興記

今日嚟到屯门三圣邨度食海鲜 可以自己喺海鲜街度拣咗海鲜 然后再嚟到酒楼度加工 体验感100分！💯米粉底豉椒炒蛏子🌟豉椒汁爆炒够镬气！最正系个米粉底，吸晒蛏子精华同酱汁，干身又入味清蒸东星斑🐟鱼肉蒸得啱啱好，一夹就离骨，肉质嫩滑！豉油汁轻甜完全带出东星斑嘅鲜甜原味椒盐濑尿虾🦐炸到外壳酥脆到可以连壳食！椒盐咸香惹味，虾肉饱满弹牙，食到舔手指！象拔蚌刺身🌟象拔蚌一条细细只都要三百几 原本惊太细只 切出嚟个份量又OK㖞，切片薄透，口感爽脆鲜甜，点少少芥末酱油就好满足烧鹅食咗咁多道海鲜 梗系嗌返一碟肉嚟送 烧鹅都系呢度嘅招牌菜 脆肉嫩系基本！鹅肉多汁唔柴 脂肪香而不腻～🪿四个人食 海鲜买咗差唔多$1000 加工连埋菜同肉都差唔多$1000 虽然唔平，但系呢个价钱都抵过出去酒楼食 可以食到象拔蚌刺身😋兴记 (屯门)屯门三圣村熟食亭地下2号舖…查看更多

呢间餐厅非常不老实，一开始买d海鲜去加工，讲好左一个𩠌系$30，我地买左龙虾、蛏子同扇贝去，整芝士焗龙虾伊面、豉椒炒蛏子同埋蒜蓉粉丝蒸扇贝。个女侍应一开始明明讲好咗三个𩠌嘅加工费一共系$240。买单嘅时候无端端收多咗$180，原来伊面底米粉底要另外再加$80！但系佢一开始完全冇提过，原来加个米粉同伊面系要另外加多$160….姐系最后净系加工费如下：龙虾伊面$160米粉底豉椒炒蛏子$160蒜蓉粉丝蒸扇贝$80如果面底要另外加钱嘅点解佢唔一早出声?! 咁蒜蓉粉丝点解又唔使另外计钱?! 根本就系揿住嚟抢离晒大谱🤬最离谱嘅系收得贵都算, 焗龙虾焗到啲肉老晒…扇贝蒸到好似变咗瑶柱咁靭…. 西兰花鲜鱿啲鱿鱼系佢自己舖头嘅, 啲鱿鱼又系韧到咬都咬唔落。完全明白点解而家啲香港人全部要上消费😔 喺香港消费真系贴钱买难受！以后真系唔会再留港比钱D咁无良嘅餐厅赚, 大家都系香港人咁样呃自己人钱, 真系好过分！奉劝大家避雷，食海鲜都系返大陆或者去揾其他性价比更高嘅小店。…查看更多

在附近海鲜店买了一些海产，拿胶袋就走到了兴记，伙记在门外就已经笑笑口示意，表示欢迎一番。今次是第二次到来，同样是和客户吃饭，下午时段附近容易泊车，而且这一带的海鲜也有一定级数，带到这些小菜店制作就对了。总共柯打了四个𩠌，伙记不建议再多了，两男一女食量有限。烧味方面是满意的，我最爱吃的是炒鲍鱼，酱汁完全炒到肉里面，而且韧度也适当。至于圣子炒米粉饼也是相当不错，如果完全不吃辣的就得注意了，就是相当辣辣滋味。…查看更多

呢排成日响三圣邨做嘢，试吓唔同嘅舖头，今日午饭嚟到兴记个例汤系正正常常嘅嘢一坐低，侍应就会先比一碗例汤，客客气气，即刻问我食唔食蒸鱼，午餐有黄花鱼，蒸䲝鱼，凉瓜炆䲝鱼，我今次食黄花鱼好耐冇食过黄花鱼，非常滑溜，都算新鲜，我钟意食冬菜，如果多少少更加好正正常常快靓正嘅午餐，唔加嘢饮$54 ，有蒸鱼食㖞仲想点，好过成日食颓饭啦！…查看更多

下午六点零经过谂住求其食啲野 等夜晚大餐 一入门口个男侍应都几好礼貌 坐低后就有个中年老女人侍应「招呼」揸住个menu问佢有咩汤面拣，因为佢menu根本就无写有汤面类，佢就好唔耐烦咁答汤饭可以转汤面，咁其实讲一句都好嘥左你啖气既不如唔好做啦，都唔知系咪前世欠左佢咁 最后要左个烧鹅米 $67一碗黎讲好细碗下（米粉仲贵过饭，但就比个下午茶size我） 烧鹅味道唔错 肉就唔多 米粉汤一般粉面档水准 。 好喇，食紧果时仲听到个中年老女人侍应讲左几分钟咩咩烧鹅米 阿姐 其实你喺我两米范围 三枱客得我一个食烧鹅米粉 你觉得我听唔到定表演白卡？一句讲晒 市井侍应，无礼貌文化，100%唔会再帮衬 祝早日关门大吉 …查看更多