，得果廿台到人～我點個牛肉，嘩，佢一黎到，都咪講笑，生架，佢蒸左都唔知有冇３分中呀，一籠生的牛肉上台，同個部長講啦，佢就咁睇一睇，劃番個點心印，之後就拎走籠野，一句唔好意思都冇講，之後Ｄ野又黎得慢，果日我地坐房，響入面聽到隔離台Ｄ人都成日嘈，有Ｄ嘈Ｄ野遲遲未上，有Ｄ話Ｄ野未夠熱，總之經過呢次，我都唔敢再食！

一大班人玩到九點，諗住酒樓會開得夜ｄ，所以來左呢到（因為呢條村淨係得呢間酒樓）可能無乜人，覺得冷氣好大。ｄ餸好快就吹到凍晒小菜就普普通通，但我地叫左隻片皮鴨，本來都ｏｋ，但想要多碟青瓜絲，點知個”燒味部”伙計好大反應，又話做乜唔問過佢\\\先答客人，呢枱要青瓜絲，個枱又要紅椒絲，想做死人咩。結果都係有一碟，但我地無人敢食囉。

自助餐酒樓的特色:1.自己搵位(好多街坊酒樓都係咁)2.自己執檯(座左成個字都冇人理)3.自己擺位(擺完位先至有個亞姐行過黎掉低張點心咭)4.自己斟水(剩係夲人拎住個茶壺去斟水至少四次)5.自己執檯(又執檯?d點心冇位放,要自己執開d蒸籠及點心碟)6.自己拎張單去櫃面埋單(好多街坊酒樓都係咁)野食味道又唔係好味,價錢又唔係平(冇服務都要加一),d亞哥亞姐(侍應)又勁冇禮貌,如果唔係果日時間緊迫我一定唔會去。

各方面都ok 啦~係有d員工冇乜禮貌囉......仲有廁所唔太乾淨....

未裝修之前，我仲記得有一次充滿期待食珍珠雞，點知入面有一隻大大隻”烏蠅”！！嚇到我嘔都嘔唔切！真係難忘，從此之後我都冇再食珍珠雞，真係多得佢唔少。我諗佢裝修完之後會好ｄ啦，點知ｄ小龍包又貴又唔好食，得個樣大粒，入面乾珍珍，一ｄ湯都冇。好似食粉皮加肉咁。個次所依舊都係咁濕粒粒，成地下都係水定唔知尿，扇親人都唔知。ｄ碗都未洗乾淨，入面有ｄ粉皮，污糟到死。

幫個friend搬屋，係度晚飯。七宗罪：1. "咁齊人呀！就呢個餐喇！$22XX，抵食啊！"態度係你唔咁落單就係你老襯。2. $22XX 餐包蒸魚：二揀一(虎班、東星班)，落單後，captain話冇呢D班喎！其他選擇好唔好？不過，真係要既話，加$300喇！(有冇攪錯！開始有D俾人逐樣閹既感覺…)3. 上菜超慢。4. 芹菜帶子上，連匙羹都冇俾！問阿姐就真係俾個食飯匙羹我地，連分菜既用具都冇意識到要俾客人。5. 沙律賣相極差，係一大pat白醬蓋住D唔知係乜野既款。6. 除左菜膽雞湯翅同炸子雞外、冇野好味道。7. 飯後甜品(生果盤及糖水)淡mou mou！

o係外賣檔buy 蝦餃, 裡面係有一粒小昆蟲ga lor, 而且個樓面都好污漕, 不過佢獨市, 吹佢唔漲~

多年前, 佢未裝修前, 我曾經呢度飲茶, 只係飲一啖, 便覺得好怪, 吐都吐唔切, 好奇心驅使下便打開茶壺望下, 再用筷子攪下, 竟然發現入面有貓貓的XX, 真係嘔咁滯,我登時大叫一聲, 伙記知道後, 竟然搶去茶壺,我腦入面只係想離開, 所以冇同佢地爭, 依家回想起,我應該報食環處,為市民除害!

呢間restaurant差都極點!! 酒樓裝修了, 蟑螂不再給你加料, 可惜味道仍差!! 食完會肚子痛, 可能原因是我個人腸胃不好(but every times都會肚子痛!), then去toilet, 嘩!!! 我寧願回家去!!! 因為個廁所十分dirty!! 以前蟑螂周圍走, 現在卻沒有, 可是通地都是水, 你根本分不清是別人的還是洗手的水!! 我對這間酒樓感到非常失望!! 價錢雖合理, 但我寧願去市中心間明星飲茶仲好, 又平, 衛生環境又好好多!!

o係呢間酒樓飲過2次早茶,2次都係6am去,o係新墟neway 通頂唱完k 之後去的...d野都ok好食,一大朝早去個feel都唔錯...價錢合理啦...

未裝修之前環境衛生食物質數皆屬下下之選裝修後環境乾淨好多,食物質數亦提升了另外最抵食係門口的外賣燒味部,佢d燒味飯又抵食又好味哩間酒樓仍獨市生意,所以唔休做,水準差都有街坊幫襯,如果住o係付近又貪方便的話可以一去

我只飲過茶,點心得喎!

服務差、食物水準劣、& 衛生環境差。 總之少幫襯為妙。

Every thing here is terrible! I live in this Estate, but I just want there for once for 10 years. It is really a "rubbish" restaurant! I have even heard that a person ate a piece of glass !