興記茶餐廳 (已搬遷) 新店位置

小時候在興記鄰近的小學念書，這間小小的茶記帶給小妹不少回憶。記得有次與姐姐雙雙忘了起床，反正怎樣都會遲到，姐姐便帶了小妹到興記吃早餐，吃過後兩姊妹才大模斯樣的慢慢行回學校。小三時有半年也要自己一人吃午餐，除了當年m 記深得我喜愛的汽水雪糕(就是在汽水上加上一些軟雪糕就收貴2 元的那杯飲品)，這兒也是我的飯堂，每次我也可以一人清掉整碟碟頭飯，就造了我現在圓鼓鼓的身形。隨著小妹小時居住的上邨已經被拆掉，知道下邨將要清拆的消息時我也毫不驚訝，世界就是這樣運行，借用一句satc, nothing last forever；不過傷心的感覺始終仍在，畢竟下邨滿街的食肆中有著我不少的回憶：早已搬走的美味卥水豬大腸，每次媽媽夜歸時都買回來的文記魚蛋牛柏業，那年倒數後的林泰興早餐，無數次的金利來打冷...這一切在清拆後還會存在嗎？於是這天特意走到興記，叫一客最愛的奶醬多行街，那時是下午2 時半，應是較空閒的時段，但整間舖內居然滿客，不少人都拿著相機，四處拍照，是為了留下這裏的一絲回憶嗎？等了約5 分鐘多士就出來了，我最愛的脆脆多士，熱騰騰的是剛烘出來的，金黃的顏色是用心製作的證明，有時候實在不明白坊間的

成日都係牛頭角出入 .. 不過要諗係咩下午餐時都會去左吉野家 今次男友帶左我黎呢度食 .. 佢話呢度都有好多食評嫁 ..我地叫左一個午餐 + 一隻炸雞脾 佢個午餐 $27 .. 一個意粉 + 火腿炒蛋 +多士 + 奶茶對我地黎講唔係好抵 .. 因為食開都係$22到 .. 同埋意粉好細碟 .. 不過多士好正 .. 好脆 奶茶 好滑 .. 雞脾終於黎啦 .. 佢細過日月星 ... 不過好味過日月星呀 .. 雖然細細隻 .. 但係好脆 .. 好滑tim呀 .. $10 都ok啦下次要食豬扒包^^

(半個月前食評)食完何興記, 其實都飽飽地. 但係難得黎到, 又點會輕易放過食正野既機會呢?所以我地就黎左興記記得上次同男友試過呢度既招牌豬扒包, 覺得好好食今次試下新野先, order左個雞扒包唔知係咪無呢樣野叫架呢, 老闆聽到我地叫果陣皺左一下眉不過最後都整左俾我地嘩, 真係好正! 可能我同男友都鍾意食雞扒多過豬扒, 覺得仲正過豬扒包煎得香香又惹味的雞扒, 加上茄汁既味道, 仲有軟軟的麵包同埋牛油香, 好食!好想食多個, 但男友阻止了一d新既茶餐廳就係做唔到呢一陣味道...

今日又去下村食, 終於食到興記既午餐夜晚哩間野係冇野食$25 好多野, 有個豬扒麵, 殗列, 加$2 餐包轉多士, 有餐飲抵食, 味道普通豬扒冇預期中既"唔同", 都係同平時d 餐廳食差唔多殗列都係一般既殗列, 冇話特別好食多士好大朕牛油香味, 正!!奶茶好飲, 仲睇到有d 茶葉粒o係度公仔麵同多士之間要選擇食邊樣先, 公仔麵好快林, 多士都係所以下次都係食通粉其實好一般, 但真係抵食, 食個環境都抵d 侍應都算熱情

7-12-2008想去坐0下的鳳凰冰室無開門, 諗起仲有呢度, 立即搵路0黎試試. 星期日 2:00pm 後仍然多人到爆, 一個人都差 d 無位坐 @_@" 一場0黎到, 無理由淨飲咁混吉, 結果叫了份下午茶餐 ($17) 慢慢坐慢慢食.豬扒多士並非一般茶記的豬扒治烘底, 而係原塊豬扒 on 多士, 仲奉上一包 Hunt's 茄汁, 幾有趣. 多士烘得微(火農), 鬆脆又帶濃濃鹹牛油的香, 正; 豬扒就更掂, 雖然有少少梳打, 但醃得好入味, 食落又腍又多肉汁, 勁正!豬扒咁掂, 熱奶茶亦掂 -- 滑滑的, 奶味茶味近乎 40:60, 正.環境殘舊, 卡位勁窄, 衛生亦麻麻, 果然係舊式茶記; 阿姐們好友善, 好有人情味0既一個地方.希望下邨拆之前可以幫襯呢度多一次吧, 仲有今日去唔成的鳳凰冰室!

轉戰 牛頭角下邨~ 第一個目標係出名「雞蛋仔」~ 但由於唔知地部.....行左唔知去邊 傻下傻下就行左黎「.興記茶餐廳 」~ 其實我唔係好記得呢間特色茶餐廳個名架~ 但行到黎就覺得好熟面口，依稀記得係在雜誌及or既相片中見過，都有好多人叫好既茶餐廳，所以就搵左個卡位黎抖一抖，試下d野食，順便問下點去搵「雞蛋仔」啦~~無咩idea食咩好...最後見到佢有午餐，問左阿姐而家4點幾仲有無，佢話至到晚上都有架，所以我就叫一個 午餐 A 黎試試啦~先黎既係牛油麵包+火腿奄列﹕好細心，個包已幫你塗埋牛油~ 但係...個包唔熱丫~ 有dd 失望!! 奄列內都有幾多火腿喎 但我就略嫌奄列d蛋炒得過左火少少...如果可以滑返dd就good喇~ 而家既味道同份量都及格既~A餐既主菜火腿燴意粉﹕好似...細碟左dd﹖﹖ 可能係我自己以為係大碟dd果隻卦...可能又係我自己諗多左啦 成碟意粉不論味道及賣相都唔錯架，但唯一，亦係最敗筆之處就係...唔夠熱~ 呢款明明熱食既食物，點解一上枱就已經係只得微暖﹖﹖ 如可以熱多d，我想就一定會更加好味~~餐飲 凍O水﹕份量一般，味道都係一般~ 但唔難飲既，放心~

同事偶然經過發現這間舊式茶記，所以相約一試。先講食物，佢主要提供茶餐、特餐等 (即係粉面 + 奄列、多士 + 飲品)。我就選擇咗﹕豬扒面﹕豬扒完塊上。夠稔身。有煎過，但食落去唔會覺得好乾身。面就係用福字面，因我本身都幾鍾意食福字。所以我都幾滿意~~奄列 + 多士﹕因有同事試過佢啲餐飽，覺得個飽唔熱，唔好食，強烈建議我食多士 (要加錢，但唔記得幾多)。簡單咁講，奄列多士表現都唔錯。順帶一提，多士烘都烘得好香口~~凍奶茶﹕茶味夠、略甜。但都好飲。整體黎講，食物水準都唔錯，雖然唔稱得上好好食。但舊式茶記最吸引之處係那份人情味、不造作、價錢夠大眾化。呢份情，好多野都取代唔到。亦因為咁，愛上了舊式茶記….

離別在即，開業於1968年的興記，快要跟這區道別了！問過老闆幾兄弟們，對前景都沒答案，不知道會否另覓地方起爐灶，還是隨著拆卸而結業？剛好，我也在這區住了四十年，跟興記的關係不算什麼千絲萬縷，但那份無形和不捨的感情是存在的。奶茶之於一間茶餐廳來說是靈魂所在，調教不好的奶茶，肯定沒多少捧場客！興記扎根牛頭角下邨多年，這杯沖了四十年的奶茶自是不用置疑，水吧的師傅也是豐富經驗的廚子，別看一杯簡單的奶茶，有茶香，奶不能太多而蓋過茶味，亦要令人再三回味，又不是易事啊！興記的早餐雖是來去幾款，但它的通粉確實處理得很適中；一般餐廳的通粉，不是過度熟透，便是生硬了些；除此之外，下午茶的豬扒包就沒得彈了，豬扒是用上靚材料，加上獨有的醬汁炮製，經過多個小時才醃好，令豬扒肉入口一咬即開，味道香濃，而它的包是跟別處不一樣，不是硬身那一種，是俄羅斯包吧？吃完一個，總想再添，如果不是要控制飲食，真的要encore哩！

多得openrice獎我去睇"女人大作戰", 令我有機會返黎牛頭角懷念一下過去廿年的回憶星期日下午兩點半, 依然照舊叫了茶餐豬扒包+熱菜蜜$17 豬扒即炸, 唔會用粉嗱到淋哂, 味道剛剛好, 番茄超新鮮, 包就普通啦熱熱地咁囉, 菜蜜超濃, 甜到漏餐蛋麵+熱鴦$17 半塊煎香過的餐肉+一隻煎蛋+一個福字麵, 最傳統的茶記精髓火腿燴意粉+餐包奄列+熱奶茶$25 阿妹肚餓叫左午餐, 見到個意粉都幾多汁, 不過就細碟左d, 個包有牛油不過係凍既, 奄列好似多油左dP.S. 價錢真係好平, 所以請將貨就價, 唔好期望樣樣野會好多, 食唔飽但係唔會餓死啦~今次返黎見到d伙計有幾個都熟口熟面, 唔知將來仲會唔會響第二度見得返呢班人呢?

牛頭角下村一眾舊式屋村街坊食店，將在今年內因重建難逃清拆命運。愛好昔日文化當然不會放過機會來此懷舊一番。典型舊屋村茶檔風格，老街坊客大眾多，一向喜歡呢度既炸雞脾，豬扒包，豬扒多士。尤其係炸雞脾，真正生炸，落單後要15-20分鐘先有得食，炸得金黃，皮脆肉嫩。個人覺得好過時新，甚至日月星。當那些機械化既大食代越開越多，我還是喜歡此類舊式茶檔。..將要逝去總想挽留。

一個人於自修室溫到天昏地暗, 連午飯都冇食, 索性把早餐、午餐、下午茶合併為一, 方便又簡單; 如是者, 趁牛頭角下村還沒有清拆前, 每天試你多一些. 甫步入門口, 有種時光倒流廿年之感, 忽然連自己都變得滄桑了些. 確然, 只有麻甩佬在這個鐘數出現.聞說豬扒包十分有名, 即管一試:豬扒包: 即叫即整, 食時帶點微溫; 做法是把包皮烘得脆口, 中間夾入一牛油薄切豬扒, 配以一塊蕃茄及蕃醬更能減低油膩感, 故不會太膩口, 食落頗fresh凍奶茶: 奶味茶味十足, 二者相得益彰, 香濃幼滑, 一般茶餐廳無可比擬總結而言, 很有懷舊的味道, 充分表現舊式茶餐廳style, 一幕幕人情味展現眼前: 有一十歲小女孩身穿小背心人字拖, 該是下村住客, 天真的向老闆(?)買下午茶, 老闆摸了摸小女孩的頭後, 說不用收錢, 請你同你哥哥食, 小女孩報以會心的微笑, 嘻嘻哈哈的走回家; 另外, 看見伙記常和熟客打牙骹, 還擔心老伯伯身體欠佳, 叮囑他少吃油膩食物, 說把奶醬多換成三文治好了. 人情味甚濃, 此情此景, 還有多少間餐廳做得到?

同bf去食lee間... 當時係食午餐...黎到個意粉見到出奇的細碟... 不過原來都有好多既... 哈哈可能係隻碟問題掛 >< 但係個意粉幾好味wor... 個汁幾杰不過食落係有d乾乾地...令你好想飲水同埋有d意粉痴住咁~佢個noodles都ok wor... &個豬扒都好味呀!!奄列多左d oil...同埋個餐包凍既... 所以食左一啖冇食lu~下次去試個豬扒包先得呀!! 因為今次原本想食ga

食完文記, 就試埋興記既豬扒包依家唔試, 遲 d 都未必有機會可以試喇!由於食過野既關係, 所以都唔諗住食好多﹐嗌左個豬扒包拎走就算, 唔想嗌少少野霸兩個位個包好鬆軟下, 熱辣辣﹐係甜甜地果隻豬扒好香口入味, 無骨, 配埋香濃牛油味﹐好食有一舊蕃茄夾o係入邊, 另外有包茄汁自己落比起 m 記 d 豬扒包真係差好遠﹐但呢度只係賣10蚊咋同之前食過既時新漢堡一樣都係0甘好食! 食完豬扒包, 心郁郁想試埋豬扒多士不過男友話唔好一次食太多所以最後決定轉戰文記舊鋪既沙爹魚蛋魷魚!希望呢間鋪頭可以好似文記0甘塭到新鋪啦..就0甘無左真係好可惜呢!

同男朋友一人一個茶餐, 真係好抵~一人廿蚊都唔洗就走得而且服務係唔差, 佢地會介紹你食咩 答你問題問佢咩叫荷蘭水, 佢又會答你, 問佢咩叫谷咕, 佢又會答你, 真係好人事~佢地d奶茶真係好好好滑架, 好似用絲襪整咁滑 (可能係都唔定)佢地d公仔面,又係好好食,雖然係好普通既福面, 不過真係好好味~d豬扒包都係正d, 熱辣辣~正正正正正!!!

呢間店的豬扒很美味午餐B火腿奄列+餐包+豬扒麵福字麵同D豬扒很夾豬扒個味同其實餐廳的不一樣杯裝汽水唔駛加2蚊~打風落雨 在出面食仲有風味~ 反正有頂有欄柵, 很安全下次想食豬扒包!(這店都幾古老,喜歡懷舊去去無妨)