航家小廚 (已結業)

平時行過見間鋪人數都唔多，諗住貪方便去買外賣，叫咗個生炒排骨飯，等咗15分鐘，攞住個外賣走出嚟講，話煮錯咗，問我食第二樣得唔得？因為我唔食牛，所以冇要到，之後再等10分鐘，攞咗外賣返屋企，個飯盒極之細，生炒排骨有4粒，生炒排骨嘅底全部都係飯！唔跟嘢飲$61 ！真係黐線，唔怪得冇人幫襯，俾我真係情願食公仔麵！講返個味道，完全唔可以用好食形容！小心中伏。…查看更多

航家小廚地址： 牛頭角定安街120號永明樓地下完全影衰哂香港人形象！！！呢間餐廳真係令人嘔心，亦擔心他們的前程，祝佢地早日執笠。首先，今日我同朋友去呢間餐廳食午餐，叫了兩個午市套餐，餐牌上表明送免費熱飲、凍飲+$3 和特飲+$9，我們喊了熱柑桔蜜和凍杏仁霜，我們也先看了餐牌上這兩款飲品並不包含在特飲，所以才叫這兩款。但！直到我們付款後，發現金額不對，怎麼柑桔蜜+$5 和 凍杏仁霜 +$9了，我們立即向店員咨詢。然而！店員向我們表示這兩款是特飲以下是當時情況：我們問佢：但餐單上並沒有歸類為特飲🧑🏻: 我們這兩款一直都是特飲，通常落單時會同客人講，但今次我們忘記了，宜家你地俾完錢同你講翻我們：你們餐單並沒有列明和落單時並沒有同我們講喎，咁係你地嘅責任喎🧑🏻: 我哋餐牌一直都係咁，我冇收錯你錢！ (激動)我們: 你咁算係欺騙消費者喎🧑🏻: 我地一直都係咁！錢就係冇得退！ 冇現金！我們: 你們一直誤導消費者，遲早執笠喎🧑🏻: 祝你地早日俾車撞死！(好大聲)這商家做飲食生意，態度如此惡劣，明明是他們的責任，但要客人幫佢地埋單，而且還詛咒客人，一點尊重人的基本禮貌都沒有，「面係人地俾，架係自己丟」，影衰哂香港人啲形象，真的真心一句-「祝你們早日執笠」…查看更多

附近多間食店，此間感覺較新淨，空間也較大，所以選取了它，點了2個早餐，一個炸菜米+煎雙蛋+凍0茶，$38元，例牌早餐，不過不失，另一個牛扒+煎雙蛋+凍0茶，$45元，所謂牛扒早餐，件牛扒細到離奇，只有2吋x 1吋，以為比錯了，詢問店員，說是正常的😱咁樣個餐夠膽收$ 42元，認真佩服，多士牛油少之又少，其實，早晨是最不考功夫的了，可以如此質素，不知此店如何生存下去？放少少誠意，對客對己都有好處，如果食物好，有誠意，何愁沒有客？…查看更多

外賣自取、兩個餐合共$82.@沙爹牛麵 凍奶茶@沙爹牛腸仔 凍檸茶第一：真係霖唔明白點解沙爹牛麵個餐啲牛肉仲少過沙爹牛肉麵腸仔個餐！（邏輯上雙拼麵，我點兩個沙爹牛係咪比兩份沙爹牛先？或者你話唔可以咁選，咁都無理由少過雙拼嘅份量係咪先？）並非小氣拒絕份量有問題，係好簡單嘅原則問題！第二：我要杯檸檬茶，你比杯淨茶走檸檬？茶餐廳最基本最基本嘅檸檬茶，你唔好話唔記得，大佬尊重一下可以嗎？連一杯檸檬茶都未搞掂，唔好開茶餐廳啦.第三：味道先難以理解，沙爹牛肉顧名思義就是沙爹煮牛肉係咪？但是吃落去就好似一個公仔麵仲要係用調味粉做湯，跟住落幾片醃到過曬味嘅牛肉，再加幾滴沙爹醬係面？咁唔叫沙爹牛喔，應該係牛肉麵加沙爹醬！毫無沙爹味，味精滾碌麵.第四：杯奶茶無話可說，檸檬茶都無檸檬，奶茶點會有茶呢！都係個句，你唔尊重個客，都尊重啲食物啊大佬！…查看更多