影片
以上资料只供参考，请与餐厅确认详情
夜晚难得一个人食饭，叫左个期待以久既小边烤鱼(可选鲩鱼、𫠐鱼)，我选了𫠐鱼，贪佢D肉应该会滑D。食落虽然冇预期既滑，不过不失。，如果想食大啖肉可选鲩鱼。我选了麻辣小辣，好味, 够野味同辣，不过少配菜(得好少黄芽白，少少葱 ，多蒜，岩我呢个蒜怪，烷茜)。另加配菜每款要$18，我加了木耳，量也不太多，刚好可食晒所有野连骨都完成。一个人刚好食得饱饱，卖单$166，满足。如果有人陪，天口热，叫番支啤酒啤啤佢仲爽。
继续阅读
酸菜烤𫠐鱼🐟($218)侍应推荐既烤𫠐鱼，鱼骨比较少，食得放心👍🏻，可惜鱼肉偏硬，口感麻麻。而个酸菜汤底仲衰，酸菜得个咸字，辣度又冇😫，个汤唔够重口，连带鱼肉都唔入味。-药材鸡煲🐔($138)药材鸡煲上枱既时候见到好足料，点知滚起之后试饮一啖，冇味啊大佬😂，得个样！好彩鸡件半只都几足料，滚完之后啲肉够滑够肥美😍，弥补返汤底啦。-只系叫左炸芋头做配料，等左半个钟都未有，最惨系乜？咬落去系酸臭既🙂。仲惨系乜？侍应丫姨坚持话冇问题，系司令食唔惯芋头阵味😂。冇下次啊唉！
继续阅读
其实好耐前都想试呢间川菜，但上次嚟见水静河飞就即刻走人，今次又经过见都有几枱客㖞，即本试吓啦！店员推介孖宝好抵食，咁就食孖宝啦！本来佢哋SET系鸡配蒸鱼($218)或者系烤鱼配花甲／虾($238)，但我哋想食烤鱼配蒸龙趸头腩，店员话无问题，价钱都系收($238)！！真太好！另再加多个辣子鸡($78)！！酸菜烤𫠐鱼 － 𫠐鱼煎炸得非常香口，肉质滑溜，鱼骨鱼头都好入味。虽然汤底拣小辣但都几辣吓，味道浓郁。配菜有大豆芽，木耳，少量莴笋，如果可以配埋薯粉会更加好。食到咁上下，个汤汁越来越浓，配菜吸晒精华，所以变得颇咸，其实佢餐牌都有不少火锅料，如加料打埋火锅应该不错，不过我哋得3个人，所以都系留番下次先啦！蒸龙趸头腩 － 呢个出乎意料之外喦嘅好食，鱼肉非常滑溜，味道调配得唔错，带有鲜甜味，伴有木耳蒸鱼，可以减低油腻感觉。辣子鸡 － 味道可以，但又唔系话好出色，辣味唔够多，呢个辣子鸡直头系鸡件，唔系鸡丁，我个人觉得大件咗D。可能系鸡件关系，会觉得炸得唔够香脆干身，如干身一D应该会比较惹味香口。另外呢度仲有其他小菜同串烧，下次多D人再试试！
继续阅读
12月31日，打算去吃烤鱼兴祝新年~ 记得这家“良品”! 刚好这家装修，说要1月1日才开! 后来致电老板，他也答应提早一天营业^^ 开心死了!! 这是烤𫠐鱼^^ 这是火锅底，点了小辣，但辣度很够了，再辣就吃不了。味道汤底做得不错，未吃都流口水＞＜ 不过，𫠐鱼比较无鱼肉，鱼骨香口，但就无肉感! 感觉就是鱼骨鱼骨跟鱼骨 条鱼贵了一点点~~这个一定要点来吃!! 我叫了2碟了!! 这是红薯粉~~ 粗的才好吃~~ 放入辣汤入面煮一煮，1分钟食得^^ 滑滑地，不会“un”，好好味啊^^~配左碟牛肉食，片数好少，又好贵!! 肉质系唔错，脂肪分布都唔错了，比出面打边炉都比较好吧!! 但不值得叫来吃~~这是配角，随便吃的~ 还是好吃的吧! 牛柏叶不建议吃这么多~ 不健康这是咕噜肉，这家的咕噜肉做的不错啊! 色泽，味道都很不错! 热腾腾的上菜，即叫即做^^ 这些肉都没骨，很有肉感，挺好的吧!
继续阅读
一心谂住黎石塘咀食鱼锅，点知黎到，转左手，唯有胆粗粗试下啦！先叫左啲小吃先一试，又唔错㖞，全部都大大碟，价钱又唔贵！如果饮酒人士，重点推介，辣子肥肠，送酒一流！鱼锅出场，我地六个人，所以叫左要大边，黎到真系好大条，真系物超所值！味道野味，配料又够！6个人都系食左4百约蚊，超抵！！！
继续阅读