船仔 (和宜合道) (已結業)

晚餐叫咗個一人火鍋餐等咗半個鐘之後先同我講無晒之後轉左要金邊粉見佢咁多food panda 單要做我都費事催佢點知等咗好耐之後見佢廚房啲員工又喺度傾吓計冇嘢做但係我仲未有得食原來冇落到單呢間野令人勁無奈希望啲員工可以認真啲另外朋友點嘅海南雞飯簡直係垃圾中晒伏啲雞凍冰冰又無味又鞋油飯只係微暖一啲油香都冇淨咗一大半無食反而佢嘅咖喱湯金邊粉係比較正常濃得來唔算超辣不過其他方面實在有太大嘅改善空間起碼員工之間溝通要改善下同埋等上菜時間實在太耐

本身食完啲咁難食嘅嘢都唔想再講啦 但係食完真係嬲嬲地見佢新開就諗住試吓 $45話有沙律甜品同嘢飲 好似幾抵 就叫咗個雞翼黃咖喱飯 點知咖喱汁得嗰幾啖 飯就起碼有兩大碗 沙律都得好少 都算啦 啲雞翼好咸 然後所謂嘅椰汁糕好似橡膠咁 我用匙羹切係咁切唔到 要用手拎起咬 呢間野可一不可再 唔會再幫襯！我仲要加左$12 有兩舊炸春卷 入邊都唔知咩餡嚟㗎 好似有啲芋頭泥咁專登上嚟真係想俾個劣評佢 希望大家真係唔好中伏！

船仔 (葵涌)葵涌和宜合道222號海昌大樓地下A號舖午市時間去到，都幾多人幫襯餐廳環境十分乾淨舒適山長水遠黎到點都要試吓佢既招牌船麵泰式豬肉丸肥牛船麵超級鍾意食佢哋嘅豬肉丸😋細細粒但係肉味濃郁而佢哋嘅肥牛同平時出面嘅肥牛唔同👍🏻係厚身少少嘅，唔會薄切切湯底都好香濃，加埋炸辣豬皮同炸蒜，超惹味黃咖喱豬頸肉飯咖喱汁好重椰汁既香味微辣豬頸肉都燒得好香脆龍眼冰清熱消暑🤤仲有好多龍眼肉喺裏面添泰藍青檸梳打彩色繽紛影相打卡一流評分:9.5/10

是日外賣 本身佢嘅餐單已經無太多選擇 最後揀左個泰式海南雞同咖喱豬頸肉飯 好啦20分鐘外賣到開餐 海南雞係配相信係油飯嘅飯 個飯痴立立 加上完全無油飯味 好難入口 海南雞 8成係骨 1成係皮 1成係肉豬頸肉 咬唔開 咖喱得個辣字 兩個飯嘅配菜係椰菜 好似食緊草咁 用水恰兩恰就算咁 超級青 兩杯凍奶茶 得茶味 飲左啖 完有跟甜品 嗌左兩隻味嘅椰汁糕 都係好難食 已經唔識形容有跟湯 咸到覺得飲完會腎虧最後每樣野係我肚餓嘅情況之下各食左一啖就放棄 唔係想浪費食物 但真係入唔到口永遠唔會食 唔該

午餐經過就入去試吓，同朋友一人叫一個麵餐，叫咗個船麵餐，湯底超鹹，+$7轉泰國公仔麵啲麵都好鹹🥵 另外仲叫咗肥牛冬陰功湯麵，啲肥牛塊塊有根，咬到牙胶都軟，係個冬陰功湯底叫似返啲樣，最重要係食食吓咁啱望到入廚房，發現負責整野食個哥哥仔個口罩全程一戴一露，只掛在下巴做裝飾，哥哥仔明知我望住佢，佢都無諗住有戴返好個口罩嘅打算，仲一邊製作食物一邊同出餐阿姐傾計，而家非常時期，員工基本衛生都做唔到🤢 食物真係難食，唔會再去食！

外賣海南雞飯第1次食咁難食既。10級震撼。雪藏？蒸雞？無味雞？黃色糯米飯？無醬？無餐具？用手食？湯，鹹到不得了。味精湯？串燒，未至衰伏，但唔值呢個價錢。食緊雞扒串燒？雞好硬但好似又唔係燒，似烤焗？唯一個沙爹醬合格。豬串燒算合格啦。

讚1. 炸蝦餅好味，彈牙，炸得唔油，真心係幾跌眼鏡，配啤酒唔錯彈1. 船河係唔合格，湯差，鹹得黎唔香，豬油渣係全部都諗既，醃料係港式魚片，唯一可取之處係幾大碗2. 上菜幾慢

今天下午突然想吃泰國菜，看到賣相不錯叫了外賣吃，海南雞飯連餐湯+香茅雞翼。餐湯跟雞翼鹹到不得了！！！完全不能入口！！海南雞飯沒配醬汁，油飯沒口感又乾、懷疑是用顏料炒至金黃色。海南雞賣相超差、餸頭餸尾的樣子、雞非常的油！！是否隨便的弄一隻雞當海南雞？整個外賣就是零分！！！差到不得了！！！還要賣$61，完全不值！！沒吃過那麼難吃的海南雞飯！！！！是否不是堂食就給我這個質素？完全是令顧客失望！！！不會再幫襯！！！

今日黎開依頭附近做野，發覺依度都有間泰式船麵，係區內小有wor，所以入左去食。餐廳幾spacious，啲櫈枱都大，坐得舒服。入到去發覺佢menu野食幾地道，有飯有麵，仲有唔同款式既泰式特飲。我叫左個船麵餐，牛丸+豬湯+金邊粉+配凍朱古力($35+3)，抵到爆呀！另外佢有唔同既seasonings，無限放題。等左一陣就有野食，發覺佢碗船麵都好大碗，唔似其他餐廳都係細細碗咁，想焗人食多幾碗。首先試下牛丸，牛丸充滿牛味而結實，唔錯。另外，有唔同配菜，如芽菜、炸蒜、豬皮等，想講下佢個泰式香辣豬皮唔錯，有咬口得黎幾香口！另外，佢既湯底濃得黎唔會油，好正，好濃，再配埋金邊粉，真係好食！佢杯凍飲大大杯，好濃朱古力味，又唔洗加錢，幾好！總結：$38食到正宗泰式船麵，份量多，又有凍飲，真係平靚正！！

呢輪響葵興呢邊開工, 所以就試下呢邊D飯店行過呢間舖頭幾次, 個門口LOGO隻船仔幾搶眼, 今日終於入去試下點左佢地招牌水門雞, 即係海南雞1) 蘿白湯: 好過例湯, 塊蘿白幾好味2) 海南雞: 無骨, 好瘦, 唔夠滑亦唔夠香, 只可以點醬黎掩飾下3) 糯米飯: 其實...我有少少懷疑係咪糯米, 表面係金黃色, 但可以話無雞油味4) 青瓜蘿白: 估唔到搶返分既係配菜, 酸蘿白夾飯一齊食就搵返海南雞既感覺5) 豬肉: 店員工話係呢個餐送既, OK喎, 爽得黎有豬柳味, 好過D雞好多6) 奶茶: 哇, 呢杯野吖, 唔知係咪佢地用泰國進口奶, 同飲開既完全唔同, 味道好特別連凍飲$51

今日晏左起身，食野時間已經到下午茶，先前係石門已經見到呢間鋪，俾佢任食串燒吸引左，不過今日先品嚐船麵同水門雞飯。進入門口環境光猛，位置亦舒適寬敞，整體亦乾淨企理。有一姐姐熱情介紹食物，招呼有禮，亦不怕改單。所以我們先點了水門雞飯，泰式雞飯不同海南和新加坡式，油飯油香不太足，但個人口味喜歡飯較黏稠所以okay，雞份量亦不錯一碟5/6舊左右，雞不算滑但味道尚可。船麵選了四寶 米粉 豬湯 味道濃厚，有泰式風味個人滿50蚊會送兩串豬肉串燒，沙嗲醬花生味厚，肉質不乾，肉汁滿滿。飲品 soda同 泰式奶茶soda正常 奶茶用煉奶底偏甜

［石蔭餐廳首選之一］今日第一次食，印象良好。佢哋個豬皮粒好吸引！裝潢不錯。味道頗佳，香氣十足，賣相不俗。價錢合理。生意麻麻，位置偏僻，多次轉手，故少顧客。如經石蔭，船仔食肆，值得一試。

落大雨唔行咁遠，試試屋企附近新開的泰國餐廳菜單選擇不多，主食得3、4款，船麵米飯等等，其餘都是串燒等小食〜黃咖哩豬頸肉飯，豬頸肉厚薄適中，但稍微韌過頭。相反個黃咖哩甜甜辣辣，個味調較得非常好，愈食愈開胃小食牛串燒，無咩特別，同樣都是肉質過韌太老，有點可惜泰式無骨鳳爪，好耐無食過，呢度$18三隻。酸酸辣辣，加咗醃蘿蔔，幾好味又開胃，不錯成間舖裝潢都幾骨緻溫馨，牆身掛滿咗可愛畫作同語錄，幾搞笑。加上座位好寬闊，不錯

今日經開和宜合道，見到呢間船河嘅專門店，就入去試吓，因為喺香港都比較少呢類型嘅食品，誰不知有驚喜😍味道我覺得很不錯，湯底濃度適中，特別是老闆親自從泰國安排直送的辣豬皮，配合在這個湯底上，簡直就是完美配搭!鑒於我個人比較喜歡吃豬頸肉，所以我對豬頸肉嘅口感很有要求， 而他的煮法正合我口味，他們的香料剛好去除了雪藏味，口感也非常彈牙所以這碗泰式豬頸肉船河特別值得推介！題外話，老闆原來都是90後，所以我們絕對支持年青人創業👏🏻👏🏻🙏🏻

聽同事講最近公司附近開咗間新嘅泰式粉麵，擇日不如撞日，即刻約埋一齊去試吓。餐廳位置接近和宜合道同梨木道嘅交界，由於餐廳新開張所以都比較多人排隊，好彩等左10分鐘左右就有得入座。⭐️四寶丸檬粉 ($40)湯底有豬湯同雞湯揀，我揀咗船麵豬湯，湯底濃味得嚟唔咸。檬粉煮得腍咗啲。四寶有魚片，扎肉，魚旦，豬肉丸，份量略嫌過少。⭐️扎肉檬粉 ($35)⭐️黃咖喱肥牛飯 ($45)⭐️凍奶茶 (+$3)原來配送嘅奶茶係港式凍奶茶，泰式奶茶屬特飲類😂⭐️佛系龍眼冰 (+$5)味道清甜，不過用樽裝，要飲到底先食到龍眼肉。泰式粉麵必備 : 魚露，炸蒜，醋，乾辣椒粉新裝修，環境光猛新淨。可能係新開張關係，安排有少少混亂，眼見有睇錯枱號上錯菜，食三個餐收四個餐嘅價錢，不過呢啲都係隨住時間可改善嘅問題，反而收銀姐姐嘅態度就真係建議盡快改善下🤔人客係嚟食泰式船麵，唔係泰式黑面👀