影片
食记 (4)
早上与父亲到楼下共同吃早餐，肥妹不太饿，就只点了个多士吃便算了。变心西多士（果占）$19（连一杯热饮）名字有够有趣的，虽然都知道是普通的烘多士，不过这名字还真令人印象深刻。面包即叫即烘，温热的脆面咬下去却软熟非常，唯一不足的是果酱太少了，令人感觉19元就只是在吃普通烘多士一样，而跟餐的热好立克味道虽不浓但仍未至于「水汪汪」，味道是可接受的范围内。
继续阅读
帮人做完野太肚饿 就同朋友是但入左e间食野!一入去 佢拖地拖到一地都系水囧叫野食 朋友叫煎蛋烟肉 肥牛米线我叫红肠 芝士肠 肥牛米线可能太肚饿 所以都觉得几ok朋友只蛋好令呀哈哈肥牛都算可以不过d红肠油左少少 但都可以不过佢果到D杯好似好旧~_~有少少DIRTY的感觉@@好彩佢平!24蚊咁多野食!算系咁啦!
继续阅读
师傅上几个星期喺呢头驻守, 所以间唔中都有四围揾野食; 咁啱早一阵子下午两点几路经此地, 见到呢间食店, 加上师都有好一段时间冇食米线, 见又冇咩人, 就盲中中贡左入去, 目的只为食一碗出色嘅米线啫!入到去人唔多, 可能过左放饭时间啦, 坐底后即刻睇下有咩好食啦, 点知睇睇下发觉同师傅去开嘅米线食店有唔啲唔同, 皆因呢度d米线唔系逐个𩠌柯打, 唔系自选𩠌料, 所以感觉上好似冇咁过瘾, 喺咁嘅情况下, 师傅只好瞄住佢个自选米线套餐啦!自选米线套餐系有一碗米线, 仲可以拣两款小食, 同一杯餐饮! 师傅谂左好耐, 最后要左云吞米线配上酸辣汤底, 而小食就要左煎蛋配咖哩角, 餐饮就梗系冻柠茶啦! 唔使等好耐成个套餐差不多同一时间上齐, 仲好唔使师傅等咁耐! 好, 第一时间当然系试下个云吞米线啦, 先试酸辣汤底, 汤底入口感觉唔强烈, 酸味欠奉而辣味有少少, 对于师傅黎讲可以话系不酸不辣, 饮左几啖都冇醒胃嘅作用, 发挥唔到酸辣汤底嘅功效, 反而味道偏咸; 而云吞有五小粒, 食落去发觉皮都几厚, 而内里系全猪肉, 师傅就唔多欣赏; 而米线系煮到碎湿湿, 夹都夹唔起, 而酸菜味道劲咸, 作为一间打正旗号嘅米线食店, 似乎诚意欠奉!师傅再拿拿临试埋两个小食, 煎蛋一只, 系太阳蛋, 煎得好香好靓, 但并唔会因此而加分, 皆因师傅觉得煎蛋仍系基本技术, 一只蛋煎唔烂已经合格; 咖哩角有两件, 咖哩角好明显系即叫即炸, 入口热辣辣, 加上炸得好松脆, 而内里咖哩尚算香浓, 都几惹味, 呢个咖哩角算得上成个餐最好食; 冻柠茶就冇茶味, 柠檬亦不算新鲜, 一般啦!总括黎讲米线水准真系算差, 环境就算舒服, 服务一般啦, 价钱就唔贵, 廿二蚊一个餐, 冻饮加两蚊, 埋单廿四, 但师傅觉得唔抵食; 食完碗米线后, 师傅觉得有啲捉虫, 满足感堪零, 失落于兴记米线下, 师傅心情迟迟未能复苏, 都只因为呢间食店! 再黎机会应该不大, 如果黎相信只因咖哩角, 喊脸比左硬!
继续阅读
呢间野我成日都去食真系明副其实平靓正早餐19蚊only...食物味道都唔差朝早成日爆晒的我去亲都系食呢间最出名既鸡排米线.要酸辣汤底鸡排味道我个人黎讲觉得好好食餐牌上仲有自选米线.3样送都系21蚊真系好抵食, 不过间野好早收，６点就收
继续阅读