興記潮州滷水飯店

营业中

休息中

今日經過 呢間鹵水店 喺社交平台見到有人提及這間滷水檔超多人排隊， 經過門口畀佢店內的滷水味吸引便入去 試了這間滷味， 家人試了都覺得 鹵水鵝肉 多汁 不過其他 都 ok， 超好味！

今日係好同事同歡送要調職的我，我一直話想食潮式滷味（我係潮州人）佢哋好好咁搵咗呢間滷店水外賣比我食😭我唔知呢兩盒滷水幾錢雜錦滷水：好簡單發泡膠外賣盒，全部放一盒，鵝片另一盒（高級啲？😆），牛肚彈牙，雞腎太硬一般，橙色八爪魚腳彈牙唔硬，牛筋粗幼不一，我食嗰件略硬，滷水味不足鵝片8片一盒，鵝片夠大塊，不會太肥，鵝味濃而唔膻，沾酸白醋好味咁多款雖然唔係樣樣好味，不過勝在款式夠多，整體一般謝謝好友們為我嘅出心出力

試吓做大叔的日子夜晚出咗荃灣食嘢間滷水店，佢喺街市內。如果買外賣加餸返屋企，都係給一個唔錯嘅選擇。本人呢對豉油都麻麻哋嘅，口味亦都好淡，而呢間大叔飯堂嘅滷水鵝，味道又唔錯喎唔算好濃。呢一碟滷水飯佢嘅配菜好特別嘅，係屋企食粉絲炒菜加木耳。仲有嗌咗碟三寶-鵝腎生腸豬手飯鵝🦢腎都唔錯；啲生腸唔算好夾口；豬手就一般偏韌，淡滷水味。

之前男人一直都話荃灣有間鹵水豆腐幾好食 ，今日難得我哋今日去楊屋道街市買餸， 當然就諗住去試下去咗豆腐啦 。去到其實原來都有好多唔同嘅選擇， 所以我哋今次除咗買鹵水豆腐之外仲買咗其他嘢， 而且佢哋都係好特別，可以自己夾自己鍾意食啲幾多同埋款式之後再去磅重 。今次我哋叫咗 滷水，生腸，魷魚，紅腸 和鹵水豆腐 $50 這個價錢十分抵食 ，而且佢仲有鹵水鵝，應該下次都想試一試。鹵水豆腐比較咸左少少， 生腸同魷魚都夠脆口 ，配上蒜醋味道都吾錯（蒜味濃而配上醋夠香），因比較咸都冇落鹵水汁，一盒都係$50都抵食。

今日經過呢間鹵水店 聞到啲鹵水 吸引我 順便買啲 返屋企加餸 ，於是我就執左個滷水拼盤奶奶話牛肚好林，好入味，老公話墨魚同生腸好正，餸啤酒一流我就覺得五花腩同豬大腸好食，特登留起小小明天帶飯原來佢仲有其他炒小菜，起碼有30款以上可以揀。見佢買相都幾好下次可以試下，等阿姐切嘢個陣，見到d師奶個個都買生炒骨同椒鹽豬排，我估應該都好食，下次會買黎試下。 總括黎講 佢地滷味都幾 好味 值得一試 不過地點唔近大街 下次要仔細再搵返呢間店。順帶一提，我好欣賞佢地有個阿姐係度收錢同包嘢，唔會好似其燒味個d,斬嘢同收錢都係同一個人

30-10-2016 (Sun)同老公買餸,買o左菜就要買肉,行經呢o度,老公話買鹵味,睇睇有咩買.鹵豬脷,老公夾一條鹵豬脷.而我睇見有咩福建肉卷,$15.00一條,老公就夾兩條,要o黎炒紅蘿蔔絲.計埋條鹵豬脷,合共$52.00.返到屋企打開睇,鹵豬脷已幫我o地切好,食吓先,味道唔鹹,爽口.福建肉卷,老公將佢切成片,我又食吓先,就似越南紥肉,不過味道濃同鹹啲,比較惹味.但炒o左紅蘿蔔絲食就太油膩同難食.

:見到D人寫到咁差,昨晚經過見到都有好多人排隊咁入去試吓買D嘢，買咗四份一滷水的鵝一百蚊到九菜朱紅16元又唔貴喎,晚飯時打開盒有陣滷水香味,老豆仲話D肉諗又夠味,朱紅又滑又惹味,仲叫我下次再買多D因為唔夠食

18-6-2014 (Wed)放工後如常返屋企食晚飯,發現有一碟已煮好o既魚雲,爸爸話係o係呢o度見好似好靚咁就買o黎試,我問佢幾多錢?佢答$32.00.咁貴?煮好晒餸後開餐,試吓先.原以為係普通o既豉汁蒸魚雲加蔥,一食落,咩味o黎o架?唔好食o既?唔似豉油又食唔到蔥o既香味,魚肉好腍但好彩不至於霉.但真係唔好食,我勸爸爸以後都唔好再o係o度買o野食喇.

30-11-2013 (Sat)朝,爸爸話佢只買o野煲湯,我就同男友買餸啦,返到屋企,竟發現爸爸o左一大盒o野返o黎,我打開睇,係滷水鴨,我問佢係咪一隻同幾錢?佢答半隻,$50.00.呢個俾埋一包滷水汁同兩包醋.而上排好靚靚但淡色o既切片鴨胸肉.到夜晚,三個人食兩餸一湯飯,我又先唔蘸o野食,味道係淡淡,唔覺有滷水味,肉質正常.之後蘸滷水汁,味道濃少少,OK.然後都蘸醋,醋就鹹o左啲,但清啲,不過咀仔乾就’乸’到個咀幾痛.滷水鴨整到幾淡,但又俾滷水汁,佢係唔想啲人食咁鹹定明知自己o既唔夠味?我記得第一次食時覺得好夠鹹,但今次唔係o既?(o個個食評: http://www.openrice.com/restaurant/commentdetail.htm?commentid=2120341&tc=sr2&con=rvwer)

尋日(18-8-2013 Sun)爸爸如常買餸,買o左一盒餸返o黎,由於一直都冇打開,所以我一路都估係燒味,到夜晚食飯前我打開睇, 原來係梅菜扣肉,之前爸爸已經o係o度買過,已經覺得唔好食亦都冇寫食評,但今次佢又買,咁今次寫啦.睇見佢o既顏色已經唔深,先講肥豬肉o既口感,莫講話入口即融,就連基本o既腍冇,唔單止瘦o個啲,就連脂肪都係. 而味道,佢同梅菜一樣係偏甜,根本就唔好食,重差過罐頭o既.一盒要重要$30.00添.

尋日(26-6-2013 Thur)放工返到屋企,睇到有盒餸就打開睇,既唔係燒味又唔係滷味,而係造型奇怪o既釀豆腐,成粒肉丸'達'o係大大舊o既豆腐上,不過面上又橙又綠咁點綴又唔太差o既,試吓先,粒肥大肉丸原來由豬肉同鯪魚肉混合而成,口感好鬆化,但味道係食唔出乜滯,而豆腐唔算好滑亦食唔到豆腐味,係一般,只可以話勝在夠清淡.

5-5-2013(日）是日晚上，一個人吃飯，那就隨意在街外買個飯盒回家吃，就在 興記潮汕滷水專門店 買了一盒兩餸飯回家去。回家後，我立刻把飯盒打開，已被其賣相嚇怪了！我叫了蒸蛋和切瓜肉絲，蒸蛋一撻撻的，吃下一口，很水汪汪的，完全沒有蛋味，應下了過多的水份去蒸煮吧！切瓜肉絲完全沒味，像用滾水淥完便上桌；白飯也很硬身，完全不行！今天的心情確實很難過，你知道嗎？

今日(3-11-2012 Sat)爸爸買餸,又o係呢o度買o左$27.00兩個餸,一個係鹹菜豬肉,一個係生炒排骨.其實幾日前爸爸都o係o度買o左兩個餸,一個係鹹菜豬肉,一個係雲耳蒸雞,兩樣都差到我都唔想寫,今次第二次,所以要寫.鹹菜豬肉,其實係鹹酸菜炒豬肉,鹹酸菜有乜味,反而我食到薑味,而豬肉係薄切五花腩,,口感同味道都差,最差就係成個餸都好油.而生炒排骨呢,顏色係靚,食落,仍有啲脆,但骨頭大大舊,肉就得啲咁多,而味道呢,太過酸,甜度唔夠.

(2-3-2012 Fri)放工返屋企食飯,爸爸又o係o度買o左炸雞翼返o黎,今次外表冇乜問題,咁我如常咁食,點知食到雞中翼時,竟然食到仍有紅紅o既血漬,有冇攪錯?我再夾一件雞鎚食,同樣都係有咁o既情況,爸爸都食一件,一樣有生o既,.究竟呢間想點?味道開始唔好,重要煮唔熟.而o係18-3-2012呢個禮拜o既其中一日,爸爸都買多一次,呢次就混埋炸魚,雞中翼裡面仍然係熟唔透,不過就冇上次咁離諧,而炸魚呢?都係o個隻炸漿,魚係唔多新鮮o個隻,骨又硬,一般.呢兩個要$26.00. 呢兩樣評分: 味道 1 環境 3 服務 3 衛生 3 抵食 2而o係尋日(23-3-2012 Fri)爸爸見呢o度o既豬手好似幾靚,佢就以$40.00買返屋企做餸,我返到屋企食喇唔….滷水味唔多夠,豬手係爽唔覺肥膩.呢樣評分: 味道 3 環境 3 服務 3 衛生 3 抵食 2

大前日(5-2-2012 Sun)爸爸o係o度買o左有一段時間冇食o既椒鹽雞翼返o黎做餸,呢個其實我o係星期六買餸時都有諗過買,不過我買o左其他有益o既菜,所以冇買到.我打開睇,點解連o左雞翼尖o既我問爸爸,佢答係啊,o衣o家重只係有8隻,又加o左價,要$27.00,即係8隻雞翼尖換走o左一隻雞鎚同一隻雞中翼,我就唔係咁鍾意食雞翼尖.不過都要食o架,食落,同上年最後一次食o既一樣,冇乜咖哩味,變得有啲單薄,o衣o家重整幾隻雞翼尖o黎.最後我o地食唔晒,夾去隻碟時,睇清楚啲,嘩!隻雞翼瘀黑色o架,雖知道呢啲椒鹽炸乜乜都唔會畀靚o野炸,會用雪藏雞翼,但都唔係咁啊睇o黎又要隔一段時間諗唔到食乜餸至記得佢囉.