影片
听朋友讲话呢间日本餐厅几抵食，$1,680 一个人omakase包好多样唔同嘅嘢，所以谂住去果度庆祝纪念日，点知估唔到会有咁「特别」嘅经历🏴☠️。餐厅个setting系坐bar枱，我哋𠮶晚去到𠮶时见到成间餐厅只得隔离坐咗一对中年嘅男女客人。我哋坐低咗一阵之后发现到omakase厨师完全冇理过我哋，例如上唔同嘅食品时，莫讲话解说，连𠮶件系乜嘢刺身或者寿司都冇讲，我哋要自己问个厨师先会答一句🥲。你会问咁个师傅做紧咩？佢将全部精神放晒系果对中年嘅大客，不停咁「李生」前「李生」后，又话敬佢饮酒，又同佢介绍新年可以系度搞private party包场，真系好好服务😑（只限于「李生」）师傅唔理我哋都算，估唔到去到中途更差☠️。话说果日TVB直播紧欢乐满东华🎶，然后「李太」食到饱唔想倾偈，想自己一个睇吓节目，所以就开hand-free大声咁播出嚟睇。当时成个场充满住欢乐满东华嘅声音，师傅无岀声、服务员无岀声、我哋同隔离另外一台客都黑住面唔出声😓…最后，播左差唔多一个钟，「李生李太」终于要离开啦，而当时已经九点几，即系我哋已经由七点几开始俾人ignore咗两个钟，听欢乐满东华听咗一个钟。大客走咗之后，师傅终于理返下我哋，但系𠮶时我哋同隔离𠮶台客已经面到黑晒，食乜都无味。我哋大约10点几走，而当时隔离另外一台客「庄太」都仲未开始食寿司，因为师傅太照顾「李生李太」，唔得闲俾嘢食佢哋，我谂状态应该同我有同一样感受，非常之不受尊重！坦白讲，有大客唔系问题，但系师傅同餐厅明知大客系比较自我中心，而作为老板嘅师傅又分神唔到照顾其他客人，咁唔系应该量力而为，𠮶日接少啲客或者希望其他客去其他分店？再者，你就算系大客，都冇理由当左餐厅去自己屋企，开hand-free大声广播，而餐厅冇理由唔出声，我自己觉得咁系对其他客人非常之唔尊重。我食完嘅感觉系餐厅根本唔需要其他客人，只需要「李生李太」，而我亦都唔会推荐呢间餐厅比任何人，除非你有钱得过「李生李太」，或者唔介意俾千六蚊听住欢乐满东华咁食，同唔介意个师傅完全唔理你，连你食紧啲乜都唔知。嘢食方面，以下嘅嘢食味道其实OK，只系我真系唔知食紧啲乜，因为我连个食物个名都冇人同我讲。
继续阅读
Super good omakase. Great service and fresh food. Have visited this establishment over ten times not only for the uniquely crafted sushi but more for the hospitality offered by the staff and the sushi chefs. Highly recommend and cant wait to visit again 😎
继续阅读
本身下午请左假谂住好好食一餐同同事每人叫左个一人铁板烧套餐互相试下除左沙律同前菜系正常所有海鲜鲍鱼帆立贝大虾都系无本身既肉味更加唔好讲师傅既手法可以令到所有野食都极之普通铁板烧无镬气无调味肉类上菜已经唔热银芽完全无味道师傅零交谈好多食物佢整完系放系佢面前无侍应帮忙上菜要食客自己手动已经唔知自己食左d乜最正常系杯啤酒同雪糕杯咖啡同个抺茶汤系入唔到口埋单人均700蚊呢个价位全香港大把选择难以明白点解咁多好评无下次讲完
继续阅读
几年前初尝厨师发板, 已经听闻 “舞鹤” 嘅大名, 未算预约困难店. 今日嚟到边宁顿街分店, 初访.🥰 餐厅设一张十人寿司吧枱, 及一张十二人铁板烧枱. 点咗Lunch Omakase, $880+10%, 包刺身五点, 一品料理, 寿司八贯.🥗 沙律. 蔬菜配蒟蒻, 加屈机芝麻酱, 有趣.🍥 茶碗蒸. 非常足料, 汤汁味浓.🐟 真鲷. 青柠汁带起鲜味, 三日熟成, 鱼味较浓. 🐙 水八爪鱼, 北海道. 口感实净, 唔黐口, 吸盘爽脆, 整体味道略淡.🥰 鳕鱼白子. 蛋白质味道香浓, 十个赞!🐟 秋刀鱼. 第一件配渍物做紫菜卷, 出色. 另外两片刺身超级肥美.🦪 珍蚝, 北海道仙凰趾. 一分为二, 裙边部份开始系梅醋味, 越食蚝味越出. 蚝身部份明显更重海水味, 忌廉口感.🤗 𩽾𩾌鱼肝, 汁煮. 肝膶口感出色, 味道浓郁, 慢慢渗透口腔, 掂!🐠 一品料理.. 烧吞拿鱼下颚. 皮脆肉滑, 以熟食烤鱼嚟讲, 完胜其他鮨店!🍣 第一贯.. 针鱼. 爽口, 配姜蓉葱蓉, 少少抢味.🍣 第二贯.. 手钓池鱼, 昆布渍. 味道较浓, 但油脂弱咗.🍣 第三贯.. 金目鲷, 千叶县. 炙烧表面, 油脂丰富.🍣 第四贯.. 石垣贝. 少少胶口, 味道一般.🍣 第五贯.. 黑鯥鱼, 静冈县. 又嚟炙烧, 油香满溢.🍣 第六贯.. 北寄贝. 青柠味带领, 鲜味Ok.🍣 第七贯.. 大拖罗, 加拿大. 五日熟成, 肥美, 鱼味浓郁.🍣 第八贯.. 吞拿鱼下巴, Kama Toro. 炙烧, 配紫菜, 白葱, 炸蒜片. 完美配合, 出色!🍣 第九贯.. 筋子赤海胆饭. 海胆鲜甜, 可惜筋子带苦味.🍙 吞拿鱼蓉手卷. 正常.🍵 鱼汤. 超级鲜甜, 抵赞!🍮 玉子烧. 师傅话落咗虾, 闻落真系有虾香.☕️ 咖啡. 够热, 唔错.🍨 红豆雪糕. 出奇地好食.🤗 总结: 座位阔落, 服务到位. 食材菜式算系大路, 今日 “秋刀鱼”, “𩽾𩾌鱼肝” 同埋 “白子” 发挥出色. 师傅清晰介绍鱼料食材, 主动交流, 用餐节奏舒服, 以中午厨师发板全餐嚟讲, 玩足两小时, 唔会赶头赶命, 十分赞! 值得推介.
继续阅读
今日想食铁板烧，在网上揾到这间餐厅便试试。餐厅坐位不多，一边是铁板烧，一边是omakase。每边有10个坐位左右，坐得比较松动。Server 介绍我们这个套餐，今日的铁板三品可选龙虾或鲍鱼，我选了龙虾，另配银鳕鱼及蛏子。但睇见隔离的鲍鱼很大只😬😬。和牛方面我选薄切，朋友点了和牛粒。😋😋以上出品都很好，食材新鲜已胜一切，再加上Chef 现场表演的手艺，令大家都食得很开心。炒饭粒粒分明，吸物鲜甜👍👍，本来很饱，谂住饮一口，但忍不住饮晒。😬😬
继续阅读